2 Timoteo 1:7 - Rapa Nui

⁷ Te ⌊Vārua Maitai⌋ vaꞌai mai era e te ꞌAtua taꞌe he Vārua haka ꞌaka-ꞌaka i te manaꞌu; he Vārua pūai, haka haŋu, haka poreko i te haŋa ki te rua, ꞌe haka ꞌite i te haka topa riva-riva i te manaꞌu.

2 Timoteo 1:7 ပူးပေါင်းရင်းမြစ်များ

Ruka 10:19

I vaꞌai rō atu a au i te pūai mo haꞌere o kōrua a ruŋa i te kōreha veneno ꞌe a ruŋa i te veriꞌārahu. I vaꞌai takoꞌa rō atu a au i te pūai mo rē o kōrua ki te meꞌe taꞌatoꞌa aŋa atu e Rukifero. Pē ira i taꞌe topa atu ai e tahi ꞌati.

Ruka 15:17

»I oho era he manaꞌu: “¡E topa nō ꞌana te kai o te nuꞌu haka aŋa o tōꞌoku matuꞌa tane, ꞌe ꞌī a au ꞌi nei e mate atu ena ꞌi te maruaki!

Ruka 24:49

ꞌE a au e haka turu rō mai ki ruŋa i a kōrua i te ⌊Vārua Maitai⌋ hōrea atu e tōꞌoku Matuꞌa. Ka noho kōrua ꞌi nei ꞌi Hērutarema ꞌātā ki te topa iŋa atu ōꞌona ki ruŋa i a kōrua».

Ruka 8:35

He eꞌa he oho te nuꞌu mo uꞌi i rā meꞌe. I tuꞌu era ki te kona ꞌi ira a Ietū, he takeꞌa e noho rō ꞌana ꞌi tōꞌona vaꞌe rā taŋata eꞌa era o te tātane, e uru rō ꞌana i te kahu ꞌe ko riva-riva ꞌā. He riꞌa-riꞌa tahi rō ꞌai tū nuꞌu era.

Iovani 14:27

»ꞌIna ko mana-manaꞌu ꞌe ꞌina ko riꞌa-riꞌa kōrua. He haka rē atu a au i te haumārū: taꞌe ko te haumārū ena mo vaꞌai atu e te nuꞌu o te ao nei taꞌe haka moe i te manaꞌu ꞌi ruŋa i a au, he haumārū māꞌaku mau nō e vaꞌai atu.

Aŋa o te ꞌĀpōtoro 1:8

Ka turu mai ena ki ruŋa i a kōrua te Vārua Maitai, he ai te kōrua pūai mo eꞌa mo vānaŋa i te parautiꞌa o ruŋa i a au ꞌi Hērutarema, ꞌi te kona taꞌatoꞌa o Hūrea ꞌe o ⌊Tāmāria⌋, ꞌe ꞌātā ki te ŋā kona hopeꞌa ena o te roa.

Aŋa o te ꞌĀpōtoro 10:38

Ko ꞌite takoꞌa ꞌana a kōrua pē hē te ꞌAtua i vaꞌai ai i te Vārua Maitai ꞌe i te pūai ki a Ietū era o Nātāreta, ꞌe pē hē e aŋa e oho era i te meꞌe riva-riva, e haka ora e oho era i te nuꞌu taꞌatoꞌa māui-ui ꞌi a Rukifero. Te meꞌe nei i aŋa ai e Ietū ꞌi te meꞌe era ꞌi muri i a ia te ꞌAtua.

Aŋa o te ꞌĀpōtoro 20:24

Te meꞌe era ꞌina e au he tapa atu, ka ai atu he mate a au. Te meꞌe haŋa nō ꞌāꞌaku he haka oti tahi hai koa i te aŋa vaꞌai mai e Ietū, he haka ꞌite he oho i te roŋo riva-riva o ruŋa i te riva rahi o te ꞌAtua.

Aŋa o te ꞌĀpōtoro 21:13

He pāhono mai e Pauro: «¿He aha rā a kōrua e haka mamae ena i tōꞌoku māhatu hai taŋi o kōrua? Taꞌe nō mo here-here a au e noho atu ena, ꞌātā mo mate takoꞌa ꞌi Hērutarema o ruŋa i a Ietū, he Pūꞌoko Haka Tere o tātou».

