2 Timoteo 4:1 - Rapa Nui

¹ ꞌI muꞌa o te ꞌAtua ꞌe o Ietū Kiritō, kope ka oho mai ena pa he ꞌAriki nui-nui mo haka ūtuꞌa i te nuꞌu ora ꞌe i te nuꞌu mate, ka kī atu ena a au:

2 Timoteo 4:1 ပူးပေါင်းရင်းမြစ်များ

Māteo 16:27

Te Poki o te taŋata, paꞌi, e oho rō mai e ꞌana-ꞌana rō ꞌana ꞌi te pūai o tōꞌona Matuꞌa, ꞌi muri i a ia tāꞌana merahi, ꞌe e ꞌauhau rō i te taŋata, e tahi e tahi, e haka tano ki te rāua meꞌe aŋa.

Ruka 19:12

He kī: «E ai rō ꞌā te taŋata hōnui e tahi ko oho ꞌā ki te henua roa-roa mo haka ꞌariki ꞌe ꞌai ka hoki mai.

Ruka 19:15

»I haka ꞌariki nō i tū taŋata era, ꞌe he hoki ki tōꞌona henua. I tuꞌu era he uŋa mo oho o tū nuꞌu tāvini era mo ꞌite e hia moni i ravaꞌa o tū moni vaꞌai era.

Ruka 23:42

He kī haka ꞌou e tū kope era: —E Ietū, e manaꞌu koe ki a au ꞌi te hora o tuꞌu haka tere iŋa pa he ꞌariki.

Aŋa o te ꞌĀpōtoro 10:42

ꞌE ko uŋa mai ꞌā i a mātou mo haka ꞌite ki te taŋata ko vaꞌai ꞌā e te ꞌAtua i te parau ki a ia mo ture ki te nuꞌu ora ꞌe ki te nuꞌu mate.

Aŋa o te ꞌĀpōtoro 17:31

Te ꞌAtua ko uꞌi era ꞌana i te mahana mo ture e te kope haꞌataꞌa e ia i te taŋata taꞌatoꞌa o te ao hai tī-tika ꞌe hai parautiꞌa. ꞌE hai haka ora i rā kope mai te mate i haka aŋi-aŋi ai e te ꞌAtua ki te nuꞌu taꞌatoꞌa ko ai rā kope».

Rōmano 2:16

ꞌi te mahana ture e te ꞌAtua hai Ietū Kiritō i te taꞌatoꞌa meꞌe aŋa ꞌe manaꞌu e te taŋata, ꞌātā i te meꞌe taꞌe ꞌite e te rua. He meꞌe nei te meꞌe haka ꞌite ꞌi ruŋa i te ⌊roŋo riva-riva o te ꞌAtua⌋ hāpī e au.

Kōrosa 3:4

ꞌo te ai mai i a Ietū e ai ena. ꞌE hora ena ōꞌona ka hoki mai ena ki te ao nei, he ai takoꞌa a kōrua ꞌi muri i a ia ꞌi roto i tōꞌona nui-nui, te auraꞌa, he ai takoꞌa i a kōrua te huru riva ōꞌona.

2 Tētārōnika 2:8

Ki toꞌo, ka takeꞌa iho ena e te nuꞌu i rā taŋata riri taparahi-taꞌata era mo te ꞌAtua, kope ka haka kore ena e te tātou Pūꞌoko Haka Tere hai reꞌo ōꞌona ꞌe hai ꞌana-ꞌana o tōꞌona mana ꞌi te hora ka hoki mai ena.

1 Timoteo 5:21

ꞌĪ a au he kī atu: e aŋa koe i te meꞌe hatu atu ena o ruŋa i te nuꞌu pūꞌoko haka tere. Ana haka tī-tika koe e tahi o rāua, ꞌina ko uꞌi ko ai a ia ana ture iho i tōꞌona hara. ꞌIna ko rehu i a koe: nā e uꞌi atu ena te ꞌAtua, a Ietū Kiritō ꞌe te merahi.

2 Timoteo 1:10

ꞌE, ko haka takeꞌa mai ꞌā e te ꞌAtua hai tuꞌu mai era o Ietū Kiritō, kope haka eꞌa i a tātou mai roto i te ūtuꞌa o te hara. Ko haka kore ꞌā, paꞌi, e Ietū i te pūai o te mate, ꞌe ko haka ꞌite ꞌā ki te nuꞌu: mo haka noho o rāua i te manaꞌu ꞌi ruŋa i te ⌊roŋo riva-riva o te ꞌAtua⌋ he ravaꞌa i te ora ꞌāpī ꞌina he hopeꞌa raꞌa.

2 Timoteo 2:14

E haka manaꞌu koe ki te nuꞌu, e Timoteo ē, i te ŋā meꞌe kī atu era e au, ꞌe ꞌai ka kī rō hai ꞌīŋoa o te ꞌAtua: ꞌina a rāua ko tātake o ruŋa i te auraꞌa o te vānaŋa; ꞌina, paꞌi, e tahi hauhaꞌa. Te meꞌe mau nō mo ravaꞌa he haka kore i te haka moe iŋa o te manaꞌu ꞌi ruŋa i a Ietū o te nuꞌu haka roŋo i rā vānaŋa.

