2 Tētārōnika 1:7 - Rapa Nui

⁷ ꞌe e vaꞌai rō mai i te ora ki a tātou, ki te nuꞌu ꞌamo i te ꞌati. Te meꞌe nei ka topa ena ꞌi te mahana o te hoki iŋa mai o te tātou Pūꞌoko Haka Tere ko Ietū Kiritō ananake ko tāꞌana merahi pūai mai te raŋi e haka vari tahi rō ꞌā e te ura o te ahi.

2 Tētārōnika 1:7 ပူးပေါင်းရင်းမြစ်များ

Māteo 16:27

Te Poki o te taŋata, paꞌi, e oho rō mai e ꞌana-ꞌana rō ꞌana ꞌi te pūai o tōꞌona Matuꞌa, ꞌi muri i a ia tāꞌana merahi, ꞌe e ꞌauhau rō i te taŋata, e tahi e tahi, e haka tano ki te rāua meꞌe aŋa.

Māteo 16:28

ꞌE ꞌī a au he kī atu: tētahi nuꞌu o te kona nei e ko mate hia ka takeꞌa rō ena te oho iŋa mai o te Poki o te taŋata ꞌi ruŋa i a ia te parau mo haka tere».

Māteo 25:31

»Ka hoki mai ena te ⌊Poki o te taŋata⌋ ko ꞌAriki ꞌā e haka vari tahi rō ꞌā e te merahi taꞌatoꞌa ōꞌona, e te ꞌana-ꞌana ꞌe e te pūai o te ꞌAtua, he noho ꞌi ruŋa i tōꞌona pepe ꞌariki.

Māteo 25:41

»Ki oti ka kī era e te ꞌAriki ki te nuꞌu o tōꞌona pāꞌiŋa maui: “Ka haka tapa kōrua mai muri i a au ꞌe ka oho, e te nuꞌu tohu e te ꞌAtua ē, ki roto i te ahi ꞌina he mate ki te hora hopeꞌa aŋa mo Rukifero koia ko tāꞌana tātane.

Māteo 26:64

He pāhono e Ietū: —Nā e koe ko kī ꞌā. ꞌE ꞌī a au he kī takoꞌa atu: e takeꞌa rō e kōrua i te Poki o te taŋata e noho rō ꞌā ꞌi te pāꞌiŋa mataꞌu o te ꞌAtua, i a ia te pūai taꞌatoꞌa, ꞌe i tōꞌona topa iŋa mai ꞌi ruŋa i te raŋi e tahi.

Marko 14:62

He pāhono e Ietū: —ꞌĒ-ē, ko au. ꞌE a kōrua e takeꞌa rō i te Poki o te taŋata e noho rō ꞌana ꞌi te pāꞌiŋa mataꞌu o te ꞌAtua ꞌe i tōꞌona topa iŋa mai ꞌi ruŋa i te raŋi e tahi.

Marko 8:38

»Te taŋata o te hora nei taŋata hara ꞌe ꞌina he haŋa mai. Te kope taꞌe toꞌo i a au ꞌe i tāꞌaku hāpī māꞌana ꞌo haꞌamā ꞌi te nuꞌu, a au, te Poki o te taŋata, e ko toꞌo takoꞌa i a ia māꞌaku ꞌi te hora hoki mai ōꞌoku ananake mātou ko te merahi ꞌi ruŋa i a au te pūai ꞌana-ꞌana o tōꞌoku Matuꞌa».

Ruka 16:25

»He pāhono e ꞌAparahama: “E manaꞌu koe, e haŋu ē: ko koe te meꞌe riva-riva ꞌi te hora e ora nō ꞌā, ꞌe ko Rātaro te meꞌe noho rake-rake. ꞌI te hora nei ko ia te meꞌe riva-riva, ꞌe ko koe ꞌi roto i te rake-rake.

Ruka 17:30

»Pē ira takoꞌa ꞌā ꞌi te mahana ka tuꞌu haka ꞌou mai ena te Poki o te taŋata.

Iovani 1:3

ꞌE hai Vānaŋa te ꞌAtua i aŋa ai i te meꞌe taꞌatoꞌa; ꞌina e tahi meꞌe i ai i taꞌe aŋa hai ia.

