2 Timoteo 2:24 - Rapa Nui

²⁴ Te tāvini o te ꞌAtua ꞌina ko tātake; e riva ki te taꞌatoꞌa, e ꞌite mo hāpī i te rua ꞌe mo haꞌaoromaꞌi i te meꞌe hai haumārū.

2 Timoteo 2:24 ပူးပေါင်းရင်းမြစ်များ

Māteo 12:19

E ko tātake a ia ꞌe e ko ohu-ohu; e ko ŋaroꞌa e te nuꞌu i tōꞌona pōŋeha iŋa ꞌi te ara.

Iovani 6:52

He haꞌamata ia te hūrio he tātake ki a rāua ꞌā: «¿Pē hē te kope nei ana vaꞌai mai i tōꞌona hakari mo kai e tātou?».

Aŋa o te ꞌĀpōtoro 15:2

He tātake ia a Pauro ꞌe a Verenāvē ki rā nuꞌu, he taꞌe tano o rā hāpī ki a rāua. ꞌO ira he toꞌo e te taina o Antiokia i a Pauro ꞌe i a Verenāvē ananake ko te tētahi nuꞌu ꞌe he haka oho ki Hērutarema mo vānaŋa o ruŋa i rā hāpī ki te nuꞌu ⌊ꞌāpōtoro⌋ ꞌe ki te tētahi atu nuꞌu pūꞌoko haka tere o ira.

Aŋa o te ꞌĀpōtoro 23:9

Taꞌatoꞌa e pōŋeha era. He māroa ia te tētahi ⌊maꞌori o te haka tere hūrio⌋, he fariseo, he kī: «Te taŋata nei ꞌina kai aŋa e tahi meꞌe rake-rake; o te vārua ꞌo o te merahi pēaha i vānaŋa ki a ia».

Aŋa o te ꞌĀpōtoro 7:26

»ꞌI te rua mahana, he takeꞌa e Mōtē e rua itaraera e moto ꞌā. ꞌI te haŋa mo taꞌe moto haka ꞌou o rā ŋāŋata he kī: “He taina kōrua; ¿he aha rā e moto ena?”.

2 Kōrinto 10:1

E te taina, nā ꞌi roto i a kōrua te nuꞌu e haꞌaꞌino rō ꞌā i a au pē nei ē: ꞌi te hora ōꞌoku ꞌi muri i a kōrua, ꞌina a au he kī atu ki te kōrua ꞌāriŋa i te kōrua hape, ꞌe, ꞌi te hora mo pāpaꞌi atu, he ture nō atu tāꞌaku aŋa. ꞌO ira, a au, a Pauro, he ani atu hai haŋa ꞌe hai riva rahi o te ⌊Kiritō⌋:

2 Kōrinto 10:4

ꞌE te mātou meꞌe maꞌu mo moto taꞌe he meꞌe o te ao nei, he pūai o te ꞌAtua mo rē ki te manaꞌu taꞌatoꞌa poreko mai i a Rukifero taꞌe haka rē i te taŋata mo haka hāhine ki te ꞌAtua. Hai pūai nei o te ꞌAtua e rē nei mātou ki te manaꞌu o te nuꞌu taꞌe haŋa mai,

2 Kōrinto 6:4

Hai meꞌe taꞌatoꞌa aŋa e mātou e takeꞌa ena he tāvini parautiꞌa mātou o te ꞌAtua. E haꞌaoromaꞌi rō ꞌana, paꞌi, mātou hai haumārū i te ꞌati, i te meꞌe kore,

Karatia 5:22

ꞌE te meꞌe poreko ꞌi roto i te nuꞌu haka tere e te Vārua Maitai ko te ŋā meꞌe nei: he haŋa, he koa, he haumārū, he ꞌite mo haꞌaoromaꞌi, he huru riva, he māhatu ꞌaroha, he haka tano iŋa i te meꞌe kī,

Ēfeto 4:2

ꞌIna ko manaꞌu i hau rō atu kōrua ki te rua, ꞌina ko ꞌōhumu, ꞌina ko riri tahaŋa, ꞌe e ꞌite kōrua mo haꞌaoromaꞌi hai haŋa i te rua.

