2 Pētero 3:14 - Rapa Nui

¹⁴ ꞌO ira, e te taina ē, e tiaki ꞌana kōrua ki nā meꞌe, e uꞌi te kōrua noho iŋa, ꞌo ai te hape mo tuhi iŋa atu, ꞌe e ai te haumārū ꞌi roto i a kōrua, ki koa ai te tātou Pūꞌoko Haka Tere ko Ietū Kiritō ꞌi te hora o tōꞌona hoki iŋa mai.

2 Pētero 3:14 ပူးပေါင်းရင်းမြစ်များ

Māteo 24:26

ꞌO ira, mo kī atu ki a kōrua: “Ka uꞌi, ꞌai rā ꞌi te kona ꞌone taꞌe noho taŋata te Kiritō”, ꞌina kōrua ko oho; ꞌe mo kī atu: “Ka uꞌi mai, ꞌi nei e piko atu ena”, e uꞌi ꞌo haka roŋo rō.

Māteo 25:7

»He eꞌa tū ŋā uka taꞌatoꞌa era he haka riva-riva i te rāua hakariꞌi.

Ruka 12:43

¡Ko te koa i rā tāvini ka tuꞌu era te taŋata ꞌāꞌana te haka aŋa, e aŋa ꞌana i te meꞌe taꞌatoꞌa kī mo aŋa!

Ruka 2:29

«Te meꞌe hōrea mai era e koe, e te ꞌAtua ē, ko tano tahi ꞌā. Hora nei ko tano ꞌā tuꞌu tāvini nei mo mate.

1 Kōrinto 1:8

Mo te ꞌAtua e haka pūai i te kōrua haka moe iŋa i te manaꞌu ꞌi ruŋa i a Ietū ꞌātā ki te hopeꞌa, ꞌo ai te hape mo tuhi iŋa atu ꞌi te hora o tōꞌona hoki iŋa mai.

1 Kōrinto 15:58

Te meꞌe haŋa ia, e te taina haŋa rahi ōꞌoku ē: he haka hio-hio he oho te kōrua manaꞌu ꞌi ruŋa i a Ietū, ꞌo haka tapa kōrua mai te hāpī parautiꞌa o te ꞌAtua. ꞌE, ka aŋa ka oho nō i te aŋa haŋa o te ꞌAtua mo aŋa e kōrua. E ꞌite rō ꞌana, paꞌi, e kōrua: te aŋa ki a ia e ko taꞌe hauhaꞌa.

Fīripo 1:10

ki aŋa ki oho ai kōrua i te meꞌe riva-riva mau nō. Pē ira he tano te kōrua noho iŋa ki te mata o te ꞌAtua, ꞌe he oho mau rō ꞌai kōrua pē ira ꞌina e tahi hape ꞌātā ki te hoki iŋa mai o Ietū.

Fīripo 2:15

ꞌo ai te kōrua hape ꞌe te kōrua meꞌe taꞌe tano mo tuhi atu e te taŋata. ꞌI roto i te nuꞌu haꞌavare ꞌe taparahi-taꞌata o te ao nei e riro kōrua he ŋā poki o te ꞌAtua ꞌina e tahi hape. E māꞌeha kōrua ꞌi roto i a rāua pa he hetuꞌu pura ꞌi roto i te pōhāhā

Fīripo 3:20

ꞌE a tātou, te nuꞌu haka moe i te manaꞌu ꞌi ruŋa i a Ietū, o te raŋi; ꞌe e tiaki ꞌana ki te topa iŋa mai o Ietū Kiritō, Pūꞌoko Haka Tere o tātou, he kope haka eꞌa i te taŋata mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa,

1 Tētārōnika 3:13

ꞌe, takoꞌa, mo hāꞌūꞌū i a kōrua mo ꞌata haka hio-hio i te manaꞌu ꞌi ruŋa i a ia, ꞌo ai tāꞌue e tahi meꞌe mo tuhi iŋa atu e te ꞌAtua ꞌi te hora ka tuꞌu ena ki muꞌa i a ia ꞌi te mahana o te hoki iŋa mai o te tātou Pūꞌoko Haka Tere ko Ietū koia ko te nuꞌu taꞌatoꞌa haꞌataꞌa māꞌana. ⌊ꞌĀmene⌋.