Aŋa o te ꞌĀpōtoro 26:11

Paurō te mahana e tōtōā era e au i rā nuꞌu mo taꞌe haka moe haka ꞌou i te manaꞌu ꞌi ruŋa i a Ietū. Te ŋā meꞌe nei i aŋa ai e au ꞌi roto i te ⌊hare pure hūrio⌋. ꞌE, ꞌi te rahi o tōꞌoku riri mo rāua, e kimi e oho era e au ꞌātā ki te tētahi henua.

Aŋa o te ꞌĀpōtoro 26:25

He pāhono e Pauro: —ꞌIna a au kai maꞌa-maꞌa, e te suerekao ē. Te meꞌe nei ꞌāꞌaku e kī atu ena e tano rō ꞌā ꞌe he parautiꞌa.

Aŋa o te ꞌĀpōtoro 6:8

A ꞌĒteva, he taŋata haꞌamaitai ꞌe ꞌī e te pūai o te ꞌAtua, e aŋa rō ꞌā i te mana ꞌe i te tētahi meꞌe nu-nui ki te nuꞌu o rā kona.

Aŋa o te ꞌĀpōtoro 9:22

ꞌE a Sauro pe te ꞌata haŋu nō e vānaŋa e haka aŋi-aŋi era: a Ietū he ⌊Kiritō⌋, ꞌe, ꞌi te tano o tāꞌana vānaŋa, te ⌊hūrio⌋ o Rāmako ꞌina he ravaꞌa i te vānaŋa mo pāhono.

Rōmano 5:5

ꞌE, ꞌi te ꞌata pūai o te tātou manaꞌu ꞌi ruŋa i te ꞌAtua, e ꞌite nei e tātou e ko taꞌe aŋa e ia i tāꞌana meꞌe kī. Ko haka takeꞌa mai ꞌana, paꞌi, i te rahi o tōꞌona haŋa hai vaꞌai mai i te ⌊Vārua Maitai⌋ mo ŋaroꞌa e tātou i rā haŋa ꞌi roto i te māhatu.

Rōmano 8:15

Te Vārua vaꞌai mai e te ꞌAtua taꞌe he vārua haka riro i a tātou he ꞌekaravo riꞌa-riꞌa ꞌi te kope haka aŋa i a ia, he Vārua haka riro i a tātou he ŋā poki o te ꞌAtua. Hai ia e kī ena a tātou ki te ꞌAtua: «¡E koro ōꞌoku ē!».

1 Kōrinto 2:4

E vānaŋa atu era a au o ruŋa i te roŋo o te ꞌAtua, taꞌe hai vānaŋa mārama-rama e haka ꞌite atu era; o te ⌊Vārua Maitai⌋ te haka ꞌite atu he parautiꞌa rā vānaŋa era ꞌāꞌaku,

Karatia 5:22

ꞌE te meꞌe poreko ꞌi roto i te nuꞌu haka tere e te Vārua Maitai ko te ŋā meꞌe nei: he haŋa, he koa, he haumārū, he ꞌite mo haꞌaoromaꞌi, he huru riva, he māhatu ꞌaroha, he haka tano iŋa i te meꞌe kī,

Kōrosa 1:8

ꞌĀꞌana i maꞌu mai i te parau ꞌāpī o ruŋa i a kōrua ꞌe o ruŋa i te kōrua haŋa haka poreko e te ⌊Vārua Maitai⌋ ꞌi roto i a kōrua mo te nuꞌu taꞌatoꞌa haꞌataꞌa e te ꞌAtua māꞌana.

ꞌEvereo 2:15

ꞌE he haka kore takoꞌa i te riꞌa-riꞌa o te taŋata ꞌi te mate, he meꞌe haka ꞌekaravo i te taŋata mai te rāua poreko iŋa ꞌā.

1 Pētero 1:22

ꞌI te haꞌatura o kōrua ki te roŋo parautiꞌa i haka kore ai e te ꞌAtua i te kōrua hara, ki haŋa parautiꞌa ai kōrua ki te kōrua taina. ꞌO ira, e haŋa e oho ꞌi roto i a kōrua hai māhatu ꞌe hai pūai.

1 Iovani 4:18

Te kona ꞌi ira te haŋa, ꞌina he riꞌa-riꞌa. Te taŋata e riꞌa-riꞌa ena ꞌi te manaꞌu he haka ūtuꞌa i a rāua, ꞌe te haŋa parautiꞌa o te ꞌAtua he haka kore i te riꞌa-riꞌa. Te kope riꞌa-riꞌa ia, ꞌina kai aŋi-aŋi riva-riva ꞌā i te pūai o te haŋa o te ꞌAtua mōꞌona.