2 Timoteo 2:3 - Rapa Nui

³ E haꞌaoromaꞌi koe i te ꞌati ka topa atu ena pa he vaꞌehau haka kē ꞌa Ietū Kiritō.

2 Timoteo 2:3 ပူးပေါင်းရင်းမြစ်များ

Aŋa o te ꞌĀpōtoro 23:31

Pē ira te vaꞌehau i maꞌu ai i a Pauro ꞌi te pō ki Anatipatari, pe he meꞌe kī era mo aŋa.

1 Kōrinto 13:7

Te kope haka tere i a ia hai haŋa e ꞌite rō ꞌā mo ꞌamo i te ꞌati, e haka moe e oho rō ꞌā i te manaꞌu ꞌi ruŋa i a Ietū, ꞌina he haka tapa i tōꞌona manaꞌu mai ruŋa i te ꞌAtua ki te hora hopeꞌa ꞌe e ꞌite rō ꞌā mo haꞌaoromaꞌi i te meꞌe taꞌe tano aŋa e te rua ki a ia.

1 Kōrinto 9:7

¿Ko ai hō te kope aŋa pa he vaꞌehau ꞌauhau i a ia ꞌā? ¿Ko ai te kope ꞌoka vino taꞌe kai i tāꞌana vino ꞌoka? ꞌE ¿ko ai te kope hāpaꞌo vato-vato taꞌe unu i te ū o tāꞌana vato-vato ana tatau?

2 Kōrinto 1:6

Hora ena o mātou o te ꞌāpōtoro e ꞌamo ena i te ꞌati, he meꞌe mo te kōrua riva-riva, ꞌe, takoꞌa, mo ravaꞌa e kōrua i te ora ꞌāpī ꞌina he hopeꞌa raꞌa. ꞌE, hora ena o te ꞌAtua e haka koa e haka pūai mai ena i a mātou, he meꞌe mo kōrua takoꞌa. Pē ira mātou e ꞌite nei mo haka koa ꞌe mo haka pūai atu i a kōrua, mo haꞌaoromaꞌi o kōrua hai pūai i te ꞌati ꞌamo e tātou ꞌo te ai o tātou o te Kiritō.

1 Timoteo 1:18

E Timoteo, e te poki ꞌāꞌaku ē, ꞌī a au he haka rē atu i te roŋo nei: pa he vaꞌai iŋa o te vaꞌehau i a ia ꞌi te hora o te tamaꞌi, ana vaꞌai takoꞌa koe i a koe mo haka ꞌite mo oho o ruŋa i te roŋo parautiꞌa o te ꞌAtua hai pūai o tuꞌu haka moe iŋa i te manaꞌu ꞌi ruŋa i a ia ꞌe hai manaꞌu riva-riva takoꞌa ōꞌou tano ki te meꞌe kī era e te perofeta o ruŋa i a koe ꞌi muꞌa ꞌā. ꞌE nā tētahi nuꞌu, ꞌi te taꞌe haka roŋo ki te rāua manaꞌu riva-riva, ko oho kē ꞌana mai roto i te ara o te ꞌAtua.

2 Timoteo 1:1

A au, a Pauro, ⌊ꞌāpōtoro⌋ ꞌa Ietū Kiritō, uŋa e te ꞌAtua mo haka ꞌite ki te taŋata o ruŋa o te ora ꞌāpī hōrea mai e ia ravaꞌa hai Ietū Kiritō mau nō

2 Timoteo 1:8

ꞌIna koe ko riꞌa-riꞌa mo vānaŋa o ruŋa i te tātou Pūꞌoko Haka Tere ko Ietū Kiritō, ꞌe ꞌina koe ko haꞌamā ꞌo tōꞌoku puru ꞌi roto i te hare maꞌuꞌaurī. Hai pūai o te ꞌAtua, mai ki haꞌaoromaꞌi ki oho i te ꞌati mo topa mai ꞌo te haka ꞌite i te roŋo riva-riva o ruŋa i a Ietū.

2 Timoteo 2:10

ꞌO ira a au e haꞌaoromaꞌi nei i te taꞌatoꞌa nō ꞌati mo te riva-riva o te nuꞌu haꞌataꞌa e te ꞌAtua māꞌana, mo eꞌa takoꞌa o rāua mai roto i te ūtuꞌa o te hara hai Ietū Kiritō ꞌe mo ravaꞌa mo noho ꞌi muri i a ia ꞌina he hopeꞌa raꞌa pe muꞌa ka oho ena.

2 Timoteo 2:9

ꞌO te haka ꞌite ꞌo te oho ōꞌoku i te roŋo ena i topa mai ai te ꞌati, ꞌātā ki te roa ko here-here ꞌana i a au hai vivi pa he taparahi-taꞌata. ꞌE, ka ai atu ko here-here ꞌana i a au, te vānaŋa o te ꞌAtua e ko ravaꞌa mo haka noho.

2 Timoteo 3:11

e tute mai era i a au mo tōtōā ꞌi te ŋā kona era ko Antiokia, ko Īkōnio ꞌe ko Rītara. ¡Meꞌe huru kē te rahi o te ꞌati a au i haꞌaoromaꞌi ai! ꞌE o te ꞌAtua au i hāꞌūꞌū mai mo eꞌa mai roto i rā ŋā ꞌati.

2 Timoteo 4:5

ꞌE a koe, e ꞌite i te hāito i taꞌa meꞌe kī ꞌe i taꞌa meꞌe aŋa, e haꞌaoromaꞌi hai pūai i te ꞌati, e haka ꞌite e oho i te ⌊roŋo riva-riva o ruŋa i a Ietū Kiritō⌋, ꞌe e aŋa riva-riva taꞌa aŋa.

Firemono 1:2

ki a ꞌĀpia, viꞌe taina o tātou, ki a Arakipo, hokorua takoꞌa ꞌi te aŋa o te ꞌAtua, ꞌe ki te nūnaꞌa taŋata ⌊haka moe i te manaꞌu⌋ ꞌi ruŋa i a Ietū taka-taka ꞌi tuꞌu hare.

ꞌEvereo 10:32

ꞌO ira, e manaꞌu kōrua ki te hora raꞌe māhani era ki a Ietū Kiritō. I ꞌamo i oho nō kōrua hai pūai i te ꞌati nui-nui e topa atu era.

ꞌEvereo 11:27

He haka moe o Mōtē i te manaꞌu ꞌi ruŋa i te ꞌAtua i eꞌa i oho ai mai te henua era ko Ehipto ꞌina kai riꞌa-riꞌa ꞌo riri te ꞌariki. He oho mau rō ꞌai ꞌe ꞌina kai hārui haka ꞌou a tuꞌa; e tuꞌu rō ꞌā pa he meꞌe ena ē: tōꞌona mata ꞌi ruŋa i te ꞌAtua ꞌā.

ꞌEvereo 6:15

I tiaki i oho nō a ꞌAparahama hai haumārū ꞌe i haka tano rō e te ꞌAtua i rā meꞌe hōrea era ki a ia.

Tanatiako 1:12

Ko te koa i te taŋata haꞌaoromaꞌi hai pūai i te ꞌati taꞌatoꞌa topa ꞌi ruŋa i a ia. ꞌI te haka moe nō i te manaꞌu ꞌi ruŋa i a Ietū ꞌi roto i te ꞌati, he tano rā taŋata ki te mata o te ꞌAtua, ꞌe he vaꞌai ki a ia i te ora ꞌāpī ꞌina he hopeꞌa raꞌa, he hei kī e te ꞌAtua mo vaꞌai ki te nuꞌu haŋa ki a ia.