1 Tētārōnika 5:23

Mo te ꞌAtua, kope vaꞌai mai i te haumārū, e haka maꞌitaki i te kōrua huru ꞌe i te kōrua noho iŋa ki te roa ꞌina e tahi hara mo tuhi atu. ꞌE māꞌana takoꞌa e hāpaꞌo i a kōrua ꞌina e tahi hape, mai te hakari ki te vārua, ꞌātā ki te hoki iŋa mai o te tātou Pūꞌoko Haka Tere ko Ietū Kiritō.

1 Timoteo 6:14

e aŋa tahi koe i tāꞌaku meꞌe kī atu ena, ꞌe e noho e oho koe ꞌina e tahi hape ꞌātā ki te hoki iŋa mai o te tātou Pūꞌoko Haka Tere ko Ietū Kiritō

ꞌEvereo 9:28

Pē ira takoꞌa a Ietū Kiritō: e tahi mau nō vaꞌai iŋa i a ia mo mate pa he tūtia mo haka kore i te hara o te nuꞌu. ꞌE pe muꞌa ka oho ena he tuꞌu haka ꞌou mai a Ietū taꞌe ꞌō mo vaꞌai haka ꞌou i a ia pa he tūtia mo te hara o te taŋata, mo vaꞌai ki te nuꞌu tiaki ki a ia i te ora ꞌāpī ꞌina he hopeꞌa raꞌa.

Tanatiako 1:27

Te haꞌamuri iŋa parautiꞌa ꞌe tano ki te mata o te ꞌAtua Matuꞌa ko te meꞌe ena: he hāꞌūꞌū ki te ŋā poki matuꞌa kore ꞌe ki te ŋā viꞌe hove ai o te rāua ꞌati, ꞌe, takoꞌa, he taꞌe hara hai meꞌe o te ao nei.

1 Pētero 1:7

Te ꞌAtua, paꞌi, e haꞌatiꞌa rō ꞌā mo topa mai o te ꞌati mo ꞌite hoki te haka moe iŋa nei o tātou i te manaꞌu ꞌi ruŋa i a Ietū e hio-hio rō ꞌā ꞌo ꞌina, pa he piru e tunu ena ꞌi roto i te ahi. ꞌE mo te ꞌAtua te haka moe iŋa o tātou i te manaꞌu ꞌi ruŋa i a Ietū i hau rō atu i te hauhaꞌa ki te piru, he meꞌe e ŋaro nō. Mo hio-hio mo oho nō o te tātou manaꞌu ꞌi ruŋa i a Ietū ka ai atu e rahi rō ꞌā te ꞌati topa mai, ꞌi te hora o te hoki iŋa mai o Ietū Kiritō, he koa te ꞌAtua ꞌe he haka paka he haka nui-nui i a tātou.

2 Pētero 3:1

E te taina, he rua parau nei ꞌāꞌaku e pāpaꞌi atu ena. ꞌE hai ŋā parau nei i haŋa ai a au mo haka tī-tika atu i te kōrua manaꞌu.

2 Pētero 3:16

ꞌI ruŋa i tāꞌana parau pāpaꞌi taꞌatoꞌa i pāpaꞌi ai o ruŋa i te meꞌe nei ꞌe, takoꞌa, o ruŋa i te meꞌe aŋa riꞌa-riꞌa mo aŋi-aŋi, meꞌe e huri rō ꞌana tōꞌona haꞌaauraꞌa e te nuꞌu taꞌe ꞌite ꞌe taꞌe hio-hio o te rāua manaꞌu ꞌi ruŋa i te ꞌAtua, pa he huri iŋa ena e rāua i te tētahi meꞌe o ruŋa i te ⌊Pāpaꞌi Moꞌa⌋. ꞌE e haka ūtuꞌa rō e te ꞌAtua i te nuꞌu nei ꞌo te aŋa i te meꞌe tuꞌu pē ira.

1 Iovani 3:3

ꞌE taꞌatoꞌa nuꞌu tiaki ki te hoki iŋa mai o Ietū Kiritō, e haka tapa rō ꞌana mai roto i te hara, mo riro o rāua pē Ietū Kiritō, he taŋata hara kore.