2 Tētārōnika 1:12 - Rapa Nui

¹² E pure nei mātou pē ira mo kōrua ki haꞌahana-hana ai te taŋata i te tātou Pūꞌoko Haka Tere ko Ietū Kiritō hai kōrua, ꞌi te takeꞌa i te kōrua noho iŋa tano ꞌe i te kōrua meꞌe riva-riva aŋa, ꞌe ki koa ai a Ietū mo kōrua. Te meꞌe taꞌatoꞌa nei ka topa ena hai riva rahi mau nō o te tātou ꞌAtua ꞌe o te tātou Pūꞌoko Haka Tere ko Ietū Kiritō.

2 Tētārōnika 1:12 ပူးပေါင်းရင်းမြစ်များ

Iovani 17:10

Te nuꞌu taꞌatoꞌa ꞌāꞌau ꞌāꞌaku takoꞌa, ꞌe te nuꞌu ꞌāꞌaku ꞌāꞌau takoꞌa, ꞌe hai rāua e takeꞌa ena te pūai ꞌe te nui-nui ōꞌoku.

1 Kōrinto 1:4

He māuru-uru nō tāꞌaku aŋa ki te ꞌAtua mo kōrua ꞌi te riva rahi vaꞌai atu e ia hai Ietū Kiritō.

2 Kōrinto 13:4

Ka ai atu i tuꞌu rō a ia pa he kope ꞌina e tahi pūai hora veo era ꞌi ruŋa i te tātaurō, hora nei, hai pūai o te ꞌAtua Matuꞌa e ora ena. Pē ira ꞌana a mātou. E tuꞌu rō ꞌana pa he nuꞌu pūai kore, ꞌe, ꞌi te ai o mātou o te ꞌAtua, hai pūai ōꞌona mātou e ora nei mo tāvini atu ki a kōrua.

2 Kōrinto 8:9

Ko ꞌite ꞌana, paꞌi, kōrua: te tātou Pūꞌoko Haka Tere ko Ietū Kiritō, ka ai atu he ꞌono ꞌi te raŋi, ꞌi tōꞌona riva rahi, i haka veve nō i a ia mo te kōrua riva-riva, ki ꞌono ai kōrua ꞌi te meꞌe o te ꞌAtua hai rā haka veve iŋa era ōꞌona.

Fīripo 3:9

ꞌe he ai ōꞌoku ꞌāꞌana. Hai ia, paꞌi, a au e tano nei ki te mata o te ꞌAtua, taꞌe ꞌō hai haꞌatura ki te ⌊haka tere iŋa ꞌa Mōtē⌋. He haka moe ōꞌoku i te manaꞌu ꞌi ruŋa i a Ietū i kī ai e te ꞌAtua e tano rō ꞌana a au ki tōꞌona mata.

Tito 2:11

Te ꞌAtua ko haka takeꞌa ꞌana i tōꞌona riva rahi hai vaꞌai ki te taŋata taꞌatoꞌa o te ao i te rāveꞌa mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa.

1 Pētero 4:14

E koa kōrua mo vā-vā atu e te nuꞌu ꞌo te ai o kōrua ꞌa Ietū Kiritō; hai meꞌe nei e ꞌite ena: te ⌊Vārua Maitai⌋ pūai o te ꞌAtua nā ꞌi ruŋa i a kōrua ꞌi te hora taꞌatoꞌa.

Meꞌe Haka Takeꞌa 1:4

A au a Iovani he ꞌaroha atu ki te nūnaꞌa taŋata hoko hitu haka moe i te manaꞌu ꞌi ruŋa i a Ietū o te ŋā kona era o ꞌĀtia. Ka ai ꞌi ruŋa i a kōrua te riva rahi ꞌe te haumārū o te ꞌAtua o te hora nei, o muꞌa ꞌā ꞌe ka tuꞌu mai ena, o te vārua hoko hitu o muꞌa i tōꞌona pepe noho ꞌariki,