2 Tētārōnika 2:16 - Rapa Nui

¹⁶ ꞌE mā Ietū Kiritō mau ꞌā, Pūꞌoko Haka Tere o tātou, ꞌe mo te ꞌAtua, Matuꞌa o tātou, haŋa mai ꞌe vaꞌai mai hai riva rahi ōꞌona i te koa ꞌina he hopeꞌa raꞌa ꞌe i te ꞌite pē nei ē: pe muꞌa ka oho ena e vaꞌai rō mai i te meꞌe hōrea mai era e ia,

2 Tētārōnika 2:16 ပူးပေါင်းရင်းမြစ်များ

Ruka 16:25

»He pāhono e ꞌAparahama: “E manaꞌu koe, e haŋu ē: ko koe te meꞌe riva-riva ꞌi te hora e ora nō ꞌā, ꞌe ko Rātaro te meꞌe noho rake-rake. ꞌI te hora nei ko ia te meꞌe riva-riva, ꞌe ko koe ꞌi roto i te rake-rake.

Iovani 13:1

Te ⌊Pakate⌋ kai haꞌamata ꞌā, ꞌe a Ietū ko ꞌite era ꞌana ko tano ꞌā tōꞌona hora mo haka rē i te ao nei ꞌe mo hoki ki muri i tōꞌona Matuꞌa. Te aŋa ꞌāꞌana he haka takeꞌa he oho nō i tōꞌona haŋa ki tāꞌana nuꞌu, ꞌe pē ira i aŋa i oho ai ꞌātā ki te hopeꞌa.

Iovani 15:13

Te haŋa hopeꞌa o te nui-nui he vaꞌai o te kope e tahi i a ia ki te mate mo tōꞌona repahoa.

Iovani 15:9

E haŋa rahi rō atu ꞌana a au ki a kōrua, pa he haŋa iŋa mai ena o te Matuꞌa ki a au. E maꞌu ꞌi roto i te kōrua māhatu te haŋa nei ōꞌoku ki a kōrua.

Iovani 16:22

Pē ira takoꞌa ꞌana te kōrua mamae ena. Ki piri haka ꞌou a tātou, he koa te kōrua māhatu, ko te koa ena ꞌina he rua kope mo hiko.

Iovani 3:16

»ꞌI te haŋa rahi o te ꞌAtua ki te taŋata taꞌatoꞌa o te ao, he vaꞌai i tāꞌana Poki mau nō era e tahi mo mate, ꞌe nuꞌu nō era mo haka moe i te manaꞌu ꞌi ruŋa, e ko haka tapa e te ꞌAtua mai muri i a ia ꞌe e ko haka ūtuꞌa; he vaꞌai i te ora ꞌāpī ꞌina he hopeꞌa raꞌa.

Iovani 4:14

ꞌe, te kope unu i te vai vaꞌai e au, e ko pohe haka ꞌou. Te vai vaꞌai e au ꞌi roto i a ia pa he kona tehe vai ꞌina he oti ꞌe mai ira he ravaꞌa e ia i te ora ꞌāpī ꞌina he hopeꞌa raꞌa vaꞌai e te ꞌAtua.

Aŋa o te ꞌĀpōtoro 15:11

A tātou ko ꞌite riva-riva ꞌā: hai riva rahi mau nō o Ietū e eꞌa ena a tātou mai roto i te ūtuꞌa o te hara ꞌe e ravaꞌa ena i te ora ꞌāpī ꞌina he hopeꞌa raꞌa vaꞌai e te ꞌAtua, ꞌe pē ira takoꞌa ꞌana a rāua».

Aŋa o te ꞌĀpōtoro 18:27

I haŋa era a ꞌĀporo mo oho ki Ākāia, he hāꞌūꞌū e te nuꞌu taina hai pāpaꞌi ki te nuꞌu haka moe i te manaꞌu ꞌi ruŋa i a Ietū o rā kona mo hāpaꞌo riva-riva. I tuꞌu era a ꞌĀporo ki Ākāia, hai hāpī ꞌāꞌana i ꞌata haka haŋu ai i te nuꞌu ko haka moe era ꞌana, hai riva rahi o te ꞌAtua, i te rāua manaꞌu ꞌi ruŋa i a Ietū.

Rōmano 4:16

ꞌO ira, te hōrea kī e te ꞌAtua ki a ꞌAparahama mo hauhaꞌa mo oho nō mo tōꞌona hakaara taꞌatoꞌa, e ai he meꞌe vaꞌai nō e te ꞌAtua hai riva rahi ōꞌona, hai haka moe nō i te manaꞌu ꞌi ruŋa i a ia. Te auraꞌa: te hōrea mo te nuꞌu taꞌatoꞌa haka moe i te manaꞌu ꞌi ruŋa i te ꞌAtua, pē ꞌAparahama, ka ai atu e maꞌu rō ꞌā ꞌo ꞌina he maꞌu i te haka tere iŋa ꞌa Mōtē. Pē ira a ꞌAparahama i ai ai he matuꞌa o tātou taꞌatoꞌa.

Rōmano 4:4

Te kope e tahi e aŋa ena, te moni ꞌauhau ki a ia taꞌe he moni vaꞌai tahaŋa nō, he moni ꞌauhau o tāꞌana aŋa.

Rōmano 5:8

Oho iŋa kē ia to te ꞌAtua; hora era ꞌi roto i te hara ꞌana a tātou, i uŋa nō mai i te Kiritō mo mate mo ꞌauhau o te tātou hara. Pē ira i haka takeꞌa mai ai ki a tātou i tōꞌona haŋa.

Ēfeto 5:2

E haka rē mo te haŋa e haka tika atu, pa he meꞌe aŋa e Ietū hora vaꞌai era i a ia ki te mate mo tātou. ꞌE tōꞌona mate era, mo te ꞌAtua, pa he tūtia ꞌeo.

