2 Pētero 1:16 - Rapa Nui

¹⁶ Te hāpī haka ꞌite atu era e mātou o ruŋa i te pūai nui-nui o te tātou Pūꞌoko Haka Tere ko Ietū Kiritō ꞌe o ruŋa i tōꞌona hoki iŋa mai, taꞌe he ꞌaꞌamu e tahi. Hai mata mau nei ꞌā o mātou i takeꞌa ai i tōꞌona pūai nui-nui.

2 Pētero 1:16 ပူးပေါင်းရင်းမြစ်များ

Māteo 16:27

Te Poki o te taŋata, paꞌi, e oho rō mai e ꞌana-ꞌana rō ꞌana ꞌi te pūai o tōꞌona Matuꞌa, ꞌi muri i a ia tāꞌana merahi, ꞌe e ꞌauhau rō i te taŋata, e tahi e tahi, e haka tano ki te rāua meꞌe aŋa.

Māteo 16:28

ꞌE ꞌī a au he kī atu: tētahi nuꞌu o te kona nei e ko mate hia ka takeꞌa rō ena te oho iŋa mai o te Poki o te taŋata ꞌi ruŋa i a ia te parau mo haka tere».

Māteo 17:1

E ono mahana haka ꞌou pe muꞌa, he toꞌo e Ietū i a Pētero, i a ⌊Tanatiako⌋ ꞌe i a ⌊Iovani⌋, taina o Tanatiako, he iri ko rāua mau nō ki ruŋa i te maꞌuŋa ruŋa nui e tahi.

Māteo 24:27

Pa he ꞌana-ꞌana o te ꞌuira e takeꞌa ena mai te pāꞌiŋa eꞌa o te raꞌā ki te pāꞌiŋa topa, pē ira ka takeꞌa ena e te nuꞌu te hoki iŋa mai o te ⌊Poki o te taŋata⌋.

Māteo 24:3

He iri ia a kuā Ietū ki ruŋa i te Maꞌuŋa o te ꞌŌrivo. I tuꞌu era he noho a Ietū, ꞌe he haka hāhine tāꞌana nuꞌu hāpī, he ꞌui koroꞌiti mo rāua ꞌā: —E haŋa rō ꞌana a mātou mo kī mai ōꞌou a hē ka topa tū meꞌe era. ¿He aha te taipe ka topa ena mo ꞌite ko hāhine ꞌā tuꞌu hoki iŋa mai ꞌe te paꞌo iŋa o te ao?

Māteo 28:18

He haka hāhine a Ietū ki muri i rā nuꞌu ꞌe he kī: «Ko vaꞌai tahi mai ꞌana te ꞌAtua i te parau mo haka tere i te meꞌe o te raŋi ꞌe o te ao nei.

Marko 13:26

»ꞌI rā hora ka takeꞌa ena i te Poki o te taŋata ka topa mai ꞌi ruŋa i te raŋi e tahi ꞌi ruŋa i a ia te pūai ꞌe te ꞌana-ꞌana o te ꞌAtua.

Marko 14:62

He pāhono e Ietū: —ꞌĒ-ē, ko au. ꞌE a kōrua e takeꞌa rō i te Poki o te taŋata e noho rō ꞌana ꞌi te pāꞌiŋa mataꞌu o te ꞌAtua ꞌe i tōꞌona topa iŋa mai ꞌi ruŋa i te raŋi e tahi.

Ruka 1:2

meꞌe haka ꞌite mai e te nuꞌu he mataꞌite mai te haꞌamata iŋa o rā ŋā meꞌe. Ki a rāua i vaꞌai ai mo maꞌu i te aŋa nei he haka ꞌite i te ⌊roŋo riva-riva o te ꞌAtua⌋.

Ruka 9:43

ꞌE he māere tahi te nuꞌu ꞌi te nui-nui o te pūai o te ꞌAtua. E māere nō ꞌana te nuꞌu ꞌi te meꞌe taꞌatoꞌa aŋa e Ietū, he kī e Ietū ki tāꞌana nuꞌu hāpī:

Iovani 1:14

Tū Vānaŋa era i riro rō he taŋata ꞌe i noho rō ꞌi muri i a tātou. Ko takeꞌa ꞌana e tātou tōꞌona pūai, pūai vaꞌai e te ꞌAtua Matuꞌa ki tāꞌana Poki era e tahi mau nō. Te haŋa o te ꞌAtua mo tātou ꞌe te parautiꞌa o ruŋa ōꞌona i haka takeꞌa mai ai ꞌi ruŋa i a ia.

