2 Tētārōnika 2:10 - Rapa Nui

¹⁰ Hai rauhuru nō atu meꞌe taꞌe tano ka reo-reo ena ki te nuꞌu ꞌi ruŋa i a rāua te ūtuꞌa o te ꞌAtua ꞌo te taꞌe haŋa mo haka moe i te rāua manaꞌu ꞌi ruŋa i te parautiꞌa o ruŋa i a Ietū Kiritō, mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa.

2 Tētārōnika 2:10 ပူးပေါင်းရင်းမြစ်များ

Māteo 13:11

He pāhono e Ietū: «Ki a kōrua te ꞌAtua e haka ꞌite atu ena i te meꞌe taꞌe ꞌite e te taŋata o ruŋa o te haka tere iŋa ꞌāpī ꞌāꞌana, ꞌe ki a rāua ꞌina he haka ꞌite.

Iovani 3:17

Te ꞌAtua ꞌina kai uŋa i tāꞌana Poki ki te ao mo haka ūtuꞌa i te taŋata; i uŋa ai mo haka eꞌa i a rāua mai roto i te ūtuꞌa o te hara ꞌe mo vaꞌai i te ora ꞌāpī ꞌina he hopeꞌa raꞌa.

Iovani 5:34

ꞌIna he ꞌati mo taꞌe vānaŋa riva-riva e te taŋata o ruŋa i a au. E haka manaꞌu nō atu ꞌā tāꞌau i te meꞌe kī e ⌊Iovani⌋ ki haka moe ai kōrua i te kōrua manaꞌu ꞌi ruŋa i a au, ki eꞌa ai mai roto i te ūtuꞌa o te hara ꞌe ki ravaꞌa ai i te ora ꞌāpī ꞌina he hopeꞌa raꞌa vaꞌai e te ꞌAtua.

Rōmano 10:1

E te taina, te meꞌe hopeꞌa ꞌāꞌaku o te haŋa e pure nei ki te ꞌAtua: mo eꞌa o tōꞌoku taŋata he itaraera mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa.

Rōmano 16:18

A rāua, paꞌi, taꞌe he tāvini o te tātou Pūꞌoko Haka Tere he Kiritō; he tāvini o te meꞌe pohe ꞌe haŋa nō o rāua. Hai vānaŋa koroꞌiti ꞌe reka e reo-reo ena ki te nuꞌu māhatu rehe-rehe taꞌe manaꞌu e aŋa rō ꞌō e te rua i te meꞌe taꞌe tano ki a rāua.

Rōmano 6:17

ꞌI muꞌa ꞌā, a kōrua he ꞌekaravo o te hara. ꞌE, māuru-uru ki te ꞌAtua, hora nei, e haꞌatura rō ꞌana hai māhatu ki te hāpī parautiꞌa haka ꞌite atu.

1 Kōrinto 1:18

Te roŋo o te mate o Ietū ꞌi ruŋa i te tātaurō he meꞌe maꞌa-maꞌa nō atu e tahi mo te nuꞌu ꞌi ruŋa i a rāua ka topa ena te ūtuꞌa o te ꞌAtua. ꞌE mo tātou mo te nuꞌu eꞌa mai roto i te ūtuꞌa o te hara he pūai o te ꞌAtua.

1 Kōrinto 16:22

Mo taꞌe haŋa o te kope e tahi ki te tātou Pūꞌoko Haka Tere ko Ietū Kiritō, mo te ꞌAtua e haka ūtuꞌa. ¡E te mātou Pūꞌoko Haka Tere ē, ka hōrou koe ka hoki mai!

2 Kōrinto 11:13

A rāua he ꞌāpōtoro reo-reo e haka tuꞌu rō ꞌana i a rāua pa he ꞌāpōtoro o te Kiritō.

2 Kōrinto 11:15

ꞌE mo aŋa o Rukifero i te meꞌe tuꞌu pē ira, taꞌe ia he meꞌe mo māere te haka tuꞌu o te nuꞌu aŋa ki a ia pa he nuꞌu tano aŋa ki te ꞌAtua. Te meꞌe ka topa ena ki te nuꞌu pē nei he ūtuꞌa tano ki te rāua meꞌe aŋa.

