2 Tētārōnika 3:16 - Rapa Nui

¹⁶ ꞌE mo te tātou Pūꞌoko Haka Tere, i a ia te haumārū, e vaꞌai atu ki a kōrua i te haumārū ꞌi te taꞌatoꞌa nō hora. Ka ai a ia ꞌi muri i a kōrua taꞌatoꞌa.

2 Tētārōnika 3:16 ပူးပေါင်းရင်းမြစ်များ

Māteo 1:23

«E tahi uka kai moe ꞌā e te taŋata e tupu rō te poki ꞌe he poreko poki tane. He nape i te ꞌīŋoa ko ꞌEmanuera». Te haꞌaauraꞌa o te ꞌīŋoa nei: «He ꞌAtua ꞌi muri i a tātou».

Māteo 28:20

E hāpī mo haꞌatura i te meꞌe taꞌatoꞌa hāpī atu e au ki a kōrua. ꞌE ꞌina ko rehu: ꞌi muri i a kōrua a au paurō te mahana ꞌātā ki te hopeꞌa iŋa o te ao».

Ruka 2:14

«¡Ko te nui-nui ꞌe ko te pūai i a koe, e te ꞌAtua ē! ¡Ka ai te haumārū ꞌi roto i te taŋata taꞌatoꞌa o te ao ꞌi ruŋa i a rāua te koa o te ꞌAtua!».

Iovani 14:27

»ꞌIna ko mana-manaꞌu ꞌe ꞌina ko riꞌa-riꞌa kōrua. He haka rē atu a au i te haumārū: taꞌe ko te haumārū ena mo vaꞌai atu e te nuꞌu o te ao nei taꞌe haka moe i te manaꞌu ꞌi ruŋa i a au, he haumārū māꞌaku mau nō e vaꞌai atu.

Iovani 16:33

E kī atu ena au i te meꞌe taꞌatoꞌa nei mo noho kōrua ꞌi roto i te haumārū ꞌo te ai o kōrua ꞌāꞌaku. ꞌI te ao nei e ꞌamo rō kōrua i te ꞌati. Kiahio kōrua; ko rē ꞌana, paꞌi, a au ki te kope ꞌāꞌana te haka tere i te ao.

Rōmano 15:33

Ka noho riva-riva kōrua, ꞌe mo te ꞌAtua, kope vaꞌai i te haumārū, e hokorua atu i a kōrua taꞌatoꞌa. ⌊ꞌĀmene⌋.

Rōmano 16:20

Pē ira e ko roa he toꞌo mai e te ꞌAtua, vaꞌai i te haumārū, he haka hēpiꞌi i a Rukifero ꞌi raro i te kōrua vaꞌe. Ka ai ꞌi ruŋa i a kōrua te riva rahi o Ietū, he Pūꞌoko Haka Tere o tātou.

1 Kōrinto 14:33

Te ꞌAtua, paꞌi, taꞌe he ꞌAtua o te meꞌe mira-mira; tāꞌana meꞌe haŋa he meꞌe tī-tika ꞌe he haumārū. ꞌI te hora taka-taka mo haꞌamuri ki te ꞌAtua, ꞌina ko haꞌatiꞌa i te ŋā viꞌe mo vānaŋa. Pē ira te haka tere iŋa o te nūnaꞌa taŋata taꞌatoꞌa haka moe i te manaꞌu ꞌi ruŋa i a Ietū. Te ŋā viꞌe e haꞌatura ki te rāua kenu, pa he meꞌe hāꞌaki ꞌi ruŋa i te ⌊haka tere iŋa ꞌa Mōtē⌋.

2 Kōrinto 13:11

Mo haka mao atu, e kuā taina ē, e koa kōrua ꞌe e noho ꞌina e tahi hape. E haka haŋu kōrua i a kōrua ꞌā, e ai kōrua e tahi mau nō manaꞌu ꞌe e noho ꞌi roto i te haumārū. Pē ira te ꞌAtua, vaꞌai i te haŋa ꞌe i te haumārū, ka haꞌamaitai ena i a kōrua.

Ēfeto 6:23

Mo te ꞌAtua Matuꞌa ꞌe mo te tātou Pūꞌoko Haka Tere ko Ietū Kiritō e vaꞌai atu i te haumārū ꞌe i te haŋa koia ko haka pūai i te kōrua manaꞌu ꞌi ruŋa i a rāua.

1 Tētārōnika 3:11

E ani nei ki te ꞌAtua, he Matuꞌa o tātou, ꞌe ki te tātou Pūꞌoko Haka Tere ko Ietū Kiritō, mo hāꞌūꞌū mai, mo tuꞌu atu ki a kōrua ena.

1 Tētārōnika 5:23

Mo te ꞌAtua, kope vaꞌai mai i te haumārū, e haka maꞌitaki i te kōrua huru ꞌe i te kōrua noho iŋa ki te roa ꞌina e tahi hara mo tuhi atu. ꞌE māꞌana takoꞌa e hāpaꞌo i a kōrua ꞌina e tahi hape, mai te hakari ki te vārua, ꞌātā ki te hoki iŋa mai o te tātou Pūꞌoko Haka Tere ko Ietū Kiritō.

2 Tētārōnika 3:18

Ka ai ꞌi ruŋa i a kōrua taꞌatoꞌa te riva rahi o te tātou Pūꞌoko Haka Tere ko Ietū Kiritō.

2 Timoteo 4:22

Ka ai i a koe te hāꞌūꞌū o te tātou Pūꞌoko Haka Tere ko Ietū Kiritō, ꞌe te riva rahi o te ꞌAtua ꞌi ruŋa i a kōrua taꞌatoꞌa.

Firemono 1:25

Ka ai ꞌi ruŋa i a kōrua te riva rahi o te tātou Pūꞌoko Haka Tere ko Ietū Kiritō.

ꞌEvereo 13:20

Mo te ꞌAtua vaꞌai i te haumārū, haka ora mai te mate i te tātou Pūꞌoko Haka Tere ko Ietū Kiritō, kope riva-riva hāpaꞌo māmoe, tāpaꞌo i te haka tere iŋa ꞌina he hopeꞌa raꞌa o te ꞌAtua ananake ko te taŋata hai toto era ōꞌona,

ꞌEvereo 7:2

He vaꞌai e ꞌAparahama e tahi ꞌapa o te ꞌapa e hoꞌe ꞌahuru o tāꞌana meꞌe taꞌatoꞌa ravaꞌa ꞌi te tamaꞌi, he ꞌapa tano mo vaꞌai ki te oromatuꞌa. Te ꞌīŋoa nei ko Merekitereke e rua haꞌaauraꞌa: e tahi, «he ꞌariki tano ki te mata o te ꞌAtua»; ꞌe te rua, «he ꞌariki o te haumārū»; a ia, paꞌi, he ꞌariki o te kona era ko Tārema, ꞌe te auraꞌa o te ꞌīŋoa nei he haumārū.