Fīripo 2:14

Te meꞌe taꞌatoꞌa aŋa e kōrua, ana aŋa ꞌina ko tātake ꞌe ꞌina ko hēŋuꞌi-ŋuꞌi,

Fīripo 2:3

ꞌIna kōrua ko aŋa e tahi aŋa mo haka tuꞌu pē nei ē: ꞌauē ꞌō kōrua ē. Ana aŋa kōrua e tahi meꞌe, e aŋa hai haumārū ꞌe hai manaꞌu pē nei ē: i hau rō atu te tētahi nuꞌu ki a kōrua.

Kōrosa 3:13

ꞌIna kōrua ko hōrou ko riri mo te rua; e haka rehu te meꞌe taꞌe tano aŋa atu. Pa he haka rehu iŋa e te ꞌAtua i te kōrua hape, pē ira ana haka rehu takoꞌa i te hape o te rua.

1 Tētārōnika 2:7

ka ai atu e tano rō ꞌana, pa he ⌊ꞌāpōtoro⌋ ꞌa Ietū, mo haka ꞌite atu ko ai a mātou. Hora era o mātou ꞌi muri i a kōrua e aŋa atu era hai haŋa, pa he matuꞌa vahine e hāpaꞌo ena i tāꞌana ŋā poki.

1 Timoteo 6:11

ꞌE a koe, e te taŋata o te ꞌAtua ē, e tere mai te ŋā meꞌe taꞌatoꞌa nei. Tuꞌu noho iŋa e ai noho iŋa tī-tika, moꞌa ꞌe haꞌatura ki te ꞌAtua. E haka moe e oho koe i te manaꞌu ꞌi ruŋa i a Ietū, e haŋa ki te rua, e ꞌite i te haꞌaoromaꞌi i te ꞌati hai pūai, ꞌe te meꞌe taꞌatoꞌa kī ꞌe aŋa e koe e aŋa hai haumārū.

Tito 1:1

A au, a Pauro, he ꞌaroha atu ki a koe, e Tito ē. A koe pa he poki mau ꞌā ꞌāꞌaku ꞌo tuꞌu ⌊haka moe i te manaꞌu⌋ ꞌi ruŋa i a Ietū pē au. Ka ai ꞌi ruŋa i a koe te riva rahi ꞌe te haumārū o te ꞌAtua, he Matuꞌa o tātou, ꞌe o Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa. E Tito, ko ꞌite riva-riva ꞌana e koe: a au he tāvini o te ꞌAtua, ꞌe he ⌊ꞌāpōtoro⌋ ꞌa Ietū Kiritō, kope uŋa mai i a au ki te nuꞌu haꞌataꞌa e te ꞌAtua māꞌana, mo haka pūai i te rāua haka moe iŋa i te manaꞌu ꞌi ruŋa i a ia, ꞌe mo ꞌata haka aŋi-aŋi ki a rāua i te roŋo parautiꞌa o ruŋa i te ⌊Kiritō⌋, he roŋo hāꞌūꞌū i te taŋata mo riro o te rāua noho iŋa noho iŋa tano ki te mata o te ꞌAtua, ki aŋi-aŋi riva-riva ai pē nei ē: e ai rō i a rāua te ora ꞌāpī ꞌina he hopeꞌa raꞌa vaꞌai e te ꞌAtua. ꞌI raꞌe, paꞌi, ki te aŋa i te ao, i hōrea rō ai e te ꞌAtua i te ora ꞌāpī nei, ꞌe a ia ꞌAtua haka tano i tāꞌana meꞌe kī. ꞌI te hora tano kī e te ꞌAtua i haka ꞌite ai ki te taŋata o ruŋa i te ora ꞌāpī nei hai ⌊roŋo riva-riva o ruŋa i a Ietū Kiritō⌋, he roŋo haka ꞌite oho e au uŋa mai e te ꞌAtua, kope toꞌo i a tātou mai roto i te ūtuꞌa o te hara.

