2 Pētero 1:19 - Rapa Nui

¹⁹ Pē ira a mātou e ꞌite nei: te meꞌe taꞌatoꞌa kī era e te perofeta o muꞌa ꞌā o ruŋa i a Ietū he parautiꞌa mau ꞌā, ꞌe te meꞌe tano o kōrua mo aŋa he haka roŋo takoꞌa ki rā ŋā meꞌe kī era e rāua ꞌo te ai rā ŋā meꞌe pa he hakariꞌi pura ꞌi te kona pōhāhā, ꞌātā ki te ꞌōtea ꞌe ki te eꞌa iŋa o te hetuꞌu popohaŋa mo haka māꞌeha i te kōrua māhatu, te auraꞌa, ꞌātā ki te hoki iŋa mai o Ietū Kiritō, hora ka haka aŋi-aŋi mai ena i te meꞌe taꞌatoꞌa.

2 Pētero 1:19 ပူးပေါင်းရင်းမြစ်များ

Māteo 4:16

te taŋata noho ꞌi roto i te pōhāhā o te hara ko takeꞌa ꞌana i te mōrī nui-nui. Ko haka māꞌeha ꞌana i te nuꞌu noho ꞌi roto i te pōhāhā o te mate, he taꞌe ꞌite ko ai te ꞌAtua».

Iovani 5:35

»Te meꞌe hāpī e Iovani pa he hakariꞌi haka māꞌeha i te kōrua manaꞌu, ꞌe i koa rō kōrua ꞌi rā hāpī ꞌi te ŋā mahana haka ꞌite atu era.

Iovani 5:39

He rara nō te aŋa o kōrua o ruŋa i te meꞌe hāꞌaki ꞌi ruŋa i te ⌊Pāpaꞌi Moꞌa⌋ he manaꞌu e kōrua pē ira ana ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE, ka ai atu ꞌai ruŋa e vānaŋa rō ꞌana o ruŋa i a au,

Iovani 8:12

Ko roa atu ꞌā te hora he vānaŋa haka ꞌou a Ietū ki te taŋata, he kī pē nei ē: —A au he mōrī haka māꞌeha i te manaꞌu o te taŋata o te ao; te kope oho mai ki a au e ko oho a roto i te pōhāhā. He ai i a ia te mōrī vaꞌai i te ora ꞌāpī ꞌina he hopeꞌa raꞌa.

Aŋa o te ꞌĀpōtoro 15:29

ꞌina ko kai i te kiko o te ꞌanimare tūtia ki te ꞌītoro, ꞌina ko kai i te toto ꞌe i te kiko o te ꞌanimare kai haka hiho i te toto, ꞌe ꞌina ko piri tane mo taꞌe ai he kenu he viꞌe. Mo moꞌa i te ŋā roŋo nei, e aŋa ꞌana kōrua i te meꞌe tī-tika. ꞌIorana kōrua».

Aŋa o te ꞌĀpōtoro 17:11

Te hūrio o te kona nei ꞌata hau te riva-riva o te manaꞌu ki te nuꞌu hūrio o Tētārōnika. A rāua, paꞌi, e haka roŋo rō ꞌā hai māhatu i te vānaŋa o te ꞌAtua, ꞌe e taiꞌo rō ꞌā paurō te mahana i te Pāpaꞌi Moꞌa mo uꞌi hoki he parautiꞌa te meꞌe kī e kuā Pauro.

ꞌEvereo 2:2

ꞌIna ko rehu: te nuꞌu hara ꞌe taꞌe haꞌatura ki te ⌊haka tere iŋa ꞌa Mōtē⌋ haka ꞌite mai era e te ꞌAtua hai merahi era ꞌāꞌana ꞌi muꞌa ꞌā, e haka ūtuꞌa era hai ūtuꞌa tano mo rāua.

Tanatiako 2:8

Mo haka tano tahi o kōrua ki te roŋo hopeꞌa o te nui-nui hāꞌaki ꞌi ruŋa i te ⌊Pāpaꞌi Moꞌa⌋ pē nei ē: «E haŋa koe ki te rua taŋata pa he haŋa iŋa ena ꞌā ōꞌou ki a koe», e aŋa ꞌana kōrua i te meꞌe riva-riva.

1 Pētero 1:10

Te perofeta o muꞌa ꞌā i haka ꞌite rō ki te taŋata i te roŋo haka vānaŋa e te ꞌAtua o ruŋa i te haka eꞌa iŋa i te taŋata mai roto i te ūtuꞌa o te hara hai riva rahi ōꞌona ꞌe, ꞌi te taꞌe aŋi-aŋi e te perofeta i nei roŋo, he rara he oho o ruŋa.

1 Iovani 5:10

Te kope haka moe i tōꞌona manaꞌu ꞌi ruŋa i te Poki o te ꞌAtua e ꞌite mau rō ꞌana ꞌi roto i tōꞌona māhatu a Ietū he Poki o te ꞌAtua. ꞌE te kope taꞌe haka moe i tōꞌona manaꞌu ꞌi ruŋa i te meꞌe kī e te ꞌAtua e kī ꞌana i te reo-reo o te ꞌAtua, he taꞌe haka roŋo i te vānaŋa o te ꞌAtua o ruŋa o tāꞌana Poki.

3 Iovani 1:6

Tētahi o rāua, e tuꞌu mai era ki nei, he vānaŋa ꞌi muꞌa i te nūnaꞌa taŋata haka moe i te manaꞌu ꞌi ruŋa i a Ietū ꞌi te rahi o tuꞌu haŋa ki a rāua. Ana vari haka ꞌou atu, e ꞌata hāꞌūꞌū nō koe hai māhatu hai meꞌe mo te rāua ara, pa he meꞌe haŋa e te ꞌAtua.

Meꞌe Haka Takeꞌa 22:16

»A au, a Ietū, ko uŋa atu ꞌā i tāꞌaku merahi mo haka ꞌite i te meꞌe taꞌatoꞌa nei ki te ŋā nūnaꞌa taŋata haka moe ena i te manaꞌu ꞌi ruŋa i a au. He hakaara a au o ⌊Tāvita⌋, ꞌe he hetuꞌu pura-pura ꞌi te pōꞌā».