2 Timoteo 4:14 - Rapa Nui

¹⁴ A Arehantaro, taŋata aŋa ꞌaurī era, ko aŋa mai ꞌana i te meꞌe taꞌe tano ki a au; mo te ꞌAtua e haka ūtuꞌa i a ia.

2 Timoteo 4:14 ပူးပေါင်းရင်းမြစ်များ

Rōmano 12:19

E te taina, ꞌina ko kimi i te rāveꞌa mo haka ūtuꞌa i te nuꞌu aŋa atu i te meꞌe taꞌe tano; e haka rē mo te ꞌAtua a rāua e haka ūtuꞌa. E kī rō ꞌana, paꞌi, ꞌi ruŋa i te ⌊Pāpaꞌi Moꞌa⌋ pē nei ē: «Māꞌaku mau nō e haka ūtuꞌa i te taŋata, ꞌe māꞌaku e haka ꞌauhau i te rāua meꞌe taꞌe tano aŋa, he kī iŋa nei o te ꞌAtua».

Rōmano 2:6

Te ꞌAtua e vaꞌai rō ki te taꞌatoꞌa i te meꞌe e tano ki te rāua meꞌe aŋa.

2 Tētārōnika 1:6

e haka ꞌamo rō hai ꞌati i te nuꞌu tōtōā i a kōrua,

1 Timoteo 1:20

I topa ai te meꞌe nei ki a Hīmēneo ararua ko Arehantaro, ꞌe ko haka rē atu ꞌana e au ki a Rukifero mo aŋi-aŋi e rāua ararua: ꞌina ko kī haka ꞌou i te vānaŋa taꞌe tano mo te ꞌAtua.

2 Timoteo 4:15

E hāpaꞌo koe e ia; ꞌina, paꞌi, he haŋa ki te roŋo haka ꞌite e tātou.

1 Iovani 5:16

Mo takeꞌa e tahi taŋata i tōꞌona taina e hara ꞌana, ꞌe rā hara taꞌe he hara mo haka ūtuꞌa i a ia hai mate, e pure mōꞌona, ꞌe mo te ꞌAtua e vaꞌai i te ora ꞌāpī ꞌina he hopeꞌa raꞌa ki rā taina. ꞌE nā e ai rō ꞌā e tahi hara he haka ūtuꞌa i a koe hai mate, ꞌe mo rā hara e ko kī atu e au e pure e kōrua.

Meꞌe Haka Takeꞌa 18:20

¡Ka koa kōrua, e te meꞌe taꞌatoꞌa noho ꞌi te raŋi ē! ¡ꞌE ka koa kōrua, e te nuꞌu haꞌataꞌa e te ꞌAtua māꞌana ē, e te ⌊ꞌāpōtoro⌋ ē, ꞌe e te perofeta ē! Ko haka ūtuꞌa ꞌana, paꞌi, e te ꞌAtua i te kona era, ꞌo te meꞌe taꞌe tano aŋa atu ki a kōrua».

Meꞌe Haka Takeꞌa 18:6

He ŋaroꞌa haka ꞌou ia e au i tū reꞌo era e kī ꞌā: «Ka haka hoki ki a ia, e rua haka hoki iŋa, te meꞌe taꞌe tano aŋa era e ia ki te rua. Ka ꞌānoꞌi ka haka pūai te ꞌava mo haka unu ki a ia ki te ꞌava haka unu era e ia ki te rua.

Meꞌe Haka Takeꞌa 6:10

Pē nei e kī pūai era: «E te Pūꞌoko Haka Tere moꞌa ꞌe parautiꞌa ē, ¿a hē koe ka haka ꞌauhau hai ūtuꞌa i te taŋata o te ao ꞌo te tiŋaꞌi i a mātou?».