2 Tētārōnika 2:5 - Rapa Nui

⁵ Ko rehu ꞌana ꞌō pēaha i a kōrua pē nei ē: i vānaŋa rō atu a au o ruŋa i te ŋā meꞌe nei ꞌi te hora era ōꞌoku ꞌi muri i a kōrua.

2 Tētārōnika 2:5 ပူးပေါင်းရင်းမြစ်များ

Māteo 16:9

¿Kai aŋi-aŋi ꞌana ꞌō e kōrua? ¿Ko rehu ꞌā i a kōrua te haraoa era e rima hāŋai era e pae taꞌutini taŋata, ꞌe e hia kānato i haꞌaꞌī ai o te kai topa?

Marko 8:18

¿Te kōrua mata ꞌina he takeꞌa, ꞌe te kōrua tariŋa ꞌina he ŋaroꞌa? ¿ꞌIna ꞌō kōrua he manaꞌu ki te meꞌe aŋa era e au?

Iovani 16:4

E haka ꞌite atu ena au i te meꞌe nei mo haka topa o te kōrua manaꞌu, hora ena ka topa atu ena rā meꞌe, ko kī atu era ꞌana e au. »Kai kī atu a au i te meꞌe nei ꞌi tū hora raꞌe era ꞌo te ai ꞌi muri i a kōrua ꞌana a au.

Aŋa o te ꞌĀpōtoro 20:31

»ꞌO ira, e uꞌi ꞌo haka tapa kōrua mai te hāpī parautiꞌa o te ꞌAtua. E manaꞌu pē hē a au e hāpī atu era e tahi e tahi o kōrua, te pō te ꞌōtea, ꞌi roto i te matahiti e toru. ꞌE i rahi rō te mahana i taŋi ai a au mo kōrua.

Karatia 5:21

He fiꞌiꞌi, he rava taꞌero, he rava kai, ꞌe tētahi haka ꞌou atu meꞌe tuꞌu pē ira. ꞌE ꞌī a au he kī haka ꞌou atu i te meꞌe kī atu era e au ꞌi muꞌa ꞌā: te nuꞌu pē nei ꞌina e ko oꞌo ki roto i te nūnaꞌa taŋata haka tere e te ꞌAtua.

1 Tētārōnika 2:11

Ko ꞌite takoꞌa ꞌana a kōrua pē hē a mātou i haka haŋu ꞌe i haka koa atu ai i a kōrua pa he meꞌe aŋa e te matuꞌa tane ki tāꞌana ŋā poki. Ko hatu atu ꞌā e mātou mo ai o te kōrua noho iŋa, noho iŋa tano o te nuꞌu o te ꞌAtua, kope kī mai ꞌi roto i te tātou māhatu mo oꞌo ki roto o te nūnaꞌa taŋata haka tere e ia, ꞌe ki roto i tōꞌona nui-nui.

1 Tētārōnika 3:4

Hora era, paꞌi, o mātou ꞌi muri i a kōrua ꞌā, i haka ꞌite rō atu mātou pē nei ē: e topa rō mai te ꞌati ꞌi ruŋa i a tātou ꞌe, ko ꞌite riva-riva ꞌana e kōrua, pē ira mau ꞌā i topa ai.

2 Tētārōnika 2:6

ꞌE ko ꞌite ꞌā e kōrua ko ai te kope haka noho i rā taŋata, ꞌo tuꞌu mai ꞌi raꞌe ki te hora kī e te ꞌAtua.

2 Tētārōnika 3:10

Hora era o mātou ꞌi muri i a kōrua i haka rē rō atu i te roŋo nei: Te kope taꞌe haŋa mo aŋa, ꞌina ko kai.

2 Pētero 1:15

ꞌO ira a au e vaꞌai tahi atu ena i a au mo hāpī atu i te ŋā meꞌe nei, ki te kona, ka mate ena a au, e ko rehu i a kōrua ki te hora hopeꞌa.