Iovani 1:51

He kī ia ki te taꞌatoꞌa: «ꞌĪ a au he kī atu: e riro rō kōrua he mataꞌite o nei ŋā meꞌe, ꞌe te nui-nui e tuꞌu rō pa he meꞌe ena: e ha-hata rō ꞌā te raŋi, ꞌe e iri ꞌe e topa rō mai ꞌā te merahi o te ꞌAtua ꞌi ruŋa i a au i te ⌊Poki o te taŋata⌋».

Aŋa o te ꞌĀpōtoro 1:11

He kī: «E te taŋata o Karirea ē, ¿he aha rā i no-noho i uꞌi rō ai a te raŋi? A Ietū noho atu era ꞌi muri i a kōrua, iri ena ki te raŋi, ko ia ꞌā nā ka hoki mai ena. Pa he iri iŋa ena ōꞌona takeꞌa ena e kōrua, pē ira ꞌana tōꞌona hoki iŋa mai».

Aŋa o te ꞌĀpōtoro 3:19

»ꞌO ira, ⌊ka huri te manaꞌu ki te ꞌAtua⌋ ꞌe ꞌai ka haka tapa rō mai roto i te hara, ki haka kore atu ai e ia i te kōrua hara.

Rōmano 8:17

ꞌE, ꞌi te meꞌe era he ŋā poki tātou o te ꞌAtua, mo tātou takoꞌa te hauhaꞌa ena ka vaꞌai ena e te ꞌAtua ki a Ietū, hauhaꞌa hōrea e te ꞌAtua mo tāꞌana ŋā poki. Te meꞌe nō, e haꞌaoromaꞌi tātou, ꞌi te hora nei, i te ꞌati topa mai ꞌo te ai o tātou ꞌāꞌana, ki ai ai a tātou, pe muꞌa ka oho ena, ꞌi roto i tōꞌona nui-nui, te auraꞌa, ki ai takoꞌa ai i a tātou tōꞌona huru riva.

1 Kōrinto 3:13

Te huru o te aŋa o te taꞌatoꞌa ka takeꞌa riva-riva ena ꞌi te mahana o te ture hopeꞌa, mahana ka uꞌi era e Ietū hai ahi hoki i aŋa riva-riva rō ꞌo ꞌina.

2 Kōrinto 4:17

E haka topa nei i te manaꞌu o ruŋa i te meꞌe ka ai ena mo tātou pe muꞌa ka oho ena: he noho iŋa riva-riva ꞌina he hopeꞌa raꞌa ꞌi te raŋi, te ꞌati ꞌamo e mātou ꞌi te ao nei ꞌina e mātou he tapa atu; e tuꞌu rō ꞌana, paꞌi, pa he meꞌe taꞌe paŋahaꞌa ꞌe e ko roa he ŋaro.

Ēfeto 1:2

Ka ai ꞌi ruŋa i a kōrua te riva rahi ꞌe te haumārū o te ꞌAtua Matuꞌa ꞌe o Ietū Kiritō, he Pūꞌoko Haka Tere o tātou.

Kōrosa 1:16

O te ꞌAtua i haka aŋa ki te Kiritō i te meꞌe taꞌatoꞌa e ai ena: te meꞌe ꞌi ruŋa i te raŋi ꞌe te meꞌe ꞌi ruŋa i te henua, te meꞌe takeꞌa ꞌe te meꞌe taꞌe takeꞌa koia ko te rāua pūꞌoko haka tere taꞌatoꞌa. Te meꞌe taꞌatoꞌa i aŋa ai e te ꞌAtua hai ia ꞌe māꞌana.

1 Tētārōnika 3:13

ꞌe, takoꞌa, mo hāꞌūꞌū i a kōrua mo ꞌata haka hio-hio i te manaꞌu ꞌi ruŋa i a ia, ꞌo ai tāꞌue e tahi meꞌe mo tuhi iŋa atu e te ꞌAtua ꞌi te hora ka tuꞌu ena ki muꞌa i a ia ꞌi te mahana o te hoki iŋa mai o te tātou Pūꞌoko Haka Tere ko Ietū koia ko te nuꞌu taꞌatoꞌa haꞌataꞌa māꞌana. ⌊ꞌĀmene⌋.

