2 Tētārōnika 2:2 - Rapa Nui

² Mo tuꞌu tāꞌue atu e tahi kope e kī rō ꞌā: ko haka takeꞌa ꞌana ki a ia e te ⌊Vārua Maitai⌋ e tahi meꞌe, ꞌo ko tuꞌu ꞌana te hāpī mai i a mātou, ka ai atu i vānaŋa ꞌo i pāpaꞌi, pē nei ē: ko hoki mai era ꞌā te tātou Pūꞌoko Haka Tere ko Ietū, he ani atu a mātou: ꞌina kōrua ko haka roŋo ꞌe ꞌina ko riꞌa-riꞌa.

2 Tētārōnika 2:2 ပူးပေါင်းရင်းမြစ်များ

Māteo 24:24

Nā e tuꞌu rō mai te kiritō ꞌe te perofeta taꞌe parautiꞌa; e aŋa rō i te mana mo haka maꞌa-maꞌa i te manaꞌu o te taŋata, ꞌātā i te manaꞌu o te nuꞌu haꞌataꞌa e te ꞌAtua māꞌana, ana ravaꞌa e rāua.

Marko 13:7

»Ka ŋaroꞌa ena e kōrua i te parau ꞌāpī ko tamaꞌi ꞌā a nei ꞌe a rā, ꞌina kōrua ko riꞌa-riꞌa. He topa mau ꞌā te meꞌe ena. ꞌE, ka ai atu pē ira, kai hāhine ꞌā te hopeꞌa o te ao nei.

Ruka 21:19

ꞌO ira, e haka noho nō te kōrua manaꞌu ꞌi ruŋa i a au ki ravaꞌa ai e kōrua i te ora ꞌāpī ꞌina he hopeꞌa raꞌa vaꞌai e te ꞌAtua.

Ruka 21:9

Ka ŋaroꞌa ena kōrua i te parau ꞌāpī ꞌo ruŋa i te tamaꞌi ꞌe o te nuꞌu haka tumu i te ture ki te rāua nuꞌu ra-rahi, ꞌina kōrua ko riꞌa-riꞌa; ꞌi raꞌe, paꞌi, te ŋā meꞌe nei ka topa ena. Ka ai atu pē ira, e ŋeꞌi rō te tuꞌu iŋa mai o te hopeꞌa o te ao nei.

Iovani 14:1

«ꞌIna kōrua ko mana-manaꞌu ꞌo māui-ui te kōrua māhatu. Ka haka moe nō te kōrua manaꞌu ꞌi ruŋa i te ꞌAtua ꞌe ꞌi ruŋa i a au.

Iovani 14:27

»ꞌIna ko mana-manaꞌu ꞌe ꞌina ko riꞌa-riꞌa kōrua. He haka rē atu a au i te haumārū: taꞌe ko te haumārū ena mo vaꞌai atu e te nuꞌu o te ao nei taꞌe haka moe i te manaꞌu ꞌi ruŋa i a au, he haumārū māꞌaku mau nō e vaꞌai atu.

1 Kōrinto 1:8

Mo te ꞌAtua e haka pūai i te kōrua haka moe iŋa i te manaꞌu ꞌi ruŋa i a Ietū ꞌātā ki te hopeꞌa, ꞌo ai te hape mo tuhi iŋa atu ꞌi te hora o tōꞌona hoki iŋa mai.

1 Kōrinto 14:32

Te kope vānaŋa i te meꞌe haka ꞌite e te ꞌAtua e ꞌite mo tiaki ki tōꞌona hora, ꞌo vānaŋa hoko rua ꞌi tū hora ꞌā.

1 Kōrinto 7:26

Mōꞌoku, ꞌi te taꞌe au o te noho iŋa o te hora nei, i hau rō atu i te riva mo taꞌe hāipo-ipo o kōrua.

Ēfeto 5:6

E uꞌi kōrua ꞌo haka roŋo ki te reo-reo ana kī atu: te nuꞌu aŋa i te ŋā meꞌe ena ꞌina he hape. Te ꞌAtua e ko taꞌe haka ūtuꞌa i te nuꞌu taꞌe haꞌatura ki a ia aŋa i te ŋā meꞌe nei.

1 Tētārōnika 3:3

ꞌo haka tapa kōrua mai te ara o te ꞌAtua ꞌo te tute atu i a kōrua e te nuꞌu mo tōtōā. Ko ꞌite riva-riva ꞌana e kōrua: mo tātou mo te nuꞌu ⌊haka moe i te manaꞌu⌋ ꞌi ruŋa i a Ietū, e ꞌamo i te ꞌati tuꞌu pē nei.

1 Tētārōnika 4:15

ꞌO ira mātou e kī atu ena, pa he hāpī o te tātou Pūꞌoko Haka Tere: a tātou, te nuꞌu e ora nō ꞌā ꞌi te hora o te hoki iŋa mai o Ietū, e ko iri ꞌi raꞌe ki te nuꞌu mate.

1 Tētārōnika 5:2

Ko ꞌite riva-riva ꞌana, paꞌi, e kōrua: te hoki iŋa mai o te tātou Pūꞌoko Haka Tere ka tuꞌu mai ena pa he toke-toke ꞌi te hora kai manaꞌu hia.

2 Tētārōnika 2:15

ꞌO ira, e te taina ē, e haka noho e oho te kōrua manaꞌu ꞌi ruŋa i a Ietū ꞌe ꞌi ruŋa i te meꞌe hāpī atu era e mātou, ka ai i vānaŋa ꞌo i pāpaꞌi atu.

2 Tētārōnika 3:17

A au, a Pauro, e pāpaꞌi atu ena i te ꞌaroha nei hai rima mau nei ꞌā ōꞌoku. Pē ira a au e tāpaꞌo tahi nei i tāꞌaku parau pāpaꞌi.

Meꞌe Haka Takeꞌa 19:20

Te manuꞌino nei ko ꞌa-ꞌaru ꞌā, ꞌe ko ꞌa-ꞌaru takoꞌa ꞌā tū perofeta reo-reo aŋa era ꞌi muꞌa i rā manuꞌino i te mana ꞌe i te tētahi atu meꞌe mo māere o te taŋata. Hai ŋā meꞌe nei i haka rē ai te nuꞌu i a rāua mo tāpaꞌo hai tāpaꞌo o te manuꞌino, ꞌe i haꞌamuri ai i te ꞌītoro aŋa pē ia. I oho era he toꞌo mai he hoa ora i rā manuꞌino ꞌe i rā perofeta reo-reo era ki roto i te pōꞌauahi, kona ꞌi ira e ura ena te azufre.