2 Timoteo 3:2 - Rapa Nui

² He ꞌino te taŋata, he haŋa ki te moni nō, he haka meꞌe i a rāua, he manaꞌu i a rāua mau nō te tano, he vānaŋa taꞌe tano mo te ꞌAtua, e ko haꞌatura ki te rāua matuꞌa, e ko ꞌite mo māuru-uru ꞌe ꞌina takoꞌa e ko moꞌa i te hāpī o te ꞌAtua.

2 Timoteo 3:2 ပူးပေါင်းရင်းမြစ်များ

Māteo 15:6

Pē ira te kope aŋa i rā meꞌe ka taꞌe moꞌa ena i tōꞌona matuꞌa hai taꞌe hāꞌūꞌū ki a rāua. Hai kī iŋa era e taꞌe haka hauhaꞌa ena e kōrua i te roŋo o te ꞌAtua mo maꞌu i te kōrua haka tere iŋa.

Ruka 12:15

ꞌE he kī takoꞌa: —E hāpaꞌo kōrua e te nou-nou; taꞌe, paꞌi, ꞌi te rahi o te hauhaꞌa te ora o te taŋata.

Ruka 16:14

I ŋaroꞌa era i tū meꞌe taꞌatoꞌa era e te ⌊fariseo⌋, he nuꞌu nou-nou moni, he haka ka-kata i a Ietū.

Ruka 6:35

»E haŋa kōrua ki te nuꞌu te rāua manaꞌu mau nō he tōtōā atu ꞌe e aŋa takoꞌa te meꞌe riva-riva ki a rāua. ꞌE mo no-noꞌi atu mo haka tārahu, e vaꞌai ꞌe ꞌina kōrua ko tiaki mo haka hoki atu. Pē ira he ai te meꞌe hopeꞌa o te nui-nui o te ꞌAtua mo haka koa i a kōrua, ꞌe hai meꞌe nei ka takeꞌa ena: he ŋā poki mau ꞌā kōrua o te ꞌAtua. A ia, paꞌi, ꞌAtua riva takoꞌa ki te nuꞌu taꞌe ꞌite i te māuru-uru ki a ia ꞌe ki te nuꞌu aŋa i te meꞌe taꞌe tano.

Aŋa o te ꞌĀpōtoro 5:36

Ka manaꞌu: ka hia rā nei matahiti a tuꞌa i ai rō te taŋata te ꞌīŋoa ko Teura, he kī nō te aŋa a ia he taŋata hōnui. E maha hānere taŋata i oho ꞌi muri i a ia. I tiŋaꞌi i haka mate era i rā taŋata, he maraŋa tahi te nuꞌu oho ꞌi muri. Pē ira i oti ai.

Rōmano 11:18

Ka ai atu pē ira, ꞌina ko manaꞌu i hau rō atu koe ki te maŋa mau era o rā tumu. E haka topa te manaꞌu: taꞌe mai i a koe mai te maŋa te aka e ora ena; a koe e ora ena hai aka o rā tumu.

2 Kōrinto 5:15

Te Kiritō i mate ai mo te taꞌatoꞌa, ki aŋa ai e tātou e te nuꞌu ora i tāꞌana meꞌe haŋa, ꞌe taꞌe ꞌō i te tātou meꞌe haŋa. A ia, paꞌi, i mate ai ꞌe i ora haka ꞌou mai ai mo tātou.

Fīripo 2:21

Te tētahi te meꞌe manaꞌu raꞌe he riva-riva o rāua, taꞌe ꞌō he aha te meꞌe haŋa ꞌa Ietū.

Kōrosa 3:5

E te taina, e haka kore tahi te meꞌe taꞌe tano aŋa ꞌi muꞌa ꞌā. ꞌIna kōrua ko moe i te viꞌe ꞌo i te taŋata taꞌe he viꞌe ꞌo he kenu o kōrua, ꞌina ko aŋa e tahi meꞌe taꞌe tano ꞌe hano-hano haŋa e te hakari, ꞌina kōrua ko haꞌatiꞌa ki te meꞌe taꞌe tano pohe e te hakari mo haka tere atu, ꞌe ꞌina takoꞌa ko nou-nou. (Te nou-nou, paꞌi, e tuꞌu rō ꞌā pa he meꞌe ena: e haꞌamuri ꞌana kōrua ki te ꞌītoro, ꞌe rā ꞌītoro he taoꞌa).

