2 Timoteo 2:5 - Rapa Nui

⁵ Pē ira takoꞌa ꞌā te kope ꞌāꞌati, ꞌina e ko haka hei mo taꞌe haꞌatura ki te haka tere iŋa era o rā ꞌāꞌati.

2 Timoteo 2:5 ပူးပေါင်းရင်းမြစ်များ

Ruka 13:24

«E uꞌi kōrua e uru a roto i te ꞌōpani vako-vako. ꞌĪ a au he kī atu: nuꞌu rahi te nuꞌu haŋa mo uru ki roto i te ao haka tere e te ꞌAtua ꞌe nuꞌu taꞌe rahi ka oꞌo ena.

Fīripo 1:15

Ko ꞌite ꞌana e au e ai rō ꞌana te nuꞌu haka ꞌite o ruŋa i a Ietū he mākota ꞌe he haŋa mo ai ꞌata hau rō atu rāua ki a au, ꞌe e ai takoꞌa rō ꞌā te nuꞌu haka ꞌite o ruŋa hai manaꞌu riva-riva.

Kōrosa 1:29

Mo te meꞌe nei a au e aŋa nei hai haŋu ꞌe hai pūai vaꞌai mai e Ietū.

ꞌEvereo 12:4

ꞌi te hora tōtōā atu e te nuꞌu hara. A kōrua, paꞌi, kai mate pē Ietū ꞌi te aŋa iŋa mo rē ki te hara.

ꞌEvereo 2:7

Mo te hora ꞌiti-ꞌiti e tahi i vaꞌai rō ki te merahi i te tōroꞌa ꞌata hau rō atu ki te tōroꞌa o te taŋata. I oho era he haka nui-nui haka ꞌou i te taŋata ꞌe he moꞌa pa he moꞌa iŋa ki te ꞌariki,

ꞌEvereo 2:9

ꞌE, ko ꞌite ꞌana e tātou: te meꞌe nei ko haka tano ꞌana ꞌi ruŋa i a Ietū. I riro era, paꞌi, he taŋata, ꞌata hau rō atu te tōroꞌa o te merahi ki tōꞌona tōroꞌa «mo te hora ꞌiti-ꞌiti e tahi», ꞌe, hora nei, ꞌo te vaꞌai i a ia ki te mate mo tātou ꞌi te haŋa ꞌe ꞌi te riva rahi o te ꞌAtua mo tātou, «ko haka nui-nui ꞌā ꞌe ko moꞌa ꞌā pa he ꞌariki».

Tanatiako 1:12

Ko te koa i te taŋata haꞌaoromaꞌi hai pūai i te ꞌati taꞌatoꞌa topa ꞌi ruŋa i a ia. ꞌI te haka moe nō i te manaꞌu ꞌi ruŋa i a Ietū ꞌi roto i te ꞌati, he tano rā taŋata ki te mata o te ꞌAtua, ꞌe he vaꞌai ki a ia i te ora ꞌāpī ꞌina he hopeꞌa raꞌa, he hei kī e te ꞌAtua mo vaꞌai ki te nuꞌu haŋa ki a ia.

1 Pētero 5:4

Pē ira, ꞌi te hora o te tuꞌu iŋa haka ꞌou mai o te Pūꞌoko Haka Tere o te ŋāŋata hāpaꞌo māmoe taꞌatoꞌa, he haka hei atu i a kōrua hai meꞌe ꞌina e ko ŋaro ki te hora hopeꞌa, ko te meꞌe ena: he noho mau rō ꞌai kōrua ꞌi muri i a ia ꞌi roto i tōꞌona nui-nui ꞌana-ꞌana.

Meꞌe Haka Takeꞌa 2:10

’ꞌIna koe ko riꞌa-riꞌa ꞌi te ꞌati ka topa ena. Tētahi o kōrua e puru rō ꞌi roto i te hare maꞌuꞌaurī hai Rukifero, he rāveꞌa e tahi mo haka ꞌatu atu i a kōrua taꞌatoꞌa. E hoꞌe ꞌahuru mahana ka ꞌamo ena kōrua i rā ꞌati. E haka noho e oho nō koe i tuꞌu manaꞌu ꞌi ruŋa i a au ka ai atu he mate koe ꞌo te aŋa pē ira, ꞌe he vaꞌai atu e au i te ora ꞌāpī ꞌina he hopeꞌa raꞌa mo haka koa i a koe.

Meꞌe Haka Takeꞌa 3:11

E ko roa tōꞌoku hoki iŋa mai. ꞌO ira, ka haka moe ka oho nō i te kōrua manaꞌu ꞌi ruŋa i a au, ꞌo toꞌo e te rua i tuꞌu hei.

Meꞌe Haka Takeꞌa 4:10

he tū-turi te piti ꞌahuru mā maha ŋāŋata ra-rahi era ꞌi muꞌa o rā kope he haꞌamuri, ꞌai ka ava i te rāua hei a muꞌa i rā pepe koia ko kī:

Meꞌe Haka Takeꞌa 4:4

ꞌe e haka vari takoꞌa rō ꞌana e te pepe ꞌariki haka ꞌou e piti ꞌahuru mā maha ꞌi ruŋa e noho rō ꞌana e piti ꞌahuru mā maha ŋāŋata ra-rahi e uru rō ꞌana i te kahu tea-tea ꞌe e puꞌa rō ꞌana i te hei aŋa hai piru.