2 Timoteo 4:18

ꞌe pē ira takoꞌa ꞌā ka haka eꞌa ena i a au mai roto i te ꞌati taꞌatoꞌa ꞌe ka maꞌu ena i a au ki te raŋi ki te ao haka tere e ia. ¡Ki haꞌahana-hana tahi tātou ki a ia ꞌātā ki te hopeꞌa raꞌa! ⌊ꞌĀmene⌋.

2 Timoteo 4:8

Te meꞌe toe nō he vaꞌai mai i tōꞌoku hei, hei vaꞌai ki te nuꞌu aŋa i te meꞌe tī-tika ki te mata o te ꞌAtua ka vaꞌai mai ena ꞌi te mahana o te ture hopeꞌa e Ietū Kiritō, kope ture hai parautiꞌa i te hape o te taŋata. ꞌE taꞌe ki a au nō ka vaꞌai mai ena, ki te nuꞌu taꞌatoꞌa tiaki hai māhatu ki tōꞌona hoki iŋa mai.

Tito 2:13

ꞌātā ka tuꞌu rō mai te meꞌe nui-nui tiaki e tātou: he hoki iŋa haka ꞌou mai o te tātou ꞌAtua pūai ko Ietū Kiritō, kope haka eꞌa i te taŋata mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

1 Pētero 1:7

Te ꞌAtua, paꞌi, e haꞌatiꞌa rō ꞌā mo topa mai o te ꞌati mo ꞌite hoki te haka moe iŋa nei o tātou i te manaꞌu ꞌi ruŋa i a Ietū e hio-hio rō ꞌā ꞌo ꞌina, pa he piru e tunu ena ꞌi roto i te ahi. ꞌE mo te ꞌAtua te haka moe iŋa o tātou i te manaꞌu ꞌi ruŋa i a Ietū i hau rō atu i te hauhaꞌa ki te piru, he meꞌe e ŋaro nō. Mo hio-hio mo oho nō o te tātou manaꞌu ꞌi ruŋa i a Ietū ka ai atu e rahi rō ꞌā te ꞌati topa mai, ꞌi te hora o te hoki iŋa mai o Ietū Kiritō, he koa te ꞌAtua ꞌe he haka paka he haka nui-nui i a tātou.

1 Pētero 4:5

Ka ai atu pē ira, pe muꞌa ka oho ena, ka taꞌe haŋa atu e rāua, e kī tahi nō i te rāua meꞌe i aŋa ki te kope māꞌana e ture i te nuꞌu ora ꞌe i te nuꞌu mate.

1 Pētero 5:4

Pē ira, ꞌi te hora o te tuꞌu iŋa haka ꞌou mai o te Pūꞌoko Haka Tere o te ŋāŋata hāpaꞌo māmoe taꞌatoꞌa, he haka hei atu i a kōrua hai meꞌe ꞌina e ko ŋaro ki te hora hopeꞌa, ko te meꞌe ena: he noho mau rō ꞌai kōrua ꞌi muri i a ia ꞌi roto i tōꞌona nui-nui ꞌana-ꞌana.

2 Pētero 1:11

ꞌe te ꞌAtua, hai koa, ka haka uru ena i a kōrua ki roto i te ao ꞌina he hopeꞌa raꞌa, he ao haka tere e te tātou Pūꞌoko ko Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

2 Pētero 1:17

I takeꞌa rō, paꞌi, e mātou i te pūai ꞌana-ꞌana ōꞌona hora haka paka era e te ꞌAtua Matuꞌa mai te raŋi pē nei ē: «A ia he poki haŋa rahi ꞌāꞌaku, ꞌi ruŋa i a ia tōꞌoku koa».

1 Iovani 2:28

ꞌĒ-ē, ꞌina kōrua ko haka tapa. Ka haka noho nō kōrua, e ŋā poki ē, ꞌi muri i te Kiritō, ꞌo haꞌamā kōrua ꞌe ꞌo riꞌa-riꞌa ꞌi muꞌa i a ia ꞌi te hora o tōꞌona hoki iŋa mai.

Meꞌe Haka Takeꞌa 1:7

ꞌIna ko rehu: ¡ꞌI ruŋa i te raŋi tea-tea ka oho mai ena a Ietū! Taꞌatoꞌa nō ka takeꞌa ena, ꞌātā te nuꞌu ꞌo-ꞌoka era i a ia. Te taŋata taꞌatoꞌa o te ao taꞌe haka moe i te manaꞌu ꞌi ruŋa i a ia e ŋaroꞌa rō i te māui-ui ki roto i te ivi o ruŋa i a ia. He aŋi mau ꞌā, pē ira ka topa ena.