2 Timoteo 3:6 - Rapa Nui

⁶ O rāua, paꞌi, te nuꞌu oho ki hare era ki hare era ꞌe hai reo-reo e ravaꞌa ena mo haka tere i te ŋā viꞌe ꞌina he pūai o te manaꞌu, ꞌamo meꞌe rahi hara, ꞌe pohe ki te meꞌe taꞌe tano.

2 Timoteo 3:6 ပူးပေါင်းရင်းမြစ်များ

Māteo 11:28

»Te nuꞌu taꞌatoꞌa rohi-rohi ꞌo te ꞌamo i te meꞌe paŋahaꞌa e oho mai ki a au; māꞌaku e haka kore i te rohi-rohi.

Māteo 23:13

»¡Ko te ꞌaroha i a kōrua, e te maꞌori o te haka tere hūrio ꞌe e te fariseo ē, he nuꞌu riva a te haho nō! E puru rō ꞌana kōrua i te ꞌōpani ꞌo oꞌo te taŋata ki roto i te ⌊haka tere iŋa ꞌāpī o te ꞌAtua⌋. ꞌE a kōrua mau ena ꞌā ꞌina he oꞌo, ꞌe ꞌina he haka rē mo oꞌo i te nuꞌu haŋa mo uru. [

Māteo 23:14

»¡Ko te ꞌaroha i a kōrua, e te maꞌori o te haka tere hūrio ꞌe e te fariseo ē, he nuꞌu riva a te haho nō! E hiko ena kōrua i te hare o te ŋā viꞌe hove, ꞌe mo haka tuꞌu he meꞌe taꞌe ꞌati, he haka roa-roa e kōrua i te kōrua pure mo takeꞌa e te taŋata. ꞌO ira, ꞌata paŋahaꞌa te ūtuꞌa ka topa ena ꞌi ruŋa i a kōrua.]

Māteo 4:24

ꞌI te kona taꞌatoꞌa o Tīria e ꞌaꞌamu era o ruŋa i te meꞌe aŋa e Ietū. He maꞌu ia e te taŋata o ira i te nuꞌu huru kē huru kē te rāua māui-ui, te nuꞌu oꞌo e te tātane, te nuꞌu māui-ui kiki-kiki, te nuꞌu taꞌe makenu o te hakari, ꞌe he haka ora tahi e Ietū.

Marko 4:19

Te meꞌe ꞌino nō, ꞌi te taiko o te mauku pū-pū, te auraꞌa, ꞌi te pūai o te haŋa ki te meꞌe o te ao nei, ki te ꞌono ꞌe ki te meꞌe taꞌatoꞌa, te vānaŋa o te ꞌAtua he vavau, ꞌe e ko hua ꞌi roto i a rāua te meꞌe haŋa e te ꞌAtua.

1 Kōrinto 12:2

A kōrua ko ꞌite riva-riva ꞌana: hora era kai haka moe ꞌana i te manaꞌu ꞌi ruŋa i a Ietū, e haka rē nō ꞌana a kōrua i a kōrua mo haꞌamuri ki te ꞌītoro, ki te meꞌe reꞌo kore.

1 Timoteo 5:6

ꞌE te viꞌe hove haŋa ki te meꞌe o te ao nō nei pa he viꞌe mate ka ai atu e ora nō ꞌā.

1 Timoteo 6:9

ꞌE te nuꞌu haŋa mo ꞌono e haka ꞌatu rō e te rauhuru meꞌe mo hara. Pē ira he ravaꞌa riva-riva i a rāua e te pohe ki te meꞌe taꞌe tano ꞌe maꞌa-maꞌa, he meꞌe mo maꞌu i a rāua ki roto i te ꞌati ꞌe ki roto i te ūtuꞌa.

Tito 1:11

Te meꞌe haŋa he ꞌapi i te haha o te nuꞌu era; ko rahi ꞌā, paꞌi, te huaꞌai huri o te manaꞌu ꞌi te hape o te rāua hāpī. Te meꞌe haŋa o te nuꞌu pē rā he huhu i te kete o te rua.

Tito 3:3

A tātou, ꞌi raꞌe ki te haka moe i te manaꞌu ꞌi ruŋa i a Ietū, i ai takoꞌa rō he taŋata taꞌe haka topa riva-riva i te manaꞌu, haka ꞌāriŋa, oho a te ara taꞌe tano, aŋa i te meꞌe rake-rake pohe e te hakari ꞌe rauhuru haka ꞌou atu meꞌe taꞌe tano reka mai ki a tātou. E noho era ꞌi roto i te mākota, ꞌe ꞌina he haŋa ki te tētahi ꞌe pē ira ꞌana te tētahi ki a tātou.

2 Pētero 2:18

He teꞌo-teꞌo te aŋa o ruŋa i a rāua hai vānaŋa ꞌina e tahi auraꞌa. Hai meꞌe rake-rake mo te hakari ꞌe hai meꞌe taꞌe tano pohe nō o te hakari e aŋa ena mo haka huri i te manaꞌu o te nuꞌu aŋa riꞌa-riꞌa i eꞌa ai mai roto i te meꞌe taꞌe tano.

2 Pētero 3:17

ꞌO ira, e te taina ē, ꞌi te ꞌite o kōrua o ruŋa i te ŋā meꞌe ena, e hāpaꞌo kōrua, ꞌo viri ki roto i te reo-reo o te nuꞌu taparahi-taꞌata ꞌe ꞌo haka tapa kōrua mai roto i te hāpī parautiꞌa e maꞌu hio-hio mai ena.

Hura 1:16

Te nuꞌu ena he riri-riri nō te aŋa mo te meꞌe taꞌatoꞌa, ꞌina e tahi meꞌe tano mo rāua, te meꞌe haŋa mau nō he haka koa i a rāua. Te vānaŋa iŋa e haka tuꞌu rō ꞌana pa he meꞌe ena ē: i a rāua mau nō te tano, ꞌe te aŋa he haka paka i te tētahi mo ravaꞌa nō i te meꞌe mai i a rāua.

Hura 1:18

pē nei ē: «ꞌI te ŋā mahana hopeꞌa ena e ai rō te nuꞌu haka kata-kata ꞌi te ꞌAtua ꞌe ꞌi tāꞌana nuꞌu, ꞌe hai meꞌe taꞌe tano pohe nō e te hakari ka haka tere ena i a rāua».

Hura 1:4

Nā, paꞌi, hai reo-reo ko oꞌo ꞌana ki roto i te nūnaꞌa taŋata ⌊haka moe i te manaꞌu⌋ ꞌi ruŋa i a Ietū te nuꞌu haka ꞌite mai era ꞌi ruŋa i te ⌊Pāpaꞌi Moꞌa⌋ e ai rō ꞌā te ūtuꞌa mo rāua. Te nuꞌu nei he nuꞌu taparahi-taꞌata toꞌo i te riva rahi o te tātou ꞌAtua pa he ꞌōtohe mo aŋa i te meꞌe haŋa nō e te rāua hakari, ꞌe ꞌina he haŋa ki te tātou Pūꞌoko Haka Tere ko Ietū Kiritō.