2 Tētārōnika 2:12 - Rapa Nui

¹² ki haka ūtuꞌa ai e te ꞌAtua i te nuꞌu taꞌatoꞌa taꞌe haŋa mo ⌊haka moe i te manaꞌu⌋ ꞌi ruŋa i te roŋo parautiꞌa, nuꞌu haŋa mau nō mo aŋa i te meꞌe taꞌe tano.

2 Tētārōnika 2:12 ပူးပေါင်းရင်းမြစ်များ

Marko 14:11

I ŋaroꞌa era e rā nuꞌu i te vānaŋa ꞌa Hura, he koa rō atu ꞌai ꞌe he kī mo ꞌauhau e rāua hai moni. Pē ira a Hura i haꞌamata i uꞌi ai i te hora tano mo vaꞌai i a Ietū ki rā nuꞌu.

Marko 16:16

Te kope haka moe i te manaꞌu ꞌi ruŋa i a au ꞌe haka ⌊papatito⌋ i a ia he eꞌa mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope taꞌe haka moe i te manaꞌu ꞌi ruŋa i a au, he haka ūtuꞌa e te ꞌAtua.

Iovani 3:36

Te kope haka moe i te manaꞌu ꞌi ruŋa i te Poki o te ꞌAtua he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope taꞌe haka moe i te manaꞌu ꞌi ruŋa i a ia e ko ravaꞌa i rā ora; te meꞌe mo ravaꞌa he ūtuꞌa ꞌina he hopeꞌa raꞌa.

Rōmano 1:32

Te nuꞌu nei e ꞌite riva-riva rō ꞌana pē nei ē: te ꞌAtua ko kī ꞌā: te ūtuꞌa mo te nuꞌu aŋa i te ŋā meꞌe nei he mate; ꞌe, ka ai atu pē ira, ko te aŋa ko te oho iŋa ꞌā, ꞌe ꞌātā e koa rō ꞌana mo takeꞌa i te rua e aŋa ꞌana i nei ŋā meꞌe.

Rōmano 12:9

E haŋa kōrua ki te rua hai māhatu. ꞌIna ko haŋa ki te meꞌe taꞌe tano; e haka noho te manaꞌu ꞌi ruŋa i te meꞌe tano ki te mata o te ꞌAtua.

Rōmano 2:8

ꞌE ki te nuꞌu haka tere hai manaꞌu o rāua mau nō, taꞌe haŋa ki te parautiꞌa, aŋa i te meꞌe taꞌe tano, te ūtuꞌa o te ꞌAtua mo rāua e paŋahaꞌa rō.

1 Kōrinto 13:6

ꞌe, takoꞌa, ꞌina he koa o ruŋa i te meꞌe taꞌe tano. E koa ena ꞌi te meꞌe tano ꞌe ꞌi te meꞌe parautiꞌa.

1 Tētārōnika 5:9

Taꞌe, paꞌi, mo ꞌamo i te ūtuꞌa te ꞌAtua i haꞌataꞌa ai i a tātou; mo eꞌa o tātou mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa hai Ietū Kiritō, Pūꞌoko Haka Tere o tātou.

2 Tētārōnika 2:10

Hai rauhuru nō atu meꞌe taꞌe tano ka reo-reo ena ki te nuꞌu ꞌi ruŋa i a rāua te ūtuꞌa o te ꞌAtua ꞌo te taꞌe haŋa mo haka moe i te rāua manaꞌu ꞌi ruŋa i te parautiꞌa o ruŋa i a Ietū Kiritō, mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa.

2 Pētero 2:3

ꞌI te nou-nou o te ŋā maꞌori reo-reo era, he uꞌi i te rāveꞌa mo ꞌata toꞌo i te moni mai i a kōrua hai hāpī reo-reo o rāua, hāpī poreko ꞌi roto i te rāua manaꞌu mau nō era. ꞌE mo te nuꞌu ena, ko ai era ꞌana te ūtuꞌa o te ꞌAtua mai muꞌa ꞌā, ꞌe a ia e ko taꞌe haka ūtuꞌa i a rāua.

3 Iovani 1:11

E te taina, ꞌina koe ko aŋa i te meꞌe taꞌe tano aŋa e te rua; e aŋa koe i te meꞌe riva-riva. Te kope aŋa i te meꞌe riva-riva, o te ꞌAtua; ꞌe te kope aŋa i te meꞌe rake-rake, kai māhani ꞌā i te ꞌAtua.