2 Timoteo 1:10 - Rapa Nui

¹⁰ ꞌE, ko haka takeꞌa mai ꞌā e te ꞌAtua hai tuꞌu mai era o Ietū Kiritō, kope haka eꞌa i a tātou mai roto i te ūtuꞌa o te hara. Ko haka kore ꞌā, paꞌi, e Ietū i te pūai o te mate, ꞌe ko haka ꞌite ꞌā ki te nuꞌu: mo haka noho o rāua i te manaꞌu ꞌi ruŋa i te ⌊roŋo riva-riva o te ꞌAtua⌋ he ravaꞌa i te ora ꞌāpī ꞌina he hopeꞌa raꞌa.

2 Timoteo 1:10 ပူးပေါင်းရင်းမြစ်များ

Ruka 11:36

Mo ai he mōrī nō te meꞌe o roto i tuꞌu hakari, he haka māꞌeha i tuꞌu manaꞌu mo takeꞌa riva-riva i te meꞌe taꞌatoꞌa, pa he takeꞌa iŋa o te meꞌe ꞌi te māꞌeha o te hakariꞌi».

Ruka 13:7

He kī ki te taŋata hāpaꞌo vino: “¿Ko ꞌite ꞌā koe? Ka toru matahiti o te oho mai ōꞌoku o te uꞌi a ruŋa i te tumu nei hai pika, ꞌe ꞌina e tahi. Ka paꞌo ki raro. He māuꞌa henua te tumu ena, ꞌina he meꞌe hua”.

Ruka 2:11

ꞌI ꞌaŋarīnā, ꞌi te kona poreko o Tāvita ko Vērene, i poreko ai te ⌊Kiritō⌋, he Pūꞌoko Haka Tere o tātou; māꞌana e haka eꞌa i te taŋata mai roto i te ūtuꞌa o te hara ꞌe e vaꞌai i te ora ꞌāpī ꞌina he hopeꞌa raꞌa o te ꞌAtua.

Iovani 1:9

ꞌE, te mōrī haka māꞌeha i te taŋata taꞌatoꞌa e ko roa he oho mai ki te ao.

Iovani 14:6

He pāhono e Ietū: —Ko au te ara, te parautiꞌa, ꞌe te ora. Hai au mau nō kōrua ana tuꞌu ki te ꞌAtua Matuꞌa.

Iovani 20:31

ꞌE te ŋā meꞌe nei i pāpaꞌi ai mo haka aŋi-aŋi atu: a Ietū he ⌊Kiritō⌋, he Poki o te ꞌAtua, ꞌe, takoꞌa, mo ravaꞌa e kōrua i te ora ꞌāpī ꞌina he hopeꞌa raꞌa hai ⌊haka moe i te manaꞌu⌋ ꞌi ruŋa i a ia.

Iovani 4:42

ꞌE he kī e te nuꞌu ki rā viꞌe: «Hora nei ko haka moe ꞌana a mātou i te manaꞌu ꞌi ruŋa i a ia, taꞌe nō ꞌō ꞌo tū meꞌe kī mai era e koe, ꞌo te ai takoꞌa ko ŋaroꞌa ꞌana e mātou mau ꞌana i a ia, ꞌe ko ꞌite ꞌā e mātou ko ia mau ꞌā te kope mo haka eꞌa i a tātou i te taŋata mai roto i te ūtuꞌa o te hara ꞌe mo vaꞌai mai i te ora ꞌāpī ꞌina he hopeꞌa raꞌa».

Iovani 5:40

ꞌina a kōrua he haŋa mo haka moe i te manaꞌu ꞌi ruŋa i a au ki ravaꞌa ai e kōrua i rā ora.

Aŋa o te ꞌĀpōtoro 13:23

Mai i a Tāvita i haka ara ai a Ietū. A ia he kope hōrea ꞌe uŋa mai era e te ꞌAtua mo haka eꞌa i a tātou mai roto i te ūtuꞌa o te hara.

Aŋa o te ꞌĀpōtoro 5:31

Ko haka nui-nui ꞌā hai haka noho i a ia ꞌi tōꞌona pāꞌiŋa mataꞌu pa he ꞌariki ꞌe pa he kope haka eꞌa i te taŋata mai roto i te ūtuꞌa o te hara, mo hāꞌūꞌū ki te itaraera mo huri o te manaꞌu ki te ꞌAtua ki haka kore ai e ia i te rāua hara.

