2 Tētārōnika 3:4 - Rapa Nui

⁴ ꞌO ira mātou e ꞌite riva-riva nei pē nei ē: hai hāꞌūꞌū ōꞌona e aŋa e oho mai ena kōrua i te meꞌe hāpī atu era e mātou ꞌe pē ira ka aŋa ka oho ena.

2 Tētārōnika 3:4 ပူးပေါင်းရင်းမြစ်များ

Māteo 28:20

E hāpī mo haꞌatura i te meꞌe taꞌatoꞌa hāpī atu e au ki a kōrua. ꞌE ꞌina ko rehu: ꞌi muri i a kōrua a au paurō te mahana ꞌātā ki te hopeꞌa iŋa o te ao».

Rōmano 15:14

E te taina ōꞌoku ē, e ꞌite riva-riva rō ꞌana a au: te kōrua noho iŋa noho iŋa tano ki te mata o te ꞌAtua, ko ꞌite riva-riva ꞌana kōrua o ruŋa i te hāpī parautiꞌa ꞌāꞌana, ꞌe e tano rō ꞌana mo hāꞌūꞌū ꞌi roto i a kōrua ꞌā mo haka tika o ruŋa i te meꞌe haŋa o te ꞌAtua.

Rōmano 15:18

Ka ai atu pē ira, tāꞌaku meꞌe nō mo ꞌaꞌamu atu he meꞌe i aŋa e te ⌊Kiritō⌋ mo haꞌatura o te nuꞌu taꞌe he hūrio ki te ꞌAtua hai meꞌe kī ꞌe aŋa e au,

Rōmano 2:7

Ki te nuꞌu aŋa oho i te meꞌe riva-riva ꞌi te manaꞌu ki te mahana era mo haka koa ꞌe mo haka nui-nui i a rāua e te ꞌAtua, ꞌe ꞌi te haŋa mo ai ꞌi muri i a ia pe muꞌa ka oho ena, ki a rāua ka vaꞌai ena e te ꞌAtua i te ora ꞌāpī ꞌina he hopeꞌa raꞌa.

1 Kōrinto 14:37

Mo manaꞌu o te kope e tahi e vānaŋa ꞌana a ia i te meꞌe haka ꞌite e te ꞌAtua, ꞌe he kope haka tere a ia e te Vārua Maitai, e ꞌite pē nei ē: tāꞌaku meꞌe nei e pāpaꞌi atu ena he roŋo o te tātou Pūꞌoko Haka Tere ko Ietū Kiritō.

1 Kōrinto 7:19

Te meꞌe hauhaꞌa, paꞌi, mo te ꞌAtua, taꞌe he hore ꞌo he taꞌe hore o te kiri o te kinoŋa; he haꞌatura ki tāꞌana roŋo te meꞌe hauhaꞌa.

2 Kōrinto 2:3

Te meꞌe pāpaꞌi atu era e au ꞌi ruŋa i te parau raꞌe era i pāpaꞌi atu ai ꞌo tuꞌu atu a au ꞌe he māui-ui tōꞌoku māhatu ꞌi te takeꞌa i a kōrua, nuꞌu i a rāua a au ana koa, e aŋa ꞌana i te meꞌe taꞌe tano. Ko ꞌite ꞌana, paꞌi, e kōrua: mo koa o kōrua he koa takoꞌa a au.

2 Kōrinto 2:9

ꞌI ruŋa i tāꞌaku parau raꞌe era i pāpaꞌi atu ai a au o ruŋa i rā kope ꞌe o ruŋa i te kōrua meꞌe mo aŋa ki a ia, mo uꞌi hoki e haꞌatura rō mai kōrua.

2 Kōrinto 8:22

ꞌI muri i a kuā Tito i uŋa takoꞌa atu ai a au i te taina haka ꞌou e tahi. Te kope nei hai rauhuru atu meꞌe aŋa e takeꞌa ena i te rahi o tōꞌona haŋa mo hāꞌūꞌū ꞌi te aŋa o te ꞌAtua. ꞌE hora nei, ko ꞌata haŋa ꞌana a ia mo hāꞌūꞌū ꞌo te ꞌite e ko taꞌe vaꞌai kōrua hai māhatu mo te taina veve o Hērutarema.

Karatia 5:10

ꞌE, ꞌi te ai o kōrua ꞌa Ietū Kiritō takoꞌa, ko ꞌite riva-riva ꞌana e au he maꞌu kōrua i te hāpī haka ꞌite atu era e au ꞌe taꞌe ꞌō i te hāpī kē. ꞌE te ꞌAtua he haka ūtuꞌa i te kope haka huri i te kōrua manaꞌu, nōatu ko ai rā kope.

Fīripo 1:6

O te ꞌAtua, paꞌi, i haꞌamata i aŋa i te meꞌe riva-riva ꞌi roto i a kōrua ꞌi te hora haka moe o kōrua i te manaꞌu ꞌi ruŋa i a Ietū. ꞌE, ko ꞌite riva-riva ꞌana e au he aŋa he oho rō ꞌai i nei aŋa ꞌātā ka oti rō ꞌi te mahana o te hoki iŋa mai o Ietū Kiritō.

Fīripo 2:12

E te taina, hora era ōꞌoku ꞌi muri i a kōrua, he haꞌatura nō te kōrua aŋa ki te ꞌAtua. ꞌE, hora nei, ꞌina a au o muri o kōrua, e ꞌata haka pūai te kōrua haꞌatura iŋa ki a ia mo aŋa mo oho nō o kōrua, hai moꞌa, i te meꞌe tano aŋa e te nuꞌu eꞌa mai roto i te ūtuꞌa o te hara.

1 Tētārōnika 4:10

ꞌE he aŋi mau ꞌā e haŋa rō ꞌana a kōrua ki te taina taꞌatoꞌa o te ŋā kona taꞌatoꞌa ena o Mātērōnia. Ka ai atu pē ira, e te taina ē, ꞌī mātou he ani atu pē nei ē: e ꞌata haŋa e oho kōrua ki te taꞌatoꞌa.

2 Tētārōnika 3:12

Te roŋo o mātou mo te ŋā nuꞌu nei hai ꞌīŋoa o te tātou Pūꞌoko Haka Tere ko Ietū Kiritō: ꞌina ko haka mira-mira haka ꞌou i te aŋa o te tētahi, ꞌe e aŋa mo ai o te rāua rāveꞌa.

2 Tētārōnika 3:6

E te taina, he kī atu a mātou hai ꞌīŋoa o te tātou Pūꞌoko Haka Tere ko Ietū Kiritō: mo ai ꞌi roto i a kōrua e tahi taina hupe-hupe taꞌe haka tere i a ia hai meꞌe hāpī atu era e mātou, e haka tapa kōrua mai muri.

Firemono 1:21

E pāpaꞌi atu ena ꞌo te ꞌite ōꞌoku e haꞌatura rō mai koe, ꞌe ꞌo te ꞌite takoꞌa ōꞌoku pē nei ē: e hau rō atu taꞌa meꞌe riva-riva ka aŋa ena ki te meꞌe no-noꞌi atu ena e au.