2 Timoteo 2:12

Mo haꞌaoromaꞌi o tātou i te ꞌati hai pūai, he haka tere a tātou ꞌi tōꞌona ao ꞌi muri i a ia. Mo kī o tātou kai ꞌite a tātou ko ai a ia, pē ira takoꞌa ꞌā ka kī ena e ia mo tātou.

Tito 2:13

ꞌātā ka tuꞌu rō mai te meꞌe nui-nui tiaki e tātou: he hoki iŋa haka ꞌou mai o te tātou ꞌAtua pūai ko Ietū Kiritō, kope haka eꞌa i te taŋata mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

ꞌEvereo 10:27

Te meꞌe toe nō mo tātou he ture taparahi-taꞌata o te ꞌAtua, ꞌe he ahi pūai haka ūtuꞌa i te nuꞌu hārui i te ꞌAtua hai tuaꞌivi.

ꞌEvereo 12:29

ꞌIna ko rehu i a kōrua: te tātou ꞌAtua pa he ahi haka kore tahi i te meꞌe taꞌe tano.

ꞌEvereo 4:1

ꞌE hora nei, hora e ai nō ꞌā mo tātou te meꞌe hōrea mai e te ꞌAtua pē nei ē: he oꞌo ki te kona haka riva-riva e ia mo haka ora, e uꞌi ꞌo taꞌe ravaꞌa rō mo oꞌo e tahi o tātou.

ꞌEvereo 4:11

ꞌO ira, ki vaꞌai tahi tātou i a tātou mo oꞌo ki roto i tōꞌona haka ora, ꞌo taꞌe oꞌo rō e tahi o tātou, pa he nuꞌu taꞌe haꞌatura era ki te ꞌAtua.

ꞌEvereo 4:9

Pē ira a tātou e ꞌite nei e ai nō ꞌana te haka ora haka riva-riva e te ꞌAtua mo tōꞌona taŋata.

ꞌEvereo 9:28

Pē ira takoꞌa a Ietū Kiritō: e tahi mau nō vaꞌai iŋa i a ia mo mate pa he tūtia mo haka kore i te hara o te nuꞌu. ꞌE pe muꞌa ka oho ena he tuꞌu haka ꞌou mai a Ietū taꞌe ꞌō mo vaꞌai haka ꞌou i a ia pa he tūtia mo te hara o te taŋata, mo vaꞌai ki te nuꞌu tiaki ki a ia i te ora ꞌāpī ꞌina he hopeꞌa raꞌa.

1 Pētero 3:22

ꞌE hora nei, ꞌai te raŋi ꞌi te pāꞌiŋa mataꞌu o te ꞌAtua, kona mo te kope hopeꞌa o te hōnui, e noho ena ꞌe e haka tere ena i te merahi taꞌatoꞌa ꞌe i te ŋā vārua taꞌatoꞌa ena e ai rō ꞌana te rāua tōroꞌa ꞌe pūai.

2 Pētero 3:7

Te raŋi ꞌe te henua o te hora nei ko haka rē ꞌā e te ꞌAtua mo tutu hai ahi. ꞌI te mahana era o te ture hopeꞌa ꞌe o te haka ūtuꞌa i te nuꞌu aŋa i te meꞌe taꞌe tano ka tutu ena hai nei ahi.

Hura 1:7

ꞌE ki te nuꞌu o ⌊Tōroma⌋, o ⌊Kōmora⌋ ꞌe o te kona hāhine ki ira i haka ūtuꞌa ai ꞌi roto i te ahi ꞌina he hopeꞌa raꞌa ꞌo te vaꞌai i a rāua ki te taiꞌata, ꞌe ki te rauhuru meꞌe taꞌe tano pa he noho te taŋata ki te taŋata ꞌā, ꞌe te viꞌe ki te viꞌe ꞌā. Te nuꞌu nei koia ko rā ŋā merahi he noho rō ꞌai pa he meꞌe mo haka manaꞌu ki te taꞌatoꞌa, ꞌo aŋa i te meꞌe tuꞌu pē ira ꞌe ꞌo haka ūtuꞌa e te ꞌAtua.

