2 Tētārōnika 1:11 - Rapa Nui

¹¹ ꞌO ira, ꞌi roto i te mātou pure, e pure takoꞌa rō ꞌana a mātou mo kōrua paurō te mahana. E ani nei mātou ki te tātou ꞌAtua mo hāꞌūꞌū atu, ki ai ai te kōrua noho iŋa tano o te nuꞌu haꞌataꞌa e ia māꞌana, ꞌe ki ravaꞌa ai kōrua, hai pūai ōꞌona, mo aŋa i te meꞌe riva-riva taꞌatoꞌa manaꞌu e kōrua mo aŋa ꞌo te ai o kōrua he nuꞌu haka moe i te manaꞌu ꞌi ruŋa i a Ietū.

2 Tētārōnika 1:11 ပူးပေါင်းရင်းမြစ်များ

Marko 4:28

O te ꞌōꞌone, paꞌi, te aŋa he haka tupu, he haka nui-nui ꞌe he haka hua; te meꞌe raꞌe he tupu, te rua he eꞌa te kāhui ꞌe te toru, he puŋa.

Ruka 12:32

»E te māmoe ꞌāꞌaku ē, ꞌina ko riꞌa-riꞌa ꞌo te taꞌe rahi o kōrua. ꞌI te riva rahi o te Matuꞌa ko haꞌataꞌa ꞌana i a kōrua mo haka tere ꞌi muri i a ia ꞌi tōꞌona haka tere iŋa ꞌāpī.

Rōmano 1:9

A au e aŋa nei ki te ꞌAtua hai māhatu ꞌi te haka ꞌite iŋa ki te taŋata i te roŋo riva-riva o ruŋa o tāꞌana Poki. ꞌE he ꞌAtua te mataꞌite: e manaꞌu rō atu ꞌana a au ki a kōrua,

Rōmano 11:29

Te ꞌAtua ꞌina he hiko i tāꞌana meꞌe vaꞌai, ꞌe ꞌina he haka rehu i te nuꞌu haꞌataꞌa e ia māꞌana.

Rōmano 15:14

E te taina ōꞌoku ē, e ꞌite riva-riva rō ꞌana a au: te kōrua noho iŋa noho iŋa tano ki te mata o te ꞌAtua, ko ꞌite riva-riva ꞌana kōrua o ruŋa i te hāpī parautiꞌa ꞌāꞌana, ꞌe e tano rō ꞌana mo hāꞌūꞌū ꞌi roto i a kōrua ꞌā mo haka tika o ruŋa i te meꞌe haŋa o te ꞌAtua.

Rōmano 8:30

Ki te nuꞌu haꞌataꞌa e te ꞌAtua māꞌana i kī rō mo haka moe i te manaꞌu ꞌi ruŋa i a ia. ꞌE taꞌe nō ko te meꞌe ena, i haka tano rō i a rāua ki tōꞌona mata ꞌe i hōrea rō pē nei ē: pe muꞌa ka oho ena a rāua ꞌi roto i tōꞌona nui-nui, te auraꞌa, i a rāua takoꞌa te huru riva ōꞌona.

1 Kōrinto 1:8

Mo te ꞌAtua e haka pūai i te kōrua haka moe iŋa i te manaꞌu ꞌi ruŋa i a Ietū ꞌātā ki te hopeꞌa, ꞌo ai te hape mo tuhi iŋa atu ꞌi te hora o tōꞌona hoki iŋa mai.

Ēfeto 1:16

tāꞌaku aŋa he māuru-uru nō ki a ia mo kōrua ꞌi roto i tāꞌaku pure.

Ēfeto 1:5

i manaꞌu ai mo haka riro i a tātou he ŋā poki ꞌāꞌana hai meꞌe aŋa e Ietū Kiritō. Te meꞌe nei i aŋa ai e te ꞌAtua he riva rahi ōꞌona ꞌe ꞌi te ai ko haŋa ꞌana e ia.

Ēfeto 1:9

Ko haka ꞌite mai ꞌana, paꞌi, i tāꞌana meꞌe manaꞌu era mo aŋa taꞌe haka ꞌite era e ia ꞌi muꞌa ꞌā. ꞌE, ꞌi tōꞌona riva rahi, i manaꞌu ai mo aŋa i te meꞌe nei hai Ietū Kiritō

Fīripo 1:6

O te ꞌAtua, paꞌi, i haꞌamata i aŋa i te meꞌe riva-riva ꞌi roto i a kōrua ꞌi te hora haka moe o kōrua i te manaꞌu ꞌi ruŋa i a Ietū. ꞌE, ko ꞌite riva-riva ꞌana e au he aŋa he oho rō ꞌai i nei aŋa ꞌātā ka oti rō ꞌi te mahana o te hoki iŋa mai o Ietū Kiritō.

Fīripo 2:13

O te ꞌAtua, paꞌi, te haka poreko ꞌi roto i a kōrua i te haŋa mo haꞌatura ki a ia ꞌe te vaꞌai atu i te pūai mo aŋa o kōrua i te meꞌe mo koa ōꞌona.

