2 Tētārōnika 3:2 - Rapa Nui

² E pure takoꞌa kōrua mo hāpaꞌo mai i a mātou e te ꞌAtua, ꞌo raveꞌino mai e te nuꞌu taꞌe haŋa ki a ia; taꞌe, paꞌi, taꞌatoꞌa taŋata ŋaroꞌa i te ⌊roŋo riva-riva o ruŋa i a Ietū⌋ e haka moe ena i te manaꞌu ꞌi ruŋa i a ia.

2 Tētārōnika 3:2 ပူးပေါင်းရင်းမြစ်များ

Māteo 17:17

He kī e Ietū: —¡E te nuꞌu pūꞌoko hio-hio manaꞌu taꞌe tano ꞌe taꞌe ⌊haka moe i te manaꞌu⌋ ꞌi ruŋa i te ꞌAtua ē! ¡Pa he meꞌe ena: ka ai ka oho nō atu a au ꞌi muri i a kōrua ꞌātā ki te paꞌo iŋa o te ao, ko te taꞌe haka moe iŋa mai ꞌā kōrua i te manaꞌu ꞌi ruŋa i a au! ¿ꞌĀtā ki hē rā nei ka haꞌaoromaꞌi ka oho nō nei i a kōrua? Ka maꞌu mai te poki.

Māteo 23:23

»¡Ko te ꞌaroha i a kōrua, e te maꞌori o te haka tere hūrio ꞌe e te fariseo ē, he nuꞌu riva a te haho nō! O roto o te hoꞌe ꞌahuru ꞌapa o te meꞌe haka ꞌeo kai, he haꞌataꞌa e tahi o rā ŋā ꞌapa mo te ꞌAtua pa he meꞌe kī ꞌi ruŋa i te haka tere iŋa ꞌa Mōtē. Ka ai atu pē ira, ꞌina kōrua he haꞌatura ki te hāpī hopeꞌa o te nui-nui mo te ꞌAtua o ruŋa i rā haka tere iŋa. Rā ŋā meꞌe: he aŋa i te meꞌe tano ki te mata o te ꞌAtua, he ai o te māhatu ꞌaroha, ꞌe he taꞌe haka rē ki te hora hopeꞌa mo haka tano i te meꞌe haŋa e te ꞌAtua. He ŋā meꞌe nei te meꞌe o kōrua mo aŋa ꞌe ꞌina ko taꞌe aŋa te meꞌe raꞌe era.

Ruka 18:8

ꞌĪ a au he kī atu: e ko roa he hāꞌūꞌū. ꞌE, hora era o te ⌊Poki o te taŋata⌋ ka tuꞌu haka ꞌou mai ena, ¿e ai nō ꞌana hō te taŋata ⌊haka moe i te manaꞌu⌋ ꞌi ruŋa i te ꞌAtua?».

Aŋa o te ꞌĀpōtoro 13:45

I takeꞌa era e te hūrio ra-rahi i te rahi o te taŋata, he mākota. He haꞌamata ia he vā-vā ꞌe he kī he reo-reo te vānaŋa ꞌa Pauro.

Aŋa o te ꞌĀpōtoro 13:50

ꞌE, tū ŋā hūrio ra-rahi era i vānaŋa taꞌe tano rō mo kuā Pauro ki te ŋā viꞌe hōnui ꞌe haꞌatura ki te haka tere iŋa ꞌa Mōtē, ꞌe ki te ŋāŋata hōnui takoꞌa o rā kona mo riri mo kuā Pauro, ꞌe he tute mai ira.

Aŋa o te ꞌĀpōtoro 14:2

Te hūrio taꞌe haka moe i te manaꞌu ꞌi ruŋa i a Ietū he haka tumu i te ture mo riri o te nuꞌu taꞌe he hūrio mo kuā Pauro.

Aŋa o te ꞌĀpōtoro 17:5

Hai meꞌe nei i mākota ai te hūrio taꞌe haka moe i te manaꞌu ꞌi ruŋa i a Ietū. He haka taka-taka ia i te nuꞌu hupe-hupe o te ara aŋa i te meꞌe taꞌe tano, ꞌe hai rā nuꞌu i haka riri ai i te nuꞌu o Tētārōnika mo kuā Pauro. Te nuꞌu hupe-hupe nei i tuꞌu i uru nō ki roto i te hare o Hātō kimi i a Pauro ararua ko Tira mo ꞌa-ꞌaru mo vaꞌai ki tū nuꞌu riri era.

Aŋa o te ꞌĀpōtoro 25:27

E ko tano, paꞌi, mo haka maꞌu i te taŋata puru ꞌina he hāꞌaki he aha te tumu ōꞌona i puru ai.

Aŋa o te ꞌĀpōtoro 28:24

Tētahi nuꞌu i haka roŋo ki tū vānaŋa era ꞌa Pauro, ꞌe tētahi atu i taꞌe haka roŋo.

Rōmano 10:16

Ka ai atu pē ira, taꞌe taꞌatoꞌa taŋata e haŋa rō ꞌā ki te roŋo riva-riva o te ꞌAtua. Pa he meꞌe kī e te perofeta era ko ꞌItaia: «E te ꞌAtua, nuꞌu taꞌe rahi te nuꞌu haka noho i te rāua manaꞌu ꞌi ruŋa i te meꞌe haka ꞌite e mātou».

Rōmano 15:31

E ani kōrua ki a ia mo hāpaꞌo i a au ꞌo tōtōā mai e te nuꞌu taꞌe haka moe i te manaꞌu ꞌi ruŋa i a Ietū o Hūrea, ꞌe e ani takoꞌa mo koa o te ŋā taina era o Hērutarema ꞌo tū meꞌe era mo maꞌu e au.

1 Kōrinto 15:32

ꞌE mo ai he parautiꞌa ꞌina he nuꞌu he ora haka ꞌou mai te mate, ¿e ai rō hō te manaꞌu o te ao nei tano mo haka moto i a au ki te nuꞌu o Ēfeto tuꞌu pa he ꞌanimare taehae pa he meꞌe aŋa e au? Mo taꞌe ora ia o te nuꞌu mai te mate, i hau ꞌi te riva mo aŋa o tātou pa he meꞌe kī e te nuꞌu: «¡Ki kai, ki unu; āpō, he mate ꞌe he oti mau rō ꞌai!».

1 Tētārōnika 2:18

ꞌO ira a mātou i haŋa ai mo hoki atu ki a kōrua ena. ꞌE a au mau nei ꞌā, a Pauro, i uꞌi rō meꞌe rahi nō atu mahana mo hoki atu ꞌe, ꞌi a Rukifero, a mātou i taꞌe tuꞌu atu ai.

2 Timoteo 4:17

ꞌĀꞌana mau nō i hāꞌūꞌū mai ꞌe i vaꞌai mai i te pūai mo haka ꞌite ōꞌoku i te roŋo riva-riva o ruŋa o Ietū Kiritō, ꞌe, takoꞌa, mo haka roŋo tahi mai o te nuꞌu taꞌe he hūrio. Pē ira te ꞌAtua i toꞌo ai i a au mai roto i te haha o te reone,