Rōmano 16:26

ꞌe, hora nei, ko haka ꞌite ꞌana ꞌi ruŋa i te meꞌe pāpaꞌi e te perofeta. Nei parautiꞌa ko haka ꞌite ꞌana ki te taŋata o te henua taꞌatoꞌa mo haka moe o rāua i te manaꞌu ꞌi ruŋa i a Ietū ꞌe mo haꞌatura ki a ia. O te ꞌAtua, ꞌina ōꞌona haꞌamata ꞌe ꞌina ōꞌona hopeꞌa, i kī mo aŋa pē ira.

Rōmano 2:7

Ki te nuꞌu aŋa oho i te meꞌe riva-riva ꞌi te manaꞌu ki te mahana era mo haka koa ꞌe mo haka nui-nui i a rāua e te ꞌAtua, ꞌe ꞌi te haŋa mo ai ꞌi muri i a ia pe muꞌa ka oho ena, ki a rāua ka vaꞌai ena e te ꞌAtua i te ora ꞌāpī ꞌina he hopeꞌa raꞌa.

Rōmano 3:31

Mo tano ia te taŋata ki te mata o te ꞌAtua hai haka moe mau nō i te manaꞌu ꞌi ruŋa i a Ietū, ¿ka kī ꞌō ia ꞌina he hauhaꞌa toe o te haka tere iŋa ꞌa Mōtē? ¡Taꞌe pē ira! E hauhaꞌa rō ꞌana ꞌi te meꞌe era hai haka moe i te manaꞌu ꞌi ruŋa i a Ietū e ravaꞌa iho ena e tātou mo haꞌatura i rā haka tere iŋa.

Rōmano 6:6

Ko ꞌite ꞌana a tātou: te huru era o tātou o muꞌa ꞌana ko mate ꞌā hora mate era o Ietū ꞌi ruŋa i te tātaurō. Pē ira i kore ai te pūai o te hara mai ruŋa i a tātou, ꞌo haka tere haka ꞌou i a tātou e te hara.

1 Kōrinto 15:26

ꞌE te meꞌe hopeꞌa ka haka kore ena he mate.

1 Kōrinto 4:5

ꞌO ira, e haka kore te kōrua kī i te tano ꞌe i te taꞌe tano o te meꞌe aŋa e te rua. Ki tiaki tātou ki te hoki iŋa mai o te Kiritō. Māꞌana e haka ꞌite mai i te manaꞌu o te taŋata taꞌe ꞌite e te rua ꞌe he haka aŋi-aŋi mai he aha i manaꞌu ai pē ira. ꞌI rā hora e ture rō ꞌe e haꞌahana-hana rō e te ꞌAtua i te taꞌatoꞌa tano ki te rāua meꞌe i aŋa.

2 Kōrinto 5:4

ꞌĒ-ē, e noho nei tātou hai hakari nei he ꞌu-ꞌū nō te aŋa ꞌi te ꞌati ꞌamo e tātou. Ka ai atu pē ira, taꞌe he mate te tātou meꞌe haŋa mo kore o te hakari, te meꞌe haŋa he mono o te hakari nei ki te hakari e ko mate ki te hora hopeꞌa.

Karatia 5:4

A kōrua, te nuꞌu haŋa mo tano ki te mata o te ꞌAtua hai haꞌatura ki rā haka tere iŋa, ko haka tapa ꞌana mai muri i a Ietū, ꞌe ko hārui ꞌana hai tuaꞌivi i te riva rahi o te ꞌAtua.

Ēfeto 1:18

ꞌE e ani takoꞌa rō ꞌana a au ki a ia mo haka māꞌeha atu i te kōrua manaꞌu, ki ꞌite ai kōrua he aha te meꞌe ꞌāꞌana mo kōrua pe muꞌa ka oho ena ꞌo te ai o kōrua he nuꞌu haꞌataꞌa māꞌana, ꞌe ki ꞌite takoꞌa ai kōrua i te rahi ꞌe i te nui-nui o te meꞌe hōrea e ia mo tāꞌana nuꞌu,

Ēfeto 1:9

Ko haka ꞌite mai ꞌana, paꞌi, i tāꞌana meꞌe manaꞌu era mo aŋa taꞌe haka ꞌite era e ia ꞌi muꞌa ꞌā. ꞌE, ꞌi tōꞌona riva rahi, i manaꞌu ai mo aŋa i te meꞌe nei hai Ietū Kiritō

2 Tētārōnika 2:8

Ki toꞌo, ka takeꞌa iho ena e te nuꞌu i rā taŋata riri taparahi-taꞌata era mo te ꞌAtua, kope ka haka kore ena e te tātou Pūꞌoko Haka Tere hai reꞌo ōꞌona ꞌe hai ꞌana-ꞌana o tōꞌona mana ꞌi te hora ka hoki mai ena.

