2 Timoteo 3:16 - Rapa Nui

¹⁶ Te meꞌe taꞌatoꞌa kī ꞌi ruŋa i te Pāpaꞌi Moꞌa he meꞌe haka ꞌite mai e te ꞌAtua. Tōꞌona hauhaꞌa: he hāpī mai, he ture mai, he haka tī-tika mai i te manaꞌu ꞌe he hāpī mai i te noho iŋa tano ki te mata o te ꞌAtua,

2 Timoteo 3:16 ပူးပေါင်းရင်းမြစ်များ

Māteo 13:52

He kī ia e Ietū: —Te ⌊maꞌori o te haka tere hūrio⌋ ꞌite ꞌe aŋi-aŋi takoꞌa o ruŋa i te haka tere iŋa ꞌāpī o te ꞌAtua e tano rō ꞌā mo hāpī o ruŋa i te meꞌe ꞌāpī ꞌe o ruŋa i te meꞌe tuai, pa he hoa hare ꞌite mo toꞌo mai roto i tāꞌana meꞌe rahi hāpaꞌo i te meꞌe ꞌāpī ꞌe i te meꞌe rūꞌau.

Māteo 21:42

He kī ia e Ietū: —¿Kai taiꞌo ꞌana ꞌō kōrua i te meꞌe hāꞌaki ꞌi ruŋa i te Pāpaꞌi Moꞌa? Pē nei e kī ena: “Te māꞌea taꞌe haŋa era e te nuꞌu aŋa hare ko riro ꞌana he māꞌea matuꞌa haka noho hare. O te ꞌAtua i aŋa pē ira, ꞌe ki te mātou mata he meꞌe nui-nui e tahi”.

Māteo 22:43

He kī e Ietū: —¿He aha ia a Tāvita i kī ai te Kiritō he Pūꞌoko Haka Tere ōꞌona ꞌi te hora haka vānaŋa era e te ⌊Vārua Maitai⌋? Pē nei, paꞌi, i kī ai:

Māteo 26:54

Mo aŋa ōꞌoku pē ira, ¿pē hē ia ana haka tano te meꞌe hāꞌaki ꞌi ruŋa i te Pāpaꞌi Moꞌa kī pē ira ana topa?

Māteo 26:56

Te meꞌe taꞌatoꞌa nei i topa ai mo tano ki te meꞌe kī e te perofeta ꞌi ruŋa i te Pāpaꞌi Moꞌa. ꞌI tū hora mau era ꞌā, he hoa i a Ietū e tāꞌana nuꞌu hāpī taꞌatoꞌa ꞌe he tē-tere.

Marko 12:24

He pāhono e Ietū: —E hape rō ꞌā te kōrua manaꞌu ena pē nei ē: ꞌina he taŋata mate he ora haka ꞌou, he taꞌe ꞌite o kōrua i te meꞌe hāꞌaki ꞌi ruŋa i te Pāpaꞌi Moꞌa ꞌe i te roa o te pūai o te ꞌAtua.

Marko 12:36

ꞌE, ka ai atu pē ira, i kī rō e Tāvita ꞌi te hora haka vānaŋa i a ia e te ⌊Vārua Maitai⌋ pē nei ē: “ꞌA Iehoha te ꞌAtua i kī rō ki tōꞌoku Pūꞌoko Haka Tere: ‘Ka noho koe ꞌi tōꞌoku pāꞌiŋa mataꞌu ꞌātā ka haka rē rō e au i te nuꞌu taꞌe haŋa atu ki a koe ꞌi raro o tuꞌu vaꞌe’”.

Iovani 10:35

ꞌE a tātou ko ꞌite riva-riva ꞌana ꞌina e tahi meꞌe o ruŋa i te Pāpaꞌi Moꞌa mo haka kore. ꞌE mo ai i kī rō te ꞌAtua ki rā nuꞌu pē ira,

Iovani 3:20

Te nuꞌu taꞌatoꞌa aŋa i te meꞌe taꞌe tano, meꞌe taꞌe haŋa o rāua he mōrī, ꞌe ꞌina he haka hāhine a muri ꞌo maꞌurima te rāua meꞌe aŋa.

Aŋa o te ꞌĀpōtoro 1:16

«Pē ira mau ꞌā te meꞌe nei ana topa, e tōꞌoku taina ē, mo haka tano ki te meꞌe kī e te Vārua Maitai ꞌi ruŋa i te ⌊Pāpaꞌi Moꞌa⌋ pāpaꞌi e ⌊Tāvita⌋ o ruŋa i a Hura, kope uŋa era i te nuꞌu mo ꞌa-ꞌaru i a Ietū.

Aŋa o te ꞌĀpōtoro 18:25

Ko hāpī ꞌā o ruŋa o te ara o te ꞌAtua. E vānaŋa era hai māhatu ꞌe hai tī-tika o ruŋa i a Ietū, ka ai atu tāꞌana meꞌe ꞌite ko te meꞌe hāpī nō era e ⌊Iovani⌋ hora papatito era i te taŋata.

Aŋa o te ꞌĀpōtoro 20:20

ꞌE i haka ꞌite tahi rō atu a au i te meꞌe mo te kōrua riva-riva; ꞌina kai naꞌa e tahi meꞌe. E hāpī atu era ꞌi muꞌa i te taŋata taꞌatoꞌa ꞌe ꞌi te kōrua hare.