Iovani 17:2

»Ko vaꞌai ꞌana a koe ki taꞌa Poki i te parau mo haka tere i te taŋata taꞌatoꞌa o te ao ꞌe mo vaꞌai i te ora ꞌāpī ꞌina he hopeꞌa raꞌa ki te nuꞌu haꞌataꞌa e koe māꞌana.

1 Kōrinto 1:17

Te Kiritō ꞌina kai uŋa mai i a au mo papatito i te taŋata; mo haka ꞌite i te parau ꞌāpī riva-riva o ruŋa i a ia i uŋa mai ai, ꞌe taꞌe ꞌō hai vānaŋa nehe-nehe mo haka takeꞌa i tōꞌoku mārama-rama, pa he meꞌe aŋa e te taŋata o te ao, ꞌo taꞌe hauhaꞌa te mate o Ietū ꞌi ruŋa i te tātaurō.

1 Kōrinto 1:23

ꞌE a mātou ꞌina he aŋa i te ŋā meꞌe era. Te mātou meꞌe aŋa he haka ꞌite he oho o ruŋa i te Kiritō veo era ꞌi ruŋa i te tātaurō. Te meꞌe nei he parauꞌino e tahi mo te hūrio, ꞌe mo te kirieko he meꞌe maꞌa-maꞌa nō atu e tahi.

1 Kōrinto 1:7

ꞌO ira, e tiaki nō ena kōrua ki te mahana o te hoki iŋa haka ꞌou mai o te tātou Pūꞌoko Haka Tere ko Ietū Kiritō, e ko hape mai i a kōrua e tahi meꞌe o te meꞌe taꞌatoꞌa vaꞌai e te ꞌAtua ki tāꞌana nuꞌu mo aŋa i tāꞌana aŋa.

1 Kōrinto 2:1

E te taina, hora oho vānaŋa atu era ōꞌoku o ruŋa i te meꞌe manaꞌu e te ꞌAtua mo aŋa taꞌe haka ꞌite mai era e ia ꞌi muꞌa ꞌā, taꞌe hai vānaŋa nehe-nehe mo haka takeꞌa atu ꞌō i tōꞌoku mārama-rama a au i haka ꞌite atu ai.

1 Kōrinto 2:4

E vānaŋa atu era a au o ruŋa i te roŋo o te ꞌAtua, taꞌe hai vānaŋa mārama-rama e haka ꞌite atu era; o te ⌊Vārua Maitai⌋ te haka ꞌite atu he parautiꞌa rā vānaŋa era ꞌāꞌaku,

1 Kōrinto 5:4

Hora ena o kōrua ka taka-taka tahi ena mo haka eꞌa i a ia, a au takoꞌa ꞌi muri i a kōrua, ꞌe pē ira takoꞌa ꞌana te pūai o Ietū Kiritō Pūꞌoko Haka Tere o tātou. ꞌI rā hora, hai ꞌīŋoa ōꞌona,

2 Kōrinto 2:17

ꞌIna a mātou he haka ꞌite i te ⌊roŋo riva-riva o te ꞌAtua⌋ mo ravaꞌa moni, pa he meꞌe aŋa e te tētahi. Te mātou meꞌe aŋa he vānaŋa hai parautiꞌa, pa he tāvini o te ꞌAtua ꞌo te ai o mātou o te Kiritō, ꞌe he ꞌAtua te mātou mataꞌite.

2 Kōrinto 4:2

A mātou e hārui rō ꞌana hai tuaꞌivi i te meꞌe taꞌe tano taꞌatoꞌa aŋa e te taŋata e naꞌa rō ꞌana ꞌo haꞌamā, ꞌe, takoꞌa, ꞌina a mātou he reo-reo ꞌe he huri i te vānaŋa o te ꞌAtua. Te ꞌAtua ko ꞌite ꞌana he parautiꞌa mau nō te meꞌe haka ꞌite e mātou o ruŋa i a ia, ꞌe taꞌatoꞌa taŋata manaꞌu riva-riva e ꞌite takoꞌa rō ꞌā: te mātou meꞌe kī he parautiꞌa.

Ēfeto 4:14

E ko ai haka ꞌou ia a tātou pa he ŋā poki e ko roa he huri te manaꞌu ꞌi te haka roŋo ki te hāpī taꞌe he parautiꞌa haka ꞌite e te nuꞌu mārama-rama ꞌite i te reo-reo.

