2 Pētero 2:13 - Rapa Nui

¹³ koia ko ꞌamo i te ꞌati, he ꞌauhau o te meꞌe taꞌe tano i aŋa ki te tētahi. E koa rō ꞌana i te vaꞌai i a rāua ki te noho iŋa taꞌe tano ꞌātā ꞌi te ꞌōtea, ꞌe ꞌina he haꞌamā haka ꞌou. A rāua, ꞌi te hora hokorua atu ꞌi te kōrua ŋoŋoro, he ꞌati ꞌe he haꞌamā e tahi ꞌi te meꞌe taꞌe tano ꞌe reo-reo aŋa oho e rāua mo reka.

2 Pētero 2:13 ပူးပေါင်းရင်းမြစ်များ

Rōmano 13:13

E noho tātou pa he nuꞌu haꞌere ꞌi roto i te māꞌeha. E haka rē te meꞌe taꞌe tano aŋa ꞌi te pō pa he ŋoŋoro taꞌe hāito i te meꞌe aŋa, pa he taꞌero ꞌava, pa he taiꞌata ꞌe he tētahi haka ꞌou atu meꞌe tuꞌu pē ira, pa he tātake ꞌe pa he pohe ki te meꞌe o te rua.

Ēfeto 5:27

mo riro tahi o tātou pa he viꞌe hāipo-ipo nehe-nehe māꞌana, ꞌina e tahi meꞌe taꞌe tano ꞌe ꞌina e tahi hape ꞌi te hora ka toꞌo ena i a tātou mo noho ꞌi muri i a ia.

Fīripo 3:19

Te meꞌe hopeꞌa ka topa era ki te nuꞌu era he ūtuꞌa o te ꞌAtua. He meꞌe pohe nō o te hakari te rāua ꞌatua. Te meꞌe haꞌamā he meꞌe teꞌo-teꞌo e tahi o rāua, ꞌe te rāua manaꞌu ꞌi ruŋa i te meꞌe o te ao mau nō nei.

2 Timoteo 4:14

A Arehantaro, taŋata aŋa ꞌaurī era, ko aŋa mai ꞌana i te meꞌe taꞌe tano ki a au; mo te ꞌAtua e haka ūtuꞌa i a ia.

Tanatiako 5:5

E noho ena kōrua ꞌi te ao nei ꞌi roto i te hauhaꞌa ꞌe ꞌi roto i te reka. E haka porio ꞌā pa he puaꞌa, ¡ꞌe nā e tuꞌu rō te mahana he tiŋaꞌi!

1 Pētero 4:4

ꞌE, hora nei, ꞌi te haka tapa o kōrua mai muri i rā nuꞌu ꞌi te rāua noho iŋa taꞌe tano, he māere ꞌe he vānaŋa taꞌe tano mo kōrua.

2 Pētero 2:15

Ko oho ꞌana, paꞌi, a te ara kē mai te ara tī-tika o te ꞌAtua. Te meꞌe aŋa oho he meꞌe aŋa e te perofeta era ko ⌊Vārama⌋, poki ꞌa Vōtoro, ꞌi te hora haŋa mo aŋa i te meꞌe taꞌe tano mo ravaꞌa moni.

Meꞌe Haka Takeꞌa 18:6

He ŋaroꞌa haka ꞌou ia e au i tū reꞌo era e kī ꞌā: «Ka haka hoki ki a ia, e rua haka hoki iŋa, te meꞌe taꞌe tano aŋa era e ia ki te rua. Ka ꞌānoꞌi ka haka pūai te ꞌava mo haka unu ki a ia ki te ꞌava haka unu era e ia ki te rua.