2 Timoteo 4:2 - Rapa Nui

² e haka ꞌite e oho koe, e Timoteo ē, i te roŋo o te ꞌAtua, ka haŋa ꞌe ka taꞌe haŋa e te nuꞌu mo haka roŋo atu. Hai haumārū ana hāpī ꞌe ana haka ꞌite i te rāua hape, ana ture, ꞌe ana haka haŋu i te rāua manaꞌu.

2 Timoteo 4:2 ပူးပေါင်းရင်းမြစ်များ

Ruka 7:23

E kī takoꞌa: «¡Ko te koa i te taŋata ꞌina he ꞌaka-ꞌaka e haka moe ena i te manaꞌu ꞌi ruŋa i a au!».

Ruka 7:4

I tuꞌu era rā nuꞌu ki muri i a Ietū, he kī: «E Ietū, te kape rōmano uŋa mai i a mātou he taŋata e tano rō ꞌā mo hāꞌūꞌū e koe.

Ruka 9:60

He pāhono e Ietū: —Ka haka rē mo te nuꞌu mate e tanu i te rāua nuꞌu mate; ꞌe a koe ka oho ka haka ꞌite o ruŋa i te haka tere iŋa ꞌāpī o te ꞌAtua.

Aŋa o te ꞌĀpōtoro 13:5

I tuꞌu era ki Taramina, he kona o Tīpere, he haꞌamata he haka ꞌite i te ⌊roŋo riva-riva o te ꞌAtua⌋ ꞌi te ⌊hare pure hūrio⌋ taꞌatoꞌa o ira. I oho takoꞌa rō a ⌊Iovani⌋ ꞌi muri i a rāua mo hāꞌūꞌū.

Aŋa o te ꞌĀpōtoro 16:13

I tano era te ⌊mahana haka ora⌋, he eꞌa a mātou he oho ki haho o Fīripo ki te taha-taha o te rio, he ꞌite o mātou he kona pure o te hūrio. He noho ia a mātou ꞌi ira, he vānaŋa o ruŋa i te roŋo riva-riva o te ꞌAtua ki te ŋā viꞌe taka-taka atu.

Aŋa o te ꞌĀpōtoro 20:7

ꞌI te mahana raꞌe o te tāpati, he mahana tāpati, he taka-taka a mātou mo kai i te haraoa, he meꞌe mo manaꞌu ki te mate iŋa o Ietū, ꞌe ko Pauro i noho i vānaŋa ki te nuꞌu haka moe i te manaꞌu ꞌi ruŋa i a Ietū. ꞌI te ai he oho ꞌi te rua mahana, he ꞌata haka roa-roa i tāꞌana vānaŋa ꞌātā ki te ꞌahuru mā piti o te pō.

Aŋa o te ꞌĀpōtoro 28:16

I tuꞌu era a mātou ki Roma, he haꞌatiꞌa i a Pauro mo noho ꞌi te hare e tahi koia ko haka ꞌauario hai vaꞌehau e tahi.

Rōmano 10:15

ꞌE ¿pē hē ana haka ꞌite ana oho i te roŋo riva-riva o te ꞌAtua mo ai ꞌina he uŋa i te kope mo haka ꞌite? E hāꞌaki rō ꞌana, paꞌi, ꞌi ruŋa i te Pāpaꞌi Moꞌa pē nei ē: «¡Ko te koa ꞌō i te meꞌe he tuꞌu mai o te nuꞌu e maꞌu rō ꞌana i te roŋo riva-riva o te ꞌAtua!».

Rōmano 12:12

E koa kōrua ꞌi te meꞌe era pe muꞌa ka oho ena e ai rō ꞌana te meꞌe riva-riva mo tātou. E haꞌaoromaꞌi te ꞌati taꞌatoꞌa hai pūai. ꞌE ꞌina ko haka rē, ki te hora hopeꞌa, te meꞌe ena he pure ki te ꞌAtua.

Karatia 6:6

Te kope hāpī i te vānaŋa o te ꞌAtua, e hāꞌūꞌū hai meꞌe ai ꞌāꞌana ki te maꞌori hāpī i a ia.

Kōrosa 1:25

Ko haka riro ꞌana, paꞌi, a au i a au he tāvini o te nuꞌu nei ꞌi te hora vaꞌai mai e te ꞌAtua i te aŋa he haka ꞌite tahi i tāꞌana roŋo ki a kōrua ki te nuꞌu taꞌe hūrio.

Kōrosa 4:3

ꞌe e pure takoꞌa mo mātou, ki mātaki ai e te ꞌAtua i te ara mo haka ꞌite mo oho mātou i tāꞌana roŋo, ꞌe mo haka aŋi-aŋi i te parautiꞌa o ruŋa i a Ietū taꞌe haka ꞌite mai era e ia ꞌi muꞌa ꞌā. ꞌO te haka ꞌite ōꞌoku o ruŋa i te meꞌe nei a au e puru atu ena ꞌi roto i te hare maꞌuꞌaurī.

