2 Pētero 1:13 - Rapa Nui

¹³ ꞌĒ-ē, mai ora atu ꞌana a au, tāꞌaku meꞌe ka aŋa nei he haka manaꞌu he oho atu o ruŋa i te ŋā meꞌe hatu atu era e au.

2 Pētero 1:13 ပူးပေါင်းရင်းမြစ်များ

2 Kōrinto 5:8

ꞌE ꞌina he ꞌaka-ꞌaka te mātou manaꞌu ꞌi ruŋa i a ia. Ka ai atu pē ira, te meꞌe haŋa mau o mātou he noho o mātou ꞌi te kona era ꞌi ira te tātou Pūꞌoko Haka Tere.

Fīripo 1:7

Taꞌe he meꞌe mo māere te manaꞌu ōꞌoku i te ŋā meꞌe nei mo kōrua; e maꞌu rō ꞌana, paꞌi, au i a kōrua ꞌi roto i tōꞌoku māhatu. A kōrua, paꞌi, ka ai a au ꞌi roto i te hare maꞌuꞌaurī ꞌo ꞌi muꞌa o te nuꞌu ra-rahi e haka aŋi-aŋi ꞌā pē nei ē: he parautiꞌa mau ꞌā te ⌊roŋo riva-riva o te ꞌAtua⌋, ko te hokorua iŋa nō mai ꞌā kōrua ꞌi tāꞌaku aŋa vaꞌai mai e te ꞌAtua hai riva rahi ōꞌona.

Fīripo 3:10

ꞌE hora nei, tāꞌaku meꞌe haŋa he māhani riva-riva he oho ōꞌoku i te ⌊Kiritō⌋ ꞌe he ŋaroꞌa ꞌi roto i a au tōꞌona aŋa iŋa mai hai pūai, pa he aŋa iŋa era o te ꞌAtua hai pūai hora haka ora era i a Ietū mai te mate. ꞌE, takoꞌa, he ꞌite ōꞌoku mo haꞌaoromaꞌi, pē ia, i te ꞌati mo aŋa i te meꞌe haŋa o te ꞌAtua, ꞌe ꞌātā mo mate ꞌo te ai ōꞌoku ꞌa Ietū Kiritō, ana haŋa te ꞌAtua.

2 Timoteo 1:6

ꞌĪ au he kī atu: pa he niꞌo iŋa i te ahi, ana haka pūai ana oho koe i te meꞌe vaꞌai atu era e te ꞌAtua ꞌi te hora haka topa atu era ōꞌoku i te rima a ruŋa i tuꞌu pūꞌoko.

ꞌEvereo 13:3

ꞌIna ko rehu i a kōrua mo hāꞌūꞌū i te taina puru ꞌi roto i te hare maꞌuꞌaurī. E hāpaꞌo kōrua i a rāua pa he meꞌe haŋa o kōrua mo hāpaꞌo atu e te rua i a kōrua. Pē ira takoꞌa i te nuꞌu tōtōā; e tano nō, paꞌi, mo topa takoꞌa atu te ꞌati era ki a kōrua.

2 Pētero 1:12

ꞌO ira a au, e te taina ē, ka haka manaꞌu ka oho atu ena o ruŋa i te meꞌe taꞌatoꞌa ena, ka ai atu, nā e maꞌu hio-hio mai ena kōrua i nā parautiꞌa.

2 Pētero 1:14

Te tātou Pūꞌoko Haka Tere, paꞌi, ko Ietū Kiritō ko haka ꞌite mai ꞌana: e ko roa he haka rē a au i te ao nei.

2 Pētero 3:1

E te taina, he rua parau nei ꞌāꞌaku e pāpaꞌi atu ena. ꞌE hai ŋā parau nei i haŋa ai a au mo haka tī-tika atu i te kōrua manaꞌu.