2 Timoteo 1:1

A au, a Pauro, ⌊ꞌāpōtoro⌋ ꞌa Ietū Kiritō, uŋa e te ꞌAtua mo haka ꞌite ki te taŋata o ruŋa o te ora ꞌāpī hōrea mai e ia ravaꞌa hai Ietū Kiritō mau nō

2 Timoteo 1:8

ꞌIna koe ko riꞌa-riꞌa mo vānaŋa o ruŋa i te tātou Pūꞌoko Haka Tere ko Ietū Kiritō, ꞌe ꞌina koe ko haꞌamā ꞌo tōꞌoku puru ꞌi roto i te hare maꞌuꞌaurī. Hai pūai o te ꞌAtua, mai ki haꞌaoromaꞌi ki oho i te ꞌati mo topa mai ꞌo te haka ꞌite i te roŋo riva-riva o ruŋa i a Ietū.

2 Timoteo 4:1

ꞌI muꞌa o te ꞌAtua ꞌe o Ietū Kiritō, kope ka oho mai ena pa he ꞌAriki nui-nui mo haka ūtuꞌa i te nuꞌu ora ꞌe i te nuꞌu mate, ka kī atu ena a au:

2 Timoteo 4:8

Te meꞌe toe nō he vaꞌai mai i tōꞌoku hei, hei vaꞌai ki te nuꞌu aŋa i te meꞌe tī-tika ki te mata o te ꞌAtua ka vaꞌai mai ena ꞌi te mahana o te ture hopeꞌa e Ietū Kiritō, kope ture hai parautiꞌa i te hape o te taŋata. ꞌE taꞌe ki a au nō ka vaꞌai mai ena, ki te nuꞌu taꞌatoꞌa tiaki hai māhatu ki tōꞌona hoki iŋa mai.

Tito 2:11

Te ꞌAtua ko haka takeꞌa ꞌana i tōꞌona riva rahi hai vaꞌai ki te taŋata taꞌatoꞌa o te ao i te rāveꞌa mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa.

Tito 2:13

ꞌātā ka tuꞌu rō mai te meꞌe nui-nui tiaki e tātou: he hoki iŋa haka ꞌou mai o te tātou ꞌAtua pūai ko Ietū Kiritō, kope haka eꞌa i te taŋata mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

Tito 3:4

ꞌE te ꞌAtua, kope toꞌo i a tātou mai roto i te ūtuꞌa o te hara, i haka takeꞌa rō mai i tōꞌona riva ꞌe i tōꞌona haŋa.

ꞌEvereo 10:32

ꞌO ira, e manaꞌu kōrua ki te hora raꞌe māhani era ki a Ietū Kiritō. I ꞌamo i oho nō kōrua hai pūai i te ꞌati nui-nui e topa atu era.

2 Pētero 1:1

A au, a Pētero, kī takoꞌa ko Tīmona, tāvini ꞌe ⌊ꞌāpōtoro⌋ ꞌa Ietū Kiritō, he ꞌaroha atu ki a kōrua ki te nuꞌu i a rāua takoꞌa te hauhaꞌa he ⌊haka moe i te manaꞌu⌋ ꞌi ruŋa i a Ietū, pa he haka moe iŋa nei o te mātou manaꞌu, he meꞌe ravaꞌa hai riva rahi o te ꞌAtua ꞌe o Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

2 Pētero 1:11

ꞌe te ꞌAtua, hai koa, ka haka uru ena i a kōrua ki roto i te ao ꞌina he hopeꞌa raꞌa, he ao haka tere e te tātou Pūꞌoko ko Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

2 Pētero 1:3

Te ꞌAtua, hai pūai ōꞌona, e hāꞌūꞌū mai ena hai rauhuru rāveꞌa mo riva o tātou mo haꞌatura ki a ia ꞌe mo tano o te tātou noho iŋa ki tōꞌona mata. Te meꞌe nei e ravaꞌa ena hai māhani o tātou ki a ia, kope haꞌataꞌa i a tātou mo huaꞌai ꞌāꞌana hai haka ꞌite mai i tōꞌona huru riva ꞌe i tōꞌona pūai nui-nui.