1 Tētārōnika 1:6

ꞌE a kōrua ko haka tano ꞌana i te kōrua noho iŋa pa he noho iŋa ꞌana o mātou, ꞌe pa he noho iŋa takoꞌa o te tātou Pūꞌoko Haka Tere ko Ietū Kiritō. ꞌE, ka ai atu e topa rō atu ꞌana te ꞌati ꞌi ruŋa i a kōrua, i toꞌo nō kōrua i te roŋo nei mo kōrua hai koa vaꞌai atu e te Vārua Maitai.

1 Tētārōnika 5:14

He ani takoꞌa atu mātou, e te taina ē: e haka pūai te manaꞌu o te nuꞌu e riꞌa-riꞌa rō ꞌā, e hāꞌūꞌū ki te nuꞌu ꞌina he pūai te rāua haka moe iŋa i te manaꞌu ꞌi ruŋa i a Ietū, e kī ki te nuꞌu hupe-hupe: «e aŋa», ꞌe e ꞌite kōrua mo haꞌaoromaꞌi i te taꞌatoꞌa.

1 Tētārōnika 5:20

ꞌIna ko taꞌe haka au i te vānaŋa haka ꞌite atu e ia hai rua kope.

1 Timoteo 4:13

ꞌI tuꞌu tiaki iŋa mai, e taiꞌo koe ki te taŋata i te ⌊Pāpaꞌi Moꞌa⌋, e hāpī ꞌe e haka haŋu koe i te taina.

1 Timoteo 5:20

ꞌE mo ai ko hara ꞌana ꞌe ꞌina he haka tapa mai roto i rā meꞌe, e ture ꞌi muꞌa o te nuꞌu taꞌatoꞌa haka moe i te manaꞌu ꞌi ruŋa i a Ietū, ki riꞌa-riꞌa ai te tētahi nuꞌu pūꞌoko haka tere.

2 Timoteo 2:21

Te kope haka tapa i a ia mai roto i te meꞌe taꞌe tano pa he ŋā meꞌe piru era ꞌā, meꞌe haꞌataꞌa mo te meꞌe riva-riva haŋa e te ꞌAtua mo aŋa.

2 Timoteo 2:25

E ꞌite takoꞌa i te kī, hai māhatu maꞌitaki, i te hape o te nuꞌu taꞌe haka roŋo, koiꞌite ꞌi te riva rahi o te ꞌAtua, he huri i te rāua manaꞌu ki a ia, ꞌe he ꞌite i te parautiꞌa o ruŋa i a Ietū Kiritō,

2 Timoteo 3:10

ꞌE a koe, e Timoteo ē, ko ꞌite riva-riva ꞌana i tāꞌaku meꞌe hāpī, i te huru o tōꞌoku noho iŋa, i tāꞌaku meꞌe haŋa mo aŋa, i tōꞌoku haka moe iŋa i te manaꞌu ꞌi ruŋa i a Ietū, i tōꞌoku haumārū, i tōꞌoku haŋa ki te rua ꞌe i tōꞌoku haꞌaoromaꞌi iŋa i te ꞌati hai pūai

Tito 1:13

ꞌE he parautiꞌa. ꞌO ira, e haka pūai koe ana ture, ki tano ai te rāua haka moe iŋa i te manaꞌu ꞌi ruŋa i te ꞌAtua,

Tito 2:15

He meꞌe nei e au e pāpaꞌi atu ena te meꞌe mo hāpī ꞌe mo kī e koe ki te taina mo aŋa, ki tano ai te rāua manaꞌu ꞌe te rāua noho iŋa ki te hāpī parautiꞌa o te ꞌAtua. ꞌE ana hape a rāua, e ture. I a koe, paꞌi, te parau; ꞌe ꞌina ko haꞌatiꞌa mo taꞌe moꞌa atu.

ꞌEvereo 13:22

E te taina, he ani atu au mo haka roŋo riva-riva kōrua ki tāꞌaku meꞌe ꞌiti-ꞌiti pāpaꞌi atu ena mo haka pūai i te kōrua manaꞌu ꞌi ruŋa i te ꞌAtua.

Meꞌe Haka Takeꞌa 3:19

’A au e ture e haka tī-tika rō ꞌā i te nuꞌu taꞌatoꞌa haŋa e au. ꞌO ira, ka hārui haka ꞌou tuꞌu manaꞌu ki te ꞌAtua ꞌe ꞌai ka haꞌatura rō hai māhatu.