Ēfeto 5:25

E te kenu, e haŋa ki te kōrua ŋā viꞌe, pa he haŋa iŋa ena ꞌā o Ietū ki a tātou, ki te nuꞌu taꞌatoꞌa haka moe i te manaꞌu ꞌi ruŋa i a ia, haka takeꞌa hai vaꞌai iŋa era i a ia ki te mate mo tātou.

Kōrosa 1:23

Te meꞌe nō, e haka hio-hio e oho te kōrua manaꞌu ꞌi ruŋa i a Ietū ꞌe e tiaki e oho ki te meꞌe taꞌatoꞌa hōrea e te ꞌAtua mo te nuꞌu ꞌāꞌana, meꞌe i ꞌite e kōrua ꞌi te hora ŋaroꞌa era i te ⌊roŋo riva-riva o ruŋa i a Ietū⌋, roŋo haka ꞌite oho a te kona taꞌatoꞌa o te ao, ꞌe roŋo hāꞌūꞌū e au, e Pauro, mo haka ꞌite.

Kōrosa 1:5

ꞌo te ai e tiaki takoꞌa rō ꞌana kōrua ki te meꞌe hōrea mai e ia mo tātou ꞌi te raŋi. A kōrua ko ŋaroꞌa era ꞌana o ruŋa i te meꞌe nei hora haka ꞌite atu era i te roŋo parautiꞌa o te ꞌAtua

1 Tētārōnika 1:3

E māuru-uru nei ꞌi te meꞌe era he manaꞌu nō te mātou aŋa pē hē kōrua e aŋa ena ki te ꞌAtua, ꞌo te ⌊haka moe i te manaꞌu⌋ ꞌi ruŋa i a Ietū, pē hē e hāꞌūꞌū ena ki te rua, ꞌo te rahi o te kōrua haŋa mo rāua, ꞌe pē hē e haꞌaoromaꞌi ena hai pūai ꞌi te hora o te ꞌati, ꞌo te ai e tiaki e oho rō ꞌā kōrua ki te hoki iŋa mai o te tātou Pūꞌoko Haka Tere ko Ietū Kiritō.

1 Tētārōnika 3:11

E ani nei ki te ꞌAtua, he Matuꞌa o tātou, ꞌe ki te tātou Pūꞌoko Haka Tere ko Ietū Kiritō, mo hāꞌūꞌū mai, mo tuꞌu atu ki a kōrua ena.

2 Tētārōnika 2:13

Te meꞌe tano mau o mātou mo aŋa he māuru-uru he oho ki te ꞌAtua mo kōrua, e te taina haŋa rahi o te tātou Pūꞌoko Haka Tere ē. Te ꞌAtua, paꞌi, ko haꞌataꞌa era ꞌana i a kōrua, ꞌi raꞌe ki te aŋa iŋa o te ao, ki ai ai kōrua he nuꞌu haka eꞌa e ia mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa ꞌi te haka moe o kōrua i te manaꞌu ꞌi ruŋa i te roŋo parautiꞌa o ruŋa i a Ietū Kiritō, ꞌe ꞌi te aŋa o te Vārua Maitai ꞌi roto i a kōrua mo riro o kōrua he taŋata ꞌina e tahi hara.

Tito 2:13

ꞌātā ka tuꞌu rō mai te meꞌe nui-nui tiaki e tātou: he hoki iŋa haka ꞌou mai o te tātou ꞌAtua pūai ko Ietū Kiritō, kope haka eꞌa i te taŋata mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

ꞌEvereo 7:19

Kai ravaꞌa, paꞌi, e te haka tere iŋa era ꞌa Mōtē mo haka tano i te taŋata ki te mata o te ꞌAtua. ꞌE hora nei, ko vaꞌai mai ꞌana e te ꞌAtua i a Ietū mo oromatuꞌa, ꞌe hai ia a tātou e hāhine nei ki te ꞌAtua.

1 Iovani 3:16

A tātou e ꞌite rō ꞌā he aha te meꞌe he haŋa ki te rua ꞌo te ai i vaꞌai rō a Ietū i a ia mo mate mo tātou. Pē ira takoꞌa ꞌā a tātou ana meꞌe mo te tātou taina.

Meꞌe Haka Takeꞌa 1:5

ꞌe o Ietū Kiritō, he mataꞌite haka ꞌite i te parautiꞌa o ruŋa i te ꞌAtua, ꞌe tāꞌana vānaŋa he parautiꞌa mau ꞌā. A ia he kope raꞌe ora haka ꞌou mai te mate ꞌe ꞌina kai mate haka ꞌou, ꞌe i a ia te parau mo haka tere i te ꞌariki taꞌatoꞌa o te ao. Te Kiritō e haŋa rō mai ꞌā ki a tātou, ꞌe ko haka eꞌa ꞌana i a tātou mai roto i te hara hai toto tehe era ōꞌona.

Meꞌe Haka Takeꞌa 22:5

ꞌIna he pō rā kona. ¿Mo aha atu ꞌā te hakariꞌi ꞌe te raꞌā o rā nuꞌu? O te ꞌAtua, paꞌi, he Pūꞌoko Haka Tere, te haka māꞌeha i a rāua, ꞌe ananake ka haka tere ena ꞌātā ki te hopeꞌa raꞌa.

Meꞌe Haka Takeꞌa 3:9

ꞌE, te nuꞌu ꞌa Rukifero kī atu: he ⌊hūrio⌋ a rāua ꞌe taꞌe mau pē ira, he haka tū-turi atu e au ꞌi muꞌa i a koe, ki ꞌite ai pē nei ē: e haŋa rō atu ꞌana a au ki a koe.