Aŋa o te ꞌĀpōtoro 20:27

Ko haka ꞌite tahi atu ꞌana, paꞌi, a au i te meꞌe haŋa o te ꞌAtua; ꞌina kai naꞌa atu e tahi meꞌe.

Aŋa o te ꞌĀpōtoro 28:25

ꞌE, ꞌi te ai manaꞌu kē-kē ananake, he haꞌamata he oho mai rā kona. Te meꞌe hopeꞌa i kī e Pauro ki rā nuꞌu: «He parautiꞌa te meꞌe haka ꞌite e te ⌊Vārua Maitai⌋ ki te kōrua tupuna hai perofeta era ko ꞌItaia pē nei ē:

Rōmano 15:4

Te meꞌe taꞌatoꞌa pāpaꞌi ꞌi muꞌa ꞌā ꞌi ruŋa i te Pāpaꞌi Moꞌa i pāpaꞌi ai mo ꞌite o tātou i te haꞌaoromaꞌi i te ꞌati topa mai, ꞌe mo haka pūai i te manaꞌu mo aŋi-aŋi riva-riva pē nei ē: e ko taꞌe aŋa e te ꞌAtua i te meꞌe taꞌatoꞌa hōrea mai e ia.

Rōmano 2:20

ꞌe mo hāpī i te nuꞌu taꞌe oho a te ara o te ꞌAtua ꞌe i te nuꞌu oho iho a nei ara. E manaꞌu ena koe pē ira ꞌi te ai i a koe te haka tere iŋa ꞌa Mōtē, ꞌe ꞌi ruŋa e hāꞌaki ena te parautiꞌa ꞌe te hāpī o te ꞌAtua.

Rōmano 3:2

Meꞌe rahi nō atu. E tahi o rā ŋā meꞌe: he haka ꞌite o te ꞌAtua i tāꞌana vānaŋa ki te hūrio.

Rōmano 4:23

Te vānaŋa: «Te taŋata e tano rō ꞌā ki te mata o te ꞌAtua hai haka moe i te manaꞌu ꞌi ruŋa i a ia», i pāpaꞌi ai taꞌe mo ꞌAparahama nō,

1 Kōrinto 12:7

Hai meꞌe vaꞌai mai mo aŋa i te aŋa o te ꞌAtua e takeꞌa ena: o te Vārua Maitai te haka tere i a tātou. ꞌE nei ŋā meꞌe i vaꞌai mai ai ki a tātou e tahi e tahi mo te riva-riva o te nuꞌu taꞌatoꞌa haka moe i te manaꞌu ꞌi ruŋa i a Ietū.

Karatia 3:8

Ko manaꞌu era ꞌana, paꞌi, e te ꞌAtua, ꞌe ko haka ꞌite era ꞌā e ia ꞌi ruŋa i te ⌊Pāpaꞌi Moꞌa⌋ pē nei ē: mo haka moe o te nuꞌu taꞌe he hūrio i te rāua manaꞌu ꞌi ruŋa i a ia, e kī takoꞌa rō e te ꞌAtua mo rāua: he nuꞌu tano ki tōꞌona mata. Te parau ꞌāpī nei i haka ꞌite rō ki a ꞌAparahama ꞌi te hora kī era pē nei ē: «Hai koe ka haꞌamaitai nei e au i te taŋata taꞌatoꞌa o te ao».

2 Timoteo 2:25

E ꞌite takoꞌa i te kī, hai māhatu maꞌitaki, i te hape o te nuꞌu taꞌe haka roŋo, koiꞌite ꞌi te riva rahi o te ꞌAtua, he huri i te rāua manaꞌu ki a ia, ꞌe he ꞌite i te parautiꞌa o ruŋa i a Ietū Kiritō,

2 Timoteo 4:2

e haka ꞌite e oho koe, e Timoteo ē, i te roŋo o te ꞌAtua, ka haŋa ꞌe ka taꞌe haŋa e te nuꞌu mo haka roŋo atu. Hai haumārū ana hāpī ꞌe ana haka ꞌite i te rāua hape, ana ture, ꞌe ana haka haŋu i te rāua manaꞌu.

ꞌEvereo 11:1

¿Pē hē e ꞌite ena ko haka moe mau ꞌana a tātou i te manaꞌu ꞌi ruŋa i te ꞌAtua? Hai ꞌite e tātou pē nei ē: he parautiꞌa mau ꞌā e ai rō i a tātou te meꞌe e tiaki nei, ꞌe he parautiꞌa takoꞌa mo tātou e ai mau rō ꞌā te ŋā meꞌe ena ꞌina e tātou he takeꞌa.

ꞌEvereo 3:7

ꞌO ira, pa he meꞌe kī e te ⌊Vārua Maitai⌋ ꞌi ruŋa i te ⌊Pāpaꞌi Moꞌa⌋: «Mo ŋaroꞌa e kōrua ꞌi ꞌaŋarīnā i te meꞌe kī atu e te ꞌAtua,

ꞌEvereo 4:12

Te vānaŋa o te ꞌAtua vānaŋa ora ꞌe vānaŋa pūai. ꞌAta hau rō atu ꞌi te kaꞌi-kaꞌi ki te hoe kaꞌi-kaꞌi ararua pāꞌiŋa. E oꞌo ena ki roto nui atu era o te māhatu ꞌe o te vārua, ꞌe ꞌātā ki te kona hopeꞌa mau era o te manaꞌu taŋata, ꞌe ꞌāꞌana te haka ꞌite i te manaꞌu ꞌe i te meꞌe haŋa mau o te māhatu.