2 Tētārōnika 2:4

Te taŋata nei he riri nō te aŋa mo te ꞌAtua ꞌe mo te meꞌe taꞌatoꞌa haꞌamuri e te taŋata pa he ꞌatua. E kī rō e nei taŋata: i a ia te pūai ꞌe te tōroꞌa ꞌata hau rō atu ki te pūai ꞌe ki te tōroꞌa o te ŋā meꞌe taꞌatoꞌa nei, ꞌe ꞌātā e uru rō ki roto i te Kona Haꞌamuri ꞌAtua, e noho rō ꞌe e kī rō ko ia te ꞌAtua.

1 Timoteo 1:20

I topa ai te meꞌe nei ki a Hīmēneo ararua ko Arehantaro, ꞌe ko haka rē atu ꞌana e au ki a Rukifero mo aŋi-aŋi e rāua ararua: ꞌina ko kī haka ꞌou i te vānaŋa taꞌe tano mo te ꞌAtua.

1 Timoteo 1:9

ꞌE ko ꞌite takoꞌa ꞌā e tātou ꞌina kai pāpaꞌi e tahi roŋo mo te nuꞌu aŋa i te meꞌe riva-riva. Te roŋo i pāpaꞌi ai mo te nuꞌu haka ꞌāriŋa, mo te nuꞌu taꞌe haka roŋo, mo te nuꞌu taparahi-taꞌata, mo te nuꞌu hara, mo te nuꞌu taꞌe ꞌite i te moꞌa i te ꞌAtua ꞌe i tāꞌana hāpī parautiꞌa, mo te nuꞌu tiŋaꞌi haka mate i tōꞌona matuꞌa tane ꞌe matuꞌa vahine, mo te nuꞌu taꞌatoꞌa tiŋaꞌi haka mate i te taŋata,

1 Timoteo 3:3

ꞌIna ko ai he kope taꞌero ꞌava ꞌe rava moto. E ai he taŋata māhatu riva ꞌe haumārū, taꞌe nou-nou moni,

1 Timoteo 6:10

Te nou-nou ki te moni he tumu o te rauhuru atu meꞌe taꞌe tano. ꞌE nā e ai rō ꞌana te nuꞌu, ꞌi te pohe rahi ki te moni, ko haka tapa ꞌana i te manaꞌu mai ruŋa i te ꞌAtua, ꞌe ko ꞌamo ꞌana meꞌe rahi nō atu ꞌati i kimi e rāua ꞌā.

1 Timoteo 6:4

te kope nei ia he kope manaꞌu i a ia nō te tano, ꞌe te parautiꞌa mau, ꞌina e tahi ꞌāꞌana meꞌe i ꞌite. Pa he māui-ui e tahi ōꞌona te haka tumu i te tātake o ruŋa i te meꞌe hauhaꞌa-ꞌore. Pē ira he poreko te mākota, te taꞌe au, te vā-vā, te manaꞌu ꞌino,

2 Timoteo 3:4

E riro takoꞌa rō a rāua he taŋata hoꞌo i te rua, aŋa i te meꞌe ꞌina he manaꞌu hia, ꞌe haka paka i a rāua. ꞌE te meꞌe mau nō ka kimi era he reka, taꞌe he ꞌAtua.

Tanatiako 2:8

Mo haka tano tahi o kōrua ki te roŋo hopeꞌa o te nui-nui hāꞌaki ꞌi ruŋa i te ⌊Pāpaꞌi Moꞌa⌋ pē nei ē: «E haŋa koe ki te rua taŋata pa he haŋa iŋa ena ꞌā ōꞌou ki a koe», e aŋa ꞌana kōrua i te meꞌe riva-riva.

Tanatiako 4:16

ꞌE a kōrua ko te haka paka iŋa ꞌana ꞌi te kōrua meꞌe aŋa. Te vānaŋa iŋa pē nā vānaŋa iŋa taꞌe tano.

Tanatiako 4:6

ꞌE te ꞌAtua, ꞌi tōꞌona riva rahi, e hāꞌūꞌū rō mai ꞌā. E kī rō ꞌana, paꞌi, ꞌi ruŋa i te Pāpaꞌi Moꞌa: «Te ꞌAtua ꞌina he haka tano i te manaꞌu o te nuꞌu manaꞌu i hau rō atu rāua ki te tētahi, ꞌe ki te nuꞌu taꞌe manaꞌu pē ira, e hāꞌūꞌū ena hai riva rahi ōꞌona».

1 Pētero 5:5

ꞌE a kōrua, e te ŋā poki ꞌāpī ē, e haꞌatura ki te kōrua nuꞌu pūꞌoko haka tere. ꞌI roto i a kōrua i te nuꞌu haka moe i te manaꞌu ꞌi ruŋa i a Ietū ꞌina ko ai e tahi kope manaꞌu i hau rō atu a ia ki te rua ꞌo te ai: «Te ꞌAtua ꞌina he haka tano i te manaꞌu o te nuꞌu manaꞌu i hau rō atu rāua ki te tētahi, ꞌe ki te nuꞌu taꞌe manaꞌu pē ira, e hāꞌūꞌū ena hai riva rahi ōꞌona».