Fīripo 3:14

mo tuꞌu ki te roa hopeꞌa ꞌe mo ravaꞌa e au i te meꞌe mo vaꞌai mai e te ꞌAtua ꞌi te raŋi ꞌo te ai ōꞌoku ꞌa Ietū Kiritō, pa he kope ꞌāꞌati e tahuti ena mo ravaꞌa i te meꞌe mo haka koa i a ia ka tuꞌu ena ki te roa hopeꞌa.

1 Tētārōnika 1:3

E māuru-uru nei ꞌi te meꞌe era he manaꞌu nō te mātou aŋa pē hē kōrua e aŋa ena ki te ꞌAtua, ꞌo te ⌊haka moe i te manaꞌu⌋ ꞌi ruŋa i a Ietū, pē hē e hāꞌūꞌū ena ki te rua, ꞌo te rahi o te kōrua haŋa mo rāua, ꞌe pē hē e haꞌaoromaꞌi ena hai pūai ꞌi te hora o te ꞌati, ꞌo te ai e tiaki e oho rō ꞌā kōrua ki te hoki iŋa mai o te tātou Pūꞌoko Haka Tere ko Ietū Kiritō.

2 Tētārōnika 1:5

Hai haꞌaoromaꞌi iŋa o kōrua i te meꞌe taꞌatoꞌa ena, e ꞌite nei a mātou: a kōrua ko haka moe mau ꞌana i te manaꞌu ꞌi ruŋa i a Ietū ꞌe he nuꞌu mau ꞌā ꞌāꞌana. ꞌE, ꞌi te ꞌite o tātou pē nei ē: te ꞌAtua, he ꞌAtua aŋa i te meꞌe tī-tika, e ꞌite takoꞌa nei: pe muꞌa ka oho ena, e aŋa takoꞌa rō te ꞌAtua i te ŋā meꞌe nei: e kī rō he nuꞌu tano kōrua mo noho, ꞌina he hopeꞌa raꞌa, ꞌi tōꞌona kona haka tere, ꞌo te haka moe i te manaꞌu ꞌi ruŋa i a Ietū,

2 Tētārōnika 2:14

Hai hāpī haka ꞌite atu era e mātou, te ꞌAtua i aŋa ai mo haka moe mo oho nō kōrua i te manaꞌu ꞌi ruŋa i a Ietū, ki oꞌo ai kōrua ki roto i te nui-nui ōꞌona, te auraꞌa, ki ai takoꞌa ai i a kōrua tōꞌona huru riva.

ꞌEvereo 12:2

Te tātou mata a ruŋa i a Ietū ana uꞌi ꞌo te ai mai i a ia te haka moe iŋa nei o tātou i te manaꞌu ꞌi ruŋa i te ꞌAtua ꞌe ꞌāꞌana te haka tī-tika. A ia, paꞌi, i haꞌaoromaꞌi rō i tōꞌona mate ꞌi ruŋa i te tātaurō, ꞌe ꞌina kai tapa atu i te haꞌamā o te mate iŋa tuꞌu pē ira ꞌo te ꞌite ki oti te ꞌati he koa a ia. ꞌE hora nei, ko noho ꞌā ꞌi te pāꞌiŋa mataꞌu o te ꞌAtua.

ꞌEvereo 3:1

ꞌO ira, e te taina ē, a kōrua, te nuꞌu haꞌataꞌa ꞌe haŋa e te ꞌAtua mo tuꞌu ki muri i a ia ꞌi te raŋi, e manaꞌu riva-riva o ruŋa i a Ietū, he kope ꞌi ruŋa i a ia a tātou e haka moe ena i te manaꞌu. A ia he kope uŋa mai e te ꞌAtua mo ⌊oromatuꞌa hopeꞌa o te ra-rahi⌋ o tātou.

1 Pētero 5:10

ꞌE ki oti i te haꞌaoromaꞌi tahi i te ꞌati topa atu ꞌi ruŋa i a kōrua, he meꞌe e ko roa rahi, he haka riro e te ꞌAtua i a kōrua he nuꞌu ꞌina e tahi hape, e hio-hio rō ꞌana te manaꞌu ꞌi ruŋa i a ia, nuꞌu pūai mo haꞌaoromaꞌi, ꞌe nuꞌu noho, ki te hora hopeꞌa, ꞌi te ara o te ꞌAtua. A ia, paꞌi, he ꞌAtua kī mai, ꞌi tōꞌona riva rahi, mo noho o tātou ꞌi muri i a ia ꞌina he hopeꞌa raꞌa ꞌi roto i tōꞌona nui-nui ꞌana-ꞌana hai haka moe o tātou i te manaꞌu ꞌi ruŋa i a Ietū Kiritō,

Meꞌe Haka Takeꞌa 3:4

’Ka ai atu pē ira, nai nā e ai rō ꞌana te tētahi nuꞌu kai ꞌōꞌone te rāua kahu, te auraꞌa, ꞌina a rāua kai aŋa i te meꞌe taꞌe tano. Te nuꞌu ena ꞌi muri i a au ka haꞌere ena e uru rō ꞌana i te kahu tea-tea, he meꞌe tano mo rāua.

Meꞌe Haka Takeꞌa 5:10

ꞌe i haka riro ai he nūnaꞌa taŋata haka tere e ia, ꞌe he ⌊oromatuꞌa⌋ māꞌana; mo rāua te ao nei e haka tere».