Tito 1:7

Te pūꞌoko haka tere, paꞌi, o te nūnaꞌa taŋata haka moe i te manaꞌu ꞌi ruŋa i a Ietū e aŋa ꞌā i te aŋa o te ꞌAtua. ꞌO ira ꞌina ko ai te hape. ꞌIna ko ai he kope pūꞌoko hio-hio, riri-riri tahaŋa, taꞌero ꞌava, rava moto, ꞌe nou-nou moni.

Tito 1:9

Te kope nei e haka hio-hio i te manaꞌu ki te roŋo parautiꞌa o te ꞌAtua hāpī ki a ia, ki tano ai mo haka haŋu i te manaꞌu o te tētahi taŋata hai rā roŋo ꞌe mo haka takeꞌa ki te nuꞌu taꞌe haŋa ki te roŋo parautiꞌa he aha te hape o te rāua manaꞌu.

Tito 3:2

nuꞌu taꞌe vānaŋa ꞌino mo te rua, taꞌe moto, riva, ꞌe ꞌite i te moꞌa i te nuꞌu taꞌatoꞌa.

Tanatiako 1:1

A au, a ⌊Tanatiako⌋, tāvini o te ꞌAtua ꞌe o te Pūꞌoko Haka Tere ko Ietū Kiritō, he ꞌaroha atu ki a kōrua ki te taina ⌊haka moe i te manaꞌu⌋ ꞌi ruŋa i a Ietū o te hoꞌe ꞌahuru mā piti mata o te itaraera noho ꞌi te henua taꞌatoꞌa.

Tanatiako 3:17

ꞌE te nuꞌu mai te ꞌAtua te rāua ꞌite, te meꞌe raꞌe he noho iŋa taꞌe hara, ꞌe te rāua huru: haumārū, riva ꞌe ꞌite i te moꞌa. A rāua takoꞌa nuꞌu māhatu ꞌaroha, uꞌi i te taꞌatoꞌa pē tū huru tahi ꞌā, kī i te parautiꞌa, ꞌe aŋa i te meꞌe riva-riva.

Tanatiako 4:2

Pē nei te auraꞌa: e ai rō ꞌana te kōrua meꞌe haŋa ꞌe ꞌina he ravaꞌa. ꞌE ꞌi te haŋa mo ravaꞌa i rā meꞌe, e tiŋaꞌi e haka mate nō i te taŋata. Te moto ꞌe te tamaꞌi e ai ena he mākota ꞌi te rua. E taꞌe ravaꞌa ena e kōrua i te meꞌe, he taꞌe no-noꞌi ki te ꞌAtua.

1 Pētero 3:8

Te meꞌe haŋa: e noho kōrua taꞌatoꞌa ꞌi roto i te haumārū ꞌe e tahi mau nō manaꞌu. E here ꞌi roto i a kōrua pa he taina. E riva kōrua, ꞌe ꞌina ko manaꞌu pē nei ē: i hau rō atu kōrua ki te rua.

Hura 1:3

E te taina, ko haŋa ꞌana a au mo pāpaꞌi atu o ruŋa i te eꞌa iŋa mai roto i te ūtuꞌa o te hara ꞌe te ravaꞌa iŋa i te ora ꞌāpī ꞌina he hopeꞌa raꞌa, he meꞌe ai i a kōrua ꞌe i a au. ꞌE, ko uꞌi ꞌana e au ꞌi te hora nei, te meꞌe ꞌāꞌaku mo hōrou mo pāpaꞌi atu: e maꞌu hio-hio ꞌi roto i te kōrua māhatu te hāpī parautiꞌa vaꞌai mai e te ꞌAtua ki a tātou ki te nuꞌu haꞌataꞌa e ia māꞌana ꞌe e hāpaꞌo ꞌo huri hai manaꞌu taŋata.