2 Timoteo 2:21 - Rapa Nui

²¹ Te kope haka tapa i a ia mai roto i te meꞌe taꞌe tano pa he ŋā meꞌe piru era ꞌā, meꞌe haꞌataꞌa mo te meꞌe riva-riva haŋa e te ꞌAtua mo aŋa.

2 Timoteo 2:21 ပူးပေါင်းရင်းမြစ်များ

Aŋa o te ꞌĀpōtoro 9:15

He kī haka ꞌou e Ietū: —Ka oho nō koe. Ko haꞌataꞌa ꞌana e au i te taŋata era mo vānaŋa o ruŋa i a au ki te nuꞌu o te rua henua, ki te rāua ꞌariki ꞌe pē ira takoꞌa ꞌā ki te itaraera.

1 Kōrinto 5:7

Te meꞌe haŋa he toꞌo mai roto i a kōrua i te revaura ena, ki ai ai a kōrua he nūnaꞌa taŋata ꞌina e tahi kope hara o roto, pa he haraoa aŋa iho taꞌe hoa hai revaura. A kōrua, paꞌi, he haraoa kai ꞌi te ⌊Pakate⌋ ꞌina he hoa hai revaura, he nuꞌu ꞌina e tahi hara ꞌo te ⌊haka moe i te manaꞌu⌋ ꞌi ruŋa i a Ietū. E manaꞌu: a Ietū he māmoe o te Pakate tūtia mo haka eꞌa i a tātou mai roto i te hara.

2 Kōrinto 7:1

E te taina haŋa rahi ōꞌoku ē, te ŋā meꞌe nei he hōrea o te ꞌAtua mo tātou. ꞌO ira, e haka tapa tātou mai te meꞌe haka ꞌōꞌone hai hara i te hakari ꞌe i te vārua. ꞌE, ꞌi te moꞌa o tātou i a ia, e uꞌi mo tano o te tātou noho iŋa ki tōꞌona mata ki te roa ꞌina e tahi hara.

2 Kōrinto 9:8

ꞌE i a ia te pūai mo haꞌamaitai hai rauhuru nō atu meꞌe ꞌo hape e tahi meꞌe o kōrua, ꞌe, ꞌi te rahi, he topa ꞌātā mo hāꞌūꞌū ki te tētahi.

Ēfeto 2:10

Ko haka ꞌāpī ꞌana te ꞌAtua i te tātou noho iŋa ꞌo te ai o tātou ꞌa Ietū Kiritō, ki aŋa ai a tātou i te meꞌe riva-riva, ꞌe ki haka tano ai i te meꞌe manaꞌu e ia ꞌi muꞌa ꞌā mo aŋa e tātou.

1 Timoteo 6:11

ꞌE a koe, e te taŋata o te ꞌAtua ē, e tere mai te ŋā meꞌe taꞌatoꞌa nei. Tuꞌu noho iŋa e ai noho iŋa tī-tika, moꞌa ꞌe haꞌatura ki te ꞌAtua. E haka moe e oho koe i te manaꞌu ꞌi ruŋa i a Ietū, e haŋa ki te rua, e ꞌite i te haꞌaoromaꞌi i te ꞌati hai pūai, ꞌe te meꞌe taꞌatoꞌa kī ꞌe aŋa e koe e aŋa hai haumārū.

2 Timoteo 2:16

ꞌIna koe ko haka roŋo ki te vānaŋa tahaŋa o te nuꞌu taꞌe ⌊haka moe i te manaꞌu⌋ ꞌi ruŋa i a Ietū. Te nuꞌu vānaŋa, paꞌi, pē ira pe te ꞌava-ꞌava pe te oho nō mai muri i te ꞌAtua,

2 Timoteo 2:20

ꞌI roto i te hare o te ꞌono, taꞌe nō he meꞌe aŋa hai piru ꞌe hai parata te meꞌe o roto. E ai takoꞌa rō ꞌana te meꞌe aŋa hai miro ꞌe hai ꞌōꞌone. Te ŋā meꞌe riva-riva era he haꞌataꞌa mo te mahana ŋoŋoro, ꞌe te tētahi meꞌe era mo te mahana taꞌe ŋoŋoro.

2 Timoteo 3:17

ki ai ai te nuꞌu aŋa ki a ia e tano riva-riva rō ꞌana mo aŋa rauhuru meꞌe riva-riva haŋa ꞌāꞌana.

2 Timoteo 4:11

Ko Ruka mau nō te meꞌe ꞌi muri i a au. E uꞌi e kimi mai a Marko ꞌe ꞌai ka maꞌu rō mai ꞌi muri i a koe mo hāꞌūꞌū mai ꞌi tāꞌaku aŋa.

Tito 3:1

E Tito, e haka manaꞌu ki te taina: ꞌina ko rehu i a rāua mo haꞌatura ki te nuꞌu pūꞌoko haka tere henua ꞌe ki te nuꞌu ra-rahi, ꞌe mo riro o rāua he nuꞌu ko rito era ꞌā mo aŋa i te meꞌe riva-riva,

Tito 3:14

Te nuꞌu o tātou e ꞌite mo aŋa i te meꞌe riva-riva ꞌe mo hāꞌūꞌū i te rua, ki hauhaꞌa ai te rāua noho iŋa ꞌi te ao nei.

Tito 3:8

He parautiꞌa te ŋā meꞌe kī atu ena e au, ꞌe te meꞌe haŋa, ꞌi te hora nei, he haka aŋi-aŋi riva-riva e koe i nā ŋā meꞌe ki te nuꞌu haka moe i te manaꞌu ꞌi ruŋa i te ꞌAtua, ki ai ai o rāua he nuꞌu aŋa oho i te meꞌe riva-riva. Te hāpī ena he meꞌe tano ꞌe riva-riva mo te taꞌatoꞌa.

1 Pētero 1:22

ꞌI te haꞌatura o kōrua ki te roŋo parautiꞌa i haka kore ai e te ꞌAtua i te kōrua hara, ki haŋa parautiꞌa ai kōrua ki te kōrua taina. ꞌO ira, e haŋa e oho ꞌi roto i a kōrua hai māhatu ꞌe hai pūai.

1 Pētero 1:7

Te ꞌAtua, paꞌi, e haꞌatiꞌa rō ꞌā mo topa mai o te ꞌati mo ꞌite hoki te haka moe iŋa nei o tātou i te manaꞌu ꞌi ruŋa i a Ietū e hio-hio rō ꞌā ꞌo ꞌina, pa he piru e tunu ena ꞌi roto i te ahi. ꞌE mo te ꞌAtua te haka moe iŋa o tātou i te manaꞌu ꞌi ruŋa i a Ietū i hau rō atu i te hauhaꞌa ki te piru, he meꞌe e ŋaro nō. Mo hio-hio mo oho nō o te tātou manaꞌu ꞌi ruŋa i a Ietū ka ai atu e rahi rō ꞌā te ꞌati topa mai, ꞌi te hora o te hoki iŋa mai o Ietū Kiritō, he koa te ꞌAtua ꞌe he haka paka he haka nui-nui i a tātou.

1 Iovani 3:3

ꞌE taꞌatoꞌa nuꞌu tiaki ki te hoki iŋa mai o Ietū Kiritō, e haka tapa rō ꞌana mai roto i te hara, mo riro o rāua pē Ietū Kiritō, he taŋata hara kore.