Meꞌe Haka Takeꞌa 1:7

ꞌIna ko rehu: ¡ꞌI ruŋa i te raŋi tea-tea ka oho mai ena a Ietū! Taꞌatoꞌa nō ka takeꞌa ena, ꞌātā te nuꞌu ꞌo-ꞌoka era i a ia. Te taŋata taꞌatoꞌa o te ao taꞌe haka moe i te manaꞌu ꞌi ruŋa i a ia e ŋaroꞌa rō i te māui-ui ki roto i te ivi o ruŋa i a ia. He aŋi mau ꞌā, pē ira ka topa ena.

Meꞌe Haka Takeꞌa 14:10

e unu rō i te ꞌava taꞌe ꞌānoꞌi o te ꞌAtua, te auraꞌa, e haka ūtuꞌa rō e te ꞌAtua hai ūtuꞌa taparahi-taꞌata. ꞌE ꞌi muꞌa o te merahi ꞌe o te Māmoe e haka māui-ui rō e te ꞌAtua hai ahi ꞌe hai azufre.

Meꞌe Haka Takeꞌa 14:13

He ŋaroꞌa ia e au i te reꞌo e tahi mai te raŋi e kī ꞌā: «Ka pāpaꞌi te meꞌe nei: “Ko te koa i te nuꞌu mate, ꞌi te hora nei ꞌe pe muꞌa ka oho ena, ⌊haka moe i te manaꞌu⌋ ꞌi ruŋa i te tātou Pūꞌoko Haka Tere ko Ietū Kiritō”». «ꞌĒ-ē —i kī ai e te ⌊Vārua Maitai⌋— e haka ora rō rāua mai te rāua aŋa, ꞌe e vaꞌai rō hai meꞌe mo haka koa ꞌo te rāua meꞌe riva-riva aŋa».

Meꞌe Haka Takeꞌa 20:11

He takeꞌa e au i te pepe noho ꞌariki tea-tea e tahi ꞌe i te kope noho ꞌi ruŋa. ꞌI te nui-nui ꞌe ꞌi te ꞌana-ꞌana ōꞌona, he ŋaro te henua ꞌe te raŋi mai muꞌa i a ia, ꞌe ꞌina kai takeꞌa haka ꞌou mai.

Meꞌe Haka Takeꞌa 21:4

He haroꞌi tahi e ia i te rāua matavai. He kore ia te mate, te taŋi, te mamae, ꞌe e ko ꞌau-auē haka ꞌou, ꞌi te meꞌe era te haka tere iŋa o te ao raꞌe era ko kore tahi ꞌana».

Meꞌe Haka Takeꞌa 22:16

»A au, a Ietū, ko uŋa atu ꞌā i tāꞌaku merahi mo haka ꞌite i te meꞌe taꞌatoꞌa nei ki te ŋā nūnaꞌa taŋata haka moe ena i te manaꞌu ꞌi ruŋa i a au. He hakaara a au o ⌊Tāvita⌋, ꞌe he hetuꞌu pura-pura ꞌi te pōꞌā».

Meꞌe Haka Takeꞌa 22:6

He kī mai e te merahi: «Te meꞌe haka takeꞌa ꞌe haka ꞌite atu era he parautiꞌa ꞌe e ko taꞌe haka tano. O te Pūꞌoko Haka Tere mau ꞌā, he ꞌAtua, kope haka ꞌite ki te perofeta i te rāua meꞌe mo haka ꞌite, i uŋa i tāꞌana merahi mo haka takeꞌa ki tōꞌona tāvini i te meꞌe e ko roa ka topa rō ena».

Meꞌe Haka Takeꞌa 22:9

ꞌE he kī mai e rā merahi: «ꞌIna koe ko aŋa i te meꞌe ena; ki te ꞌAtua koe ana haꞌamuri. He tāvini nō, paꞌi, a au o te ꞌAtua pē koe ꞌana, ꞌe pa he ŋā taina ena ōꞌou he perofeta, ꞌe pa he nuꞌu taꞌatoꞌa haka roŋo i te meꞌe pāpaꞌi o ruŋa i te puka nei».

Meꞌe Haka Takeꞌa 6:11

He toꞌo mai ia he vaꞌai ki rā nuꞌu hai kahu tea-tea mo uru, ꞌe he kī mo haka ora mo oho nō ꞌātā ka tano tahi rō te rahi kī era e te ꞌAtua o te taina, taina ka mā-mate takoꞌa era pē rāua ꞌo te aŋa ki a ia.