2 Timoteo 3:3 - Rapa Nui

³ E ko haka ꞌaroha ꞌe e ko haŋa ki te rua taŋata. He riro nuꞌu haꞌaꞌino, taꞌe hāito i te meꞌe kī ꞌe i te meꞌe aŋa, tōtōā i te rua ꞌe taꞌe haŋa ki te meꞌe tano.

2 Timoteo 3:3 ပူးပေါင်းရင်းမြစ်များ

Māteo 10:21

»ꞌI rā ŋā mahana, te taina he vaꞌai i tōꞌona taina ki te mate, ꞌe te matuꞌa i tāꞌana poki; ꞌe te ŋā poki he haka ꞌāriŋa ꞌe he vaꞌai takoꞌa i te rāua matuꞌa ki te mate.

Māteo 4:1

He maꞌu ia e te ⌊Vārua Maitai⌋ i a Ietū ki te kona ꞌone taꞌe noho taŋata mo haka ꞌatu e Rukifero koiꞌite e aŋa rō e tahi meꞌe taꞌe haŋa e te ꞌAtua.

Ruka 10:16

He kī ia e Ietū ki tāꞌana nuꞌu hāpī: «Te nuꞌu haka roŋo atu e haka roŋo mai ꞌana; te nuꞌu taꞌe haŋa atu e taꞌe haŋa mai ꞌana; ꞌe te nuꞌu taꞌe haŋa mai e taꞌe haŋa ꞌana ki te kope uŋa mai i a au».

Ruka 16:14

I ŋaroꞌa era i tū meꞌe taꞌatoꞌa era e te ⌊fariseo⌋, he nuꞌu nou-nou moni, he haka ka-kata i a Ietū.

Iovani 6:70

He kī ia e Ietū: —ꞌĀꞌaku mau ꞌā a kōrua a ho-hoꞌe ꞌahuru mā piti i toꞌo mai. ꞌE, ka ai atu pē ira, e tahi o roto i a kōrua he tātane.

Rōmano 1:29

Te meꞌe aŋa mau nō he meꞌe rake-rake pa he nou-nou, tōtōā i te rua taŋata, pohe ki te meꞌe o te rua, tiŋaꞌi haka mate i te rua taŋata, haka tumu i te ture, reo-reo, mura-mura

Rōmano 1:31

taꞌe haka topa i te manaꞌu, taꞌe aŋa i te rāua meꞌe kī, taꞌe haka ꞌaroha ꞌi te nuꞌu ꞌe taꞌe haŋa ki te rua.

1 Kōrinto 7:5

ꞌO ira, ꞌina e tahi o rāua mo kī ki te rua ꞌina he haŋa mo piri tane, mo taꞌe ai ꞌi raꞌe i haꞌaꞌau ai ararua mo taꞌe piri ꞌi te tētahi mahana mo pure ki te ꞌAtua. Ki oti rā ŋā mahana he piri haka ꞌou, ꞌo taꞌe ravaꞌa rō mo haka noho i te hakari ꞌe he haka hara e Rukifero.

1 Kōrinto 7:9

ꞌE, mo taꞌe ravaꞌa mo haka noho i te meꞌe pohe e te hakari, e hāipo-ipo. I hau rō atu, paꞌi, i te tano mo hāipo-ipo ki te noho pa he taureꞌa-reꞌa pohe nō te aŋa ki te viꞌe ꞌo ki te taŋata.

1 Tētārōnika 4:8

ꞌE te taina taꞌe haŋa ꞌe taꞌe haꞌatura ki te hāpī nei e hārui ꞌana i te ꞌAtua hai tuaꞌivi, taꞌe ꞌō i te taŋata; o te ꞌAtua, paꞌi, te hāpī nei ꞌe ꞌāꞌana te uŋa atu i te ⌊Vārua Maitai⌋ mo noho ꞌi roto i a kōrua.

1 Timoteo 3:11

ꞌE te rāua ŋā viꞌe, e ai e moꞌa takoꞌa rō ꞌana e te taŋata, he ŋā viꞌe taꞌe haꞌaꞌino, hāito i te rāua meꞌe kī ꞌe i te rāua meꞌe aŋa, ꞌe he ŋā viꞌe haka tano i te rāua meꞌe kī.

Tito 1:8

E ai he taŋata haŋa mo toꞌo ꞌe mo hāpaꞌo i te nuꞌu tuꞌu ki tōꞌona hare, he taŋata aŋa i te meꞌe riva-riva mo te rua, haka topa riva-riva i te manaꞌu ꞌe aŋa i te meꞌe tī-tika, he taŋata māhatu maꞌitaki, ꞌite mo hāito i tāꞌana meꞌe kī ꞌe i tāꞌana meꞌe aŋa.