2 Kōrinto 2:15

Hora ena o mātou e haka ꞌite e oho ena i te roŋo riva-riva o ruŋa i a Ietū a mātou pa he ꞌeo incienso tūtia e te Kiritō haka koa i te ꞌAtua, ꞌe tuꞌu ki te nuꞌu eꞌa mai roto i te ūtuꞌa o te hara, ꞌe ki te nuꞌu taꞌe eꞌa.

2 Kōrinto 2:17

ꞌIna a mātou he haka ꞌite i te ⌊roŋo riva-riva o te ꞌAtua⌋ mo ravaꞌa moni, pa he meꞌe aŋa e te tētahi. Te mātou meꞌe aŋa he vānaŋa hai parautiꞌa, pa he tāvini o te ꞌAtua ꞌo te ai o mātou o te Kiritō, ꞌe he ꞌAtua te mātou mataꞌite.

Ēfeto 4:14

E ko ai haka ꞌou ia a tātou pa he ŋā poki e ko roa he huri te manaꞌu ꞌi te haka roŋo ki te hāpī taꞌe he parautiꞌa haka ꞌite e te nuꞌu mārama-rama ꞌite i te reo-reo.

1 Tētārōnika 2:16

E haŋa era, paꞌi, mātou mo vānaŋa ki te nuꞌu taꞌe he hūrio o ruŋa i a Ietū, mo eꞌa o rāua mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa, ꞌina he haka rē i a mātou e nei ŋā hūrio mo vānaŋa. Pē ira e haꞌaputu e oho ena i te rāua hara ki te roa hopeꞌa. ꞌE hora nei, te meꞌe toe mo rāua he ūtuꞌa o te ꞌAtua.

2 Tētārōnika 2:12

ki haka ūtuꞌa ai e te ꞌAtua i te nuꞌu taꞌatoꞌa taꞌe haŋa mo ⌊haka moe i te manaꞌu⌋ ꞌi ruŋa i te roŋo parautiꞌa, nuꞌu haŋa mau nō mo aŋa i te meꞌe taꞌe tano.

2 Tētārōnika 2:13

Te meꞌe tano mau o mātou mo aŋa he māuru-uru he oho ki te ꞌAtua mo kōrua, e te taina haŋa rahi o te tātou Pūꞌoko Haka Tere ē. Te ꞌAtua, paꞌi, ko haꞌataꞌa era ꞌana i a kōrua, ꞌi raꞌe ki te aŋa iŋa o te ao, ki ai ai kōrua he nuꞌu haka eꞌa e ia mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa ꞌi te haka moe o kōrua i te manaꞌu ꞌi ruŋa i te roŋo parautiꞌa o ruŋa i a Ietū Kiritō, ꞌe ꞌi te aŋa o te Vārua Maitai ꞌi roto i a kōrua mo riro o kōrua he taŋata ꞌina e tahi hara.

1 Timoteo 2:4

A ia e haŋa rō ꞌana mo eꞌa o te taŋata taꞌatoꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa. E haŋa takoꞌa rō ꞌana te ꞌAtua mo ꞌite o te taŋata i te hāpī parautiꞌa pē nei ē:

ꞌEvereo 3:13

Te meꞌe mo aŋa paurō te mahana mai ora ꞌā kōrua, he hatu ki te rua mo haka noho mo oho i te manaꞌu ꞌi ruŋa i te ꞌAtua, ꞌo reo-reo atu e te hara, ꞌo hio-hio te māhatu, ꞌo taꞌe haŋa haka ꞌou mo haꞌatura ki a ia.

2 Pētero 2:12

Te nuꞌu nei pa he ꞌanimare taꞌe aŋi-aŋi e tahi meꞌe, ꞌanimare noho hai meꞌe ŋaroꞌa nō o te hakari, poreko mo ꞌa-ꞌaru mo tiŋaꞌi mo haka mate. Te nuꞌu nei he vānaŋa taꞌe tano nō te aŋa mo te meꞌe ꞌina he aŋi-aŋi e rāua ꞌe ka mate ena pa he ꞌanimare

2 Pētero 2:18

He teꞌo-teꞌo te aŋa o ruŋa i a rāua hai vānaŋa ꞌina e tahi auraꞌa. Hai meꞌe rake-rake mo te hakari ꞌe hai meꞌe taꞌe tano pohe nō o te hakari e aŋa ena mo haka huri i te manaꞌu o te nuꞌu aŋa riꞌa-riꞌa i eꞌa ai mai roto i te meꞌe taꞌe tano.