2 Timoteo 1:14 - Rapa Nui

¹⁴ E Timoteo, hai hāꞌūꞌū o te Vārua Maitai noho ꞌi roto i a tātou, ka hāpaꞌo i te hāpī parautiꞌa vaꞌai atu era mo haka ꞌite ki te nuꞌu.

2 Timoteo 1:14 ပူးပေါင်းရင်းမြစ်များ

Ruka 16:11

Mo taꞌe aŋa tī-tika o kōrua i te hauhaꞌa o te ao nei, ¿ko ai ia te meꞌe mo vaꞌai atu mo aŋa e kōrua i te hauhaꞌa parautiꞌa o te raŋi?

Rōmano 3:2

Meꞌe rahi nō atu. E tahi o rā ŋā meꞌe: he haka ꞌite o te ꞌAtua i tāꞌana vānaŋa ki te hūrio.

Rōmano 8:11

Mo ai nā ꞌi roto i a kōrua te Vārua o te ꞌAtua haka ora i a Ietū mai te mate, māꞌana takoꞌa e haka ora i te kōrua hakari mai te mate hai Vārua ōꞌona ꞌi roto o kōrua.

Rōmano 8:13

Mo noho mo aŋa o kōrua i nā meꞌe, he mate kōrua ꞌe he haꞌataꞌa mau rō ꞌāvai mai muri i te ꞌAtua. ꞌE, mo taꞌe haꞌatura haka ꞌou o kōrua ki te meꞌe pohe nō e te hakari hai hāꞌūꞌū o te Vārua Maitai, te meꞌe mo ravaꞌa he ora ꞌāpī ꞌina he hopeꞌa raꞌa.

Rōmano 8:9

ꞌE, a kōrua ꞌina he haka tere haka ꞌou hai manaꞌu taŋata; e haka tere ena hai Vārua Maitai ꞌo te ai nā ꞌi roto i a kōrua te Vārua o te ꞌAtua. Te nuꞌu ꞌina he Vārua o te ⌊Kiritō⌋ o roto i a rāua, taꞌe o te Kiritō.

1 Kōrinto 3:16

¿ꞌIna hō kōrua he ꞌite: pa he ⌊Kona Haꞌamuri ꞌAtua⌋ ꞌā a kōrua, ꞌi te meꞌe era ꞌi roto i a kōrua e noho ena te Vārua Maitai?

1 Kōrinto 6:19

ꞌIna ko rehu, te tātou hakari pa he Kona Haꞌamuri o te Vārua Maitai vaꞌai mai e te ꞌAtua, ꞌe ꞌi roto e noho ena a ia. A tātou taꞌe o tātou ꞌā, o te ꞌAtua.

1 Kōrinto 9:17

ꞌĀhani hai manaꞌu mau ꞌā ōꞌoku e aŋa nei, he tano ia mo ꞌauhau mai. ꞌE, mo ai he meꞌe mau ꞌā ꞌāꞌaku mo aŋa, e haꞌatura ꞌana ia a au ki te meꞌe kī mai e te ꞌAtua.

2 Kōrinto 5:16

ꞌO ira a mātou e taꞌe uꞌi haka ꞌou ena i te taŋata hoki a rāua he nuꞌu hōnui ꞌo he nuꞌu taꞌe hōnui, pa he manaꞌu iŋa o te taŋata o te ao nei. Pē ira mātou e uꞌi era i te Kiritō ꞌi muꞌa ꞌā, ꞌe, hora nei, ꞌina he uꞌi haka ꞌou pē ira.

Karatia 2:7

Te meꞌe o rāua i aŋi-aŋi: o te ꞌAtua mau ꞌā i vaꞌai mai i te aŋa he haka ꞌite he oho i te ⌊roŋo riva-riva o ruŋa i a Ietū⌋ ki te nuꞌu taꞌe he hūrio, pa he vaꞌai iŋa era ꞌā ki a Pētero mo haka ꞌite mo oho i te roŋo nei ki te hūrio.

Ēfeto 2:22

ꞌE a kōrua, ꞌo te ai ꞌa Ietū Kiritō takoꞌa, e toꞌo ena i a kōrua e te ꞌAtua ꞌe e titi ena ki ruŋa i rā hare, he kona ꞌi ira a ia e noho ena hai Vārua Maitai.

Ēfeto 5:18

ꞌIna ko unu ka taꞌero rō, ꞌo taꞌe tano te kōrua noho iŋa; e haka rē mo te ⌊Vārua Maitai⌋ e vaꞌai atu i tōꞌona pūai ꞌe e haka tere atu i a kōrua.

Kōrosa 4:11

A Ietū, kī takoꞌa ko Huto, ꞌī e ꞌaroha atu ena mo kōrua. Ko te ŋā kope nō nei a to-toru te taina ⌊hūrio⌋ hāꞌūꞌū mai mo haka ꞌite mo oho o ruŋa i te haka tere iŋa o te ꞌAtua ꞌi roto i te māhatu o te taŋata, ꞌe hai rāua a au e haŋu ꞌe e koa nei.

1 Tētārōnika 5:19

ꞌIna ko taꞌe haꞌatura ki te vānaŋa kī atu e te ⌊Vārua Maitai⌋ ꞌi roto i a kōrua.

1 Timoteo 1:11

He hāpī nā o te roŋo riva-riva hopeꞌa o te nui-nui mo haka ꞌite e au, uŋa mai e te ꞌAtua, ki a ia ana haꞌahana-hana.

1 Timoteo 6:20

E Timoteo, e maꞌu riva-riva te meꞌe vaꞌai atu e te ꞌAtua. ꞌIna koe ko haka roŋo ki te vānaŋa hauhaꞌa-ꞌore o te ao nei ꞌe ki te vānaŋa ꞌina he tano ki te hāpī parautiꞌa o ruŋa i te ꞌAtua hāpī e te tētahi pa he parautiꞌa.

2 Timoteo 1:12

ꞌO ira te ꞌati e topa mai nei ki a au. Ka ai atu pē ira, ꞌina a au he riꞌa-riꞌa. Ko ꞌite ꞌana, paꞌi, e au ꞌi ruŋa i a ai a au e haka noho nei i tōꞌoku manaꞌu, ꞌe ko aŋi-aŋi riva-riva ꞌana e au e ai rō ꞌana tōꞌona pūai mo hāpaꞌo ꞌe mo hāꞌūꞌū mai i te aŋa vaꞌai mai e ia ꞌātā ki te mahana o tōꞌona hoki iŋa mai.

2 Timoteo 2:2

E kimi koe hai ŋāŋata haka tano i te rāua meꞌe kī, ŋāŋata ꞌite takoꞌa mo hāpī i te rua. Ki a rāua koe ana haka ꞌite mo hāpī e rāua ki te tētahi i te hāpī parautiꞌa o ruŋa i a Ietū Kiritō haka ꞌite atu era e au ꞌi te hora hāpī ōꞌoku i te nuꞌu.

1 Pētero 1:22

ꞌI te haꞌatura o kōrua ki te roŋo parautiꞌa i haka kore ai e te ꞌAtua i te kōrua hara, ki haŋa parautiꞌa ai kōrua ki te kōrua taina. ꞌO ira, e haŋa e oho ꞌi roto i a kōrua hai māhatu ꞌe hai pūai.