Tito 2:3

ꞌE ki te ŋā viꞌe paꞌari e hāpī mo haka tere i a rāua hai moꞌa ꞌe hai haꞌatura ki te ꞌAtua, ꞌe mo taꞌe ai he ŋā viꞌe haꞌaꞌino ꞌe taꞌero. E ai he ŋā viꞌe hāpī i te meꞌe riva-riva,

Tanatiako 2:6

ꞌE nā kōrua e taꞌe haka au ꞌā i te nuꞌu veve. ¿Taꞌe ꞌō o te ꞌono te tōtōā atu hai aŋa ꞌe te horo i a kōrua ki te pūꞌoko haka tere o te hare ture?

2 Pētero 2:14

ꞌIna e tahi viꞌe taꞌe pohe e rāua mo moe; e ko rohi-rohi mo hara. Te aŋa nō he reo-reo ki te nuꞌu māhatu rehe-rehe; he ꞌaito mo te meꞌe he nou-nou; e ko taꞌe haka ūtuꞌa rāua e te ꞌAtua.

2 Pētero 2:19

He kī nō te aŋa e tū ŋā maꞌori reo-reo ena: «Te nuꞌu oho mai a te ara o mātou ꞌina he kope mo kī pē hē a rāua ana haka tere». ꞌE te parautiꞌa, te ŋā maꞌori reo-reo nei he ꞌekaravo o te meꞌe taꞌe tano aŋa e rāua. Te taŋata taꞌatoꞌa, paꞌi, he ꞌekaravo o te meꞌe taꞌatoꞌa haka tere i a rāua.

2 Pētero 3:3

Te meꞌe raꞌe mo taꞌe rehu i a kōrua ko te meꞌe nei: ꞌi te ŋā mahana hopeꞌa era e ai rō te nuꞌu, te rāua noho iŋa hai meꞌe pohe nō e te hakari, ꞌe pa he haka meꞌe-meꞌe

Hura 1:16

Te nuꞌu ena he riri-riri nō te aŋa mo te meꞌe taꞌatoꞌa, ꞌina e tahi meꞌe tano mo rāua, te meꞌe haŋa mau nō he haka koa i a rāua. Te vānaŋa iŋa e haka tuꞌu rō ꞌana pa he meꞌe ena ē: i a rāua mau nō te tano, ꞌe te aŋa he haka paka i te tētahi mo ravaꞌa nō i te meꞌe mai i a rāua.

Hura 1:18

pē nei ē: «ꞌI te ŋā mahana hopeꞌa ena e ai rō te nuꞌu haka kata-kata ꞌi te ꞌAtua ꞌe ꞌi tāꞌana nuꞌu, ꞌe hai meꞌe taꞌe tano pohe nō e te hakari ka haka tere ena i a rāua».

Meꞌe Haka Takeꞌa 13:15

Ki te manuꞌino eꞌa nei mai raro o te henua i vaꞌai ai i te pūai mo haka ora ꞌe mo haka vānaŋa i te ꞌītoro o tū manuꞌino era. ꞌE o rā ꞌītoro te uŋa te haka tiŋaꞌi i te nuꞌu taꞌatoꞌa taꞌe haꞌamuri ki a ia.

Meꞌe Haka Takeꞌa 13:17

ꞌE ꞌina e tahi kope mo hoꞌo ꞌe mo hoꞌo mai, korohaŋa e tahi meꞌe, mo taꞌe maꞌu i rā tāpaꞌo, ꞌe rā tāpaꞌo he ꞌīŋoa o te manuꞌino eꞌa era mai roto i te vaikava, ꞌo he nūmera o tōꞌona ꞌīŋoa.

Meꞌe Haka Takeꞌa 16:6

A rāua, paꞌi, i haka pariŋi rō i te toto o te perofeta ꞌe o te nuꞌu haꞌataꞌa e koe māꞌau, ꞌe, hora nei, ko haka unu ꞌā e koe hai toto. ¡He ūtuꞌa tano mo rāua!».

Meꞌe Haka Takeꞌa 17:6

He uꞌi atu ia a au ko taꞌero ꞌā rā viꞌe ꞌi te unu i te toto o te nuꞌu haꞌataꞌa e te ꞌAtua māꞌana, nuꞌu mā-mate i tiŋaꞌi ꞌo te ai he mataꞌite o Ietū. I takeꞌa era e au, he māere rō atu ꞌai au.