2 Pētero 2:20

Te nuꞌu eꞌa mai roto i te meꞌe taꞌe tano o te ao nei hai ⌊haka moe i te manaꞌu⌋ ꞌi ruŋa i te tātou Pūꞌoko Haka Tere ko Ietū Kiritō, kope haka eꞌa i a tātou mai roto i te ūtuꞌa o te hara, mo haka rē i a rāua mo haka tere haka ꞌou e rā ŋā meꞌe, ka hopeꞌa ena ꞌata peore ki tū roa raꞌe era.

2 Pētero 3:18

Te meꞌe mau o kōrua mo aŋa he uꞌi mo māhani riva-riva ki te tātou Pūꞌoko Haka Tere ko Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa, ꞌe ꞌai kōrua ka noho ka oho rō ꞌi roto i tōꞌona haŋa. ¡Ki haꞌahana-hana tātou ki a ia ꞌi te hora nei ꞌe ꞌi te hora taꞌatoꞌa! Ka ai pē ira.

2 Pētero 3:2

E manaꞌu kōrua ki te meꞌe kī e te perofeta ꞌi muꞌa ꞌana ꞌe ki te meꞌe hāpī atu e te ⌊ꞌāpōtoro⌋ o ruŋa i te roŋo o te tātou Pūꞌoko Haka Tere ko Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

1 Iovani 1:2

Te kope nei i a ia te ora ꞌāpī ꞌina he hopeꞌa raꞌa i haka takeꞌa rō i a ia ki te taŋata. I takeꞌa rō e mātou ꞌe he mataꞌite mātou ōꞌona. ꞌO ira e haka ꞌite atu ena o ruŋa i a ia. ꞌI muri i te ꞌAtua Matuꞌa a ia, ꞌe i haka takeꞌa rō mai ki a mātou.

1 Iovani 4:14

ꞌE o mātou mau ꞌana i takeꞌa ꞌe i haka ꞌite pē nei ē: te Matuꞌa ko uŋa mai ꞌana i tāꞌana Poki mo eꞌa o te taŋata o te ao mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa hai ia.

Meꞌe Haka Takeꞌa 18:1

I oti era te meꞌe nei, he takeꞌa e au i te merahi tōroꞌa nui-nui e tahi ka topa mai te raŋi. He māꞌeha ia te henua taꞌatoꞌa ꞌi te pūai o tōꞌona ꞌana-ꞌana.

Meꞌe Haka Takeꞌa 2:7

’¡Te kope haŋa mo aŋi-aŋi i tāꞌaku roŋo e haka roŋo te vānaŋa kī e te ⌊Vārua Maitai⌋ ki te nūnaꞌa taꞌatoꞌa haka moe i te manaꞌu ꞌi ruŋa i a au! ’Te nuꞌu rē ki te pūai o Rukifero he vaꞌai e au mo kai mai ruŋa i te tumu vaꞌai i te ora ꞌāpī ꞌina he hopeꞌa raꞌa ꞌi te kona era o te ꞌAtua’”.

Meꞌe Haka Takeꞌa 20:14

I oti era he toꞌo mai i te mate ꞌe i te kona o te mate ko ꞌAre he hoa ki roto i te pōꞌauahi. Te kona ahi nei he rua mate iŋa,

Meꞌe Haka Takeꞌa 22:14

»Ko te koa i te nuꞌu tata i te rāua kahu, te auraꞌa, te nuꞌu haka rē mo haka kore e te ꞌAtua i te rāua hara, ki tano ai mo oꞌo ki roto ꞌi te kona moꞌa era ko Hērutarema ꞌāpī ꞌe mo kai mai ruŋa i te tumu vaꞌai i te ora ꞌāpī ꞌina he hopeꞌa raꞌa.

Meꞌe Haka Takeꞌa 22:17

Te ⌊Vārua Maitai⌋ ꞌe te viꞌe hāipo-ipo o te Māmoe pē nei e kī ena: «¡Ka oho mai!». ꞌE te kope ŋaroꞌa i te meꞌe nei, ka kī: «¡Ka oho mai!». ꞌE te kope pohe ki te vai ꞌe haŋa mo unu, ka oho mai ka unu i te vai taꞌe e ꞌauhau vaꞌai i te ora ꞌāpī ꞌina he hopeꞌa raꞌa.