Fīripo 3:21

ꞌe he kope haka riro i te hakari mate nei o tātou pa he hakari era ꞌā ōꞌona, hakari pūai ꞌina e ko mate; i a ia, paꞌi, te pūai mo aŋa i te meꞌe taꞌatoꞌa.

1 Tētārōnika 2:19

Ka ai atu pē ira, ko te haŋa iŋa ꞌana a mātou mo hoki atu, he ꞌite o mātou he haka moe he oho mau rō ꞌai kōrua i te manaꞌu ꞌi ruŋa i a Ietū. Te meꞌe nei he koa e tahi mo mātou. ꞌE ꞌi te hora o tātou ka tuꞌu ena ki muꞌa o te tātou Pūꞌoko Haka Tere ko Ietū Kiritō, ꞌi te mahana o tōꞌona hoki iŋa mai, he koa a mātou mo kōrua ꞌe mo te hauhaꞌa o te mātou aŋa ꞌi roto i a kōrua.

2 Tētārōnika 2:9

Te taŋata riri taparahi-taꞌata nei mo te ꞌAtua hai hāꞌūꞌū o Rukifero ka tuꞌu mai ena. ꞌE ka haka takeꞌa ena i tōꞌona pūai hai mana tuꞌu pa he meꞌe aŋa e te ꞌAtua.

1 Timoteo 1:4

ꞌe mo taꞌe haka roŋo haka ꞌou ki te ꞌaꞌamu taꞌe parautiꞌa o ruŋa i te hakaara. Te meꞌe nō, paꞌi, mo ravaꞌa mai te ŋā meꞌe era he tātake. He māuꞌa ia te hora mo haka ꞌite i te ara parautiꞌa o te ꞌAtua, he meꞌe ana aŋi-aŋi mau nō e ⌊haka moe i te manaꞌu⌋ ꞌi ruŋa i a ia.

1 Timoteo 4:7

ꞌIna koe ko haka roŋo ki te ꞌaꞌamu maꞌa-maꞌa o te taŋata. Ka aŋa ka oho nō koe mo ꞌata pūai ōꞌou pa he taŋata moꞌa ꞌe haꞌatura ki te ꞌAtua.

Tito 1:14

ꞌo haka roŋo rō ki te ꞌaꞌamu reo-reo o te tētahi ⌊hūrio⌋ ꞌe ꞌo haꞌatura rō ki te meꞌe kī e te nuꞌu ꞌina he haŋa ki te roŋo parautiꞌa.

2 Pētero 2:3

ꞌI te nou-nou o te ŋā maꞌori reo-reo era, he uꞌi i te rāveꞌa mo ꞌata toꞌo i te moni mai i a kōrua hai hāpī reo-reo o rāua, hāpī poreko ꞌi roto i te rāua manaꞌu mau nō era. ꞌE mo te nuꞌu ena, ko ai era ꞌana te ūtuꞌa o te ꞌAtua mai muꞌa ꞌā, ꞌe a ia e ko taꞌe haka ūtuꞌa i a rāua.

1 Iovani 4:14

ꞌE o mātou mau ꞌana i takeꞌa ꞌe i haka ꞌite pē nei ē: te Matuꞌa ko uŋa mai ꞌana i tāꞌana Poki mo eꞌa o te taŋata o te ao mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa hai ia.

Hura 1:14

A ꞌĒnoko, he hitu taŋata mai i a ꞌĀtamu, i vānaŋa rō pa he perofeta o ruŋa i te nuꞌu ena ꞌi te hora kī era pē nei ē: «I takeꞌa rō e au i te ꞌAtua e oho mai ꞌana koia ko tāꞌana merahi ka miꞌi ka miꞌi

Meꞌe Haka Takeꞌa 1:7

ꞌIna ko rehu: ¡ꞌI ruŋa i te raŋi tea-tea ka oho mai ena a Ietū! Taꞌatoꞌa nō ka takeꞌa ena, ꞌātā te nuꞌu ꞌo-ꞌoka era i a ia. Te taŋata taꞌatoꞌa o te ao taꞌe haka moe i te manaꞌu ꞌi ruŋa i a ia e ŋaroꞌa rō i te māui-ui ki roto i te ivi o ruŋa i a ia. He aŋi mau ꞌā, pē ira ka topa ena.