2 Pētero 2:10

Te nuꞌu ka ꞌata haka ūtuꞌa ena e te ꞌAtua he nuꞌu taꞌe moꞌa i a ia ꞌe he nuꞌu aŋa oho i te meꞌe pohe nō o te hakari. ꞌE te ŋā maꞌori reo-reo nei he nuꞌu pūꞌoko hio-hio, taꞌe raku i te rāua vānaŋa, ꞌe taꞌe riꞌa-riꞌa mo kī i te vānaŋa taꞌe tano mo te kope ꞌata hau rō atu ki a rāua.

2 Pētero 2:12

Te nuꞌu nei pa he ꞌanimare taꞌe aŋi-aŋi e tahi meꞌe, ꞌanimare noho hai meꞌe ŋaroꞌa nō o te hakari, poreko mo ꞌa-ꞌaru mo tiŋaꞌi mo haka mate. Te nuꞌu nei he vānaŋa taꞌe tano nō te aŋa mo te meꞌe ꞌina he aŋi-aŋi e rāua ꞌe ka mate ena pa he ꞌanimare

2 Pētero 2:18

He teꞌo-teꞌo te aŋa o ruŋa i a rāua hai vānaŋa ꞌina e tahi auraꞌa. Hai meꞌe rake-rake mo te hakari ꞌe hai meꞌe taꞌe tano pohe nō o te hakari e aŋa ena mo haka huri i te manaꞌu o te nuꞌu aŋa riꞌa-riꞌa i eꞌa ai mai roto i te meꞌe taꞌe tano.

2 Pētero 2:3

ꞌI te nou-nou o te ŋā maꞌori reo-reo era, he uꞌi i te rāveꞌa mo ꞌata toꞌo i te moni mai i a kōrua hai hāpī reo-reo o rāua, hāpī poreko ꞌi roto i te rāua manaꞌu mau nō era. ꞌE mo te nuꞌu ena, ko ai era ꞌana te ūtuꞌa o te ꞌAtua mai muꞌa ꞌā, ꞌe a ia e ko taꞌe haka ūtuꞌa i a rāua.

Hura 1:16

Te nuꞌu ena he riri-riri nō te aŋa mo te meꞌe taꞌatoꞌa, ꞌina e tahi meꞌe tano mo rāua, te meꞌe haŋa mau nō he haka koa i a rāua. Te vānaŋa iŋa e haka tuꞌu rō ꞌana pa he meꞌe ena ē: i a rāua mau nō te tano, ꞌe te aŋa he haka paka i te tētahi mo ravaꞌa nō i te meꞌe mai i a rāua.

Meꞌe Haka Takeꞌa 13:1

He uꞌi atu a au he manuꞌino taparahi-taꞌata haka ꞌou e tahi ka eꞌa mai roto i te vaikava. E hitu ōꞌona pūꞌoko ꞌe e hoꞌe ꞌahuru tara. ꞌI ruŋa i rā ŋā tara te hei, ꞌe ꞌi ruŋa i te pūꞌoko te ꞌīŋoa parauꞌino mo te ꞌAtua.

Meꞌe Haka Takeꞌa 16:11

ꞌE, ka ai atu pē ira, kai ⌊huri i te manaꞌu ki te ꞌAtua⌋, ko te aŋa iŋa ꞌana i te meꞌe taꞌe tano ki tōꞌona mata. ꞌI te rahi o te mamae o te rāua harakea, he parauꞌino mo te ꞌAtua ꞌi te raŋi.

Meꞌe Haka Takeꞌa 16:21

ꞌE mai te raŋi i vī-viri ai ki ruŋa i te taŋata te mata-matāika ko tetu ko tetu. Te paŋahaꞌa o rā ŋā mata-matāika e maha ꞌahuru tūmaꞌa kiro. He parauꞌino ia e te nuꞌu i te ꞌAtua ꞌo te haka ūtuꞌa i a rāua pē ira.

Meꞌe Haka Takeꞌa 16:9

He vera tahi rō ꞌai te taŋata ꞌi te vera taparahi-taꞌata. ꞌE, ka ai atu pē ira, ꞌina kai hārui te manaꞌu ki te ꞌAtua ꞌe ꞌina kai haꞌahana-hana. Te meꞌe i aŋa he kī i te meꞌe taꞌe tano mo te ꞌAtua, kope ꞌāꞌana te haka tere i rā ŋā ꞌati.