2 Timoteo 2:20 - Rapa Nui

²⁰ ꞌI roto i te hare o te ꞌono, taꞌe nō he meꞌe aŋa hai piru ꞌe hai parata te meꞌe o roto. E ai takoꞌa rō ꞌana te meꞌe aŋa hai miro ꞌe hai ꞌōꞌone. Te ŋā meꞌe riva-riva era he haꞌataꞌa mo te mahana ŋoŋoro, ꞌe te tētahi meꞌe era mo te mahana taꞌe ŋoŋoro.

2 Timoteo 2:20 ပူးပေါင်းရင်းမြစ်များ

Iovani 8:49

He pāhono e Ietū: —ꞌIna e tahi tātane o roto i a au. He moꞌa mau nō tāꞌaku aŋa i tōꞌoku Matuꞌa, ꞌe te aŋa o kōrua he vānaŋa taꞌe tano nō mōꞌoku.

Rōmano 9:20

ꞌE, ¿ko ai a tātou te taŋata mo ꞌui iŋa ki te ꞌAtua o ruŋa i te meꞌe haŋa ꞌe aŋa e ia? ¿Ka kī ꞌō e tano rō mo kī e te pani aŋa hai ꞌōꞌone ki te kope aŋa i a ia pē nei ē: «¿He aha koe i aŋa mai ai i a au pē nei?»?

1 Kōrinto 3:9

He tāvini nō māua o te ꞌAtua, ꞌe a kōrua pa he ꞌāua ꞌoka kai ꞌi ira a māua e aŋa ena, ꞌe, takoꞌa, pa he hare aŋa e te ꞌAtua mōꞌona.

2 Kōrinto 4:7

Te aŋa vaꞌai mai nei e te ꞌAtua, he haka ꞌite i te ⌊roŋo riva-riva o ruŋa i a Ietū⌋, he meꞌe hopeꞌa o te hauhaꞌa. ꞌE a mātou, te nuꞌu i a rāua nei hauhaꞌa, pa he pani aŋa hai ꞌōꞌone. Pē ira te ꞌAtua i aŋa ai mo ꞌite e te taꞌatoꞌa: te pūai nui-nui nei i a mātou o te ꞌAtua, taꞌe ꞌō o mātou mau ꞌā.

Ēfeto 2:22

ꞌE a kōrua, ꞌo te ai ꞌa Ietū Kiritō takoꞌa, e toꞌo ena i a kōrua e te ꞌAtua ꞌe e titi ena ki ruŋa i rā hare, he kona ꞌi ira a ia e noho ena hai Vārua Maitai.

1 Pētero 2:5

A kōrua takoꞌa pa he māꞌea ora, ꞌe te ꞌAtua, hai ŋā māꞌea ora ena ko kōrua, e aŋa mai ena i te kona mo haꞌamuri ki a ia. ꞌI roto a kōrua pa he ⌊oromatuꞌa⌋ haꞌataꞌa e ia māꞌana tūtia ki a ia i te meꞌe riva-riva haka poreko e te Vārua Maitai ꞌi roto i a kōrua, he tūtia koa ꞌāꞌana ꞌo te ai o kōrua ꞌa Ietū Kiritō.