2 Pētero 1:20 - Rapa Nui

²⁰ ꞌE hora nei, te meꞌe hopeꞌa o te nui-nui mo aŋi-aŋi e kōrua: ꞌina e tahi meꞌe pāpaꞌi e te perofeta ꞌi ruŋa i te ⌊Pāpaꞌi Moꞌa⌋ mo haꞌaauraꞌa hai manaꞌu o kōrua ꞌā.

2 Pētero 1:20 ပူးပေါင်းရင်းမြစ်များ

Rōmano 12:6

Te ꞌAtua, paꞌi, ꞌi tōꞌona riva rahi, ko vaꞌai mai ꞌana ki a tātou taꞌatoꞌa huru kē huru kē te meꞌe mo aŋa i tāꞌana aŋa. Mo ai o rā meꞌe vaꞌai mai era he vānaŋa i te meꞌe haka ꞌite mai e te ꞌAtua, e haka ꞌite hai pūai o te tātou haka moe iŋa i te manaꞌu ꞌi ruŋa i a ia.

Rōmano 13:11

E ꞌite rō ꞌana a kōrua pē hē te noho iŋa o te hora nei. ꞌO ira, e aŋa e oho nō kōrua i te meꞌe tano ki te mata o te ꞌAtua. E veveri kōrua. Hora nei ꞌata hāhine te mahana mo tuꞌu mai o Ietū mo haka eꞌa i a tātou mai te ꞌati o te ao nei ki te mahana haka moe o tātou i te manaꞌu ꞌi ruŋa i a ia.

Rōmano 6:6

Ko ꞌite ꞌana a tātou: te huru era o tātou o muꞌa ꞌana ko mate ꞌā hora mate era o Ietū ꞌi ruŋa i te tātaurō. Pē ira i kore ai te pūai o te hara mai ruŋa i a tātou, ꞌo haka tere haka ꞌou i a tātou e te hara.

1 Timoteo 1:9

ꞌE ko ꞌite takoꞌa ꞌā e tātou ꞌina kai pāpaꞌi e tahi roŋo mo te nuꞌu aŋa i te meꞌe riva-riva. Te roŋo i pāpaꞌi ai mo te nuꞌu haka ꞌāriŋa, mo te nuꞌu taꞌe haka roŋo, mo te nuꞌu taparahi-taꞌata, mo te nuꞌu hara, mo te nuꞌu taꞌe ꞌite i te moꞌa i te ꞌAtua ꞌe i tāꞌana hāpī parautiꞌa, mo te nuꞌu tiŋaꞌi haka mate i tōꞌona matuꞌa tane ꞌe matuꞌa vahine, mo te nuꞌu taꞌatoꞌa tiŋaꞌi haka mate i te taŋata,

2 Timoteo 3:16

Te meꞌe taꞌatoꞌa kī ꞌi ruŋa i te Pāpaꞌi Moꞌa he meꞌe haka ꞌite mai e te ꞌAtua. Tōꞌona hauhaꞌa: he hāpī mai, he ture mai, he haka tī-tika mai i te manaꞌu ꞌe he hāpī mai i te noho iŋa tano ki te mata o te ꞌAtua,

Tanatiako 1:3

Ko ꞌite ꞌana, paꞌi, kōrua: ꞌi te hora haꞌatiꞌa e te ꞌAtua mo topa atu o te ꞌati, e haka ꞌatu ꞌana i te kōrua haka moe iŋa i te manaꞌu ꞌi ruŋa i a ia. ꞌE mo hio-hio mo oho nō o te kōrua manaꞌu ꞌi rā hora, he ꞌite kōrua mo haꞌaoromaꞌi i te ꞌati hai pūai.

2 Pētero 3:3

Te meꞌe raꞌe mo taꞌe rehu i a kōrua ko te meꞌe nei: ꞌi te ŋā mahana hopeꞌa era e ai rō te nuꞌu, te rāua noho iŋa hai meꞌe pohe nō e te hakari, ꞌe pa he haka meꞌe-meꞌe