2 Kōrinto 9:6 - Rapa Nui

⁶ E manaꞌu kōrua ki te vānaŋa nei: «Te kope taꞌe ꞌoka rahi, meꞌe taꞌe rahi te meꞌe ka kato era; ꞌe te kope ꞌoka rahi, meꞌe rahi ka kato era».

2 Kōrinto 9:6 ပူးပေါင်းရင်းမြစ်များ

Ruka 6:38

E vaꞌai kōrua ki te tētahi, ki vaꞌai takoꞌa atu ai e te ꞌAtua ki a kōrua. Ka haꞌaꞌī atu ena, paꞌi, i te kōrua pūtē ki te ꞌī, ka rū-rū ena ko ꞌī riva-riva ꞌā. Pa he hāito iŋa ena ꞌā o kōrua mo vaꞌai ki te rua, pē ira ka hāito takoꞌa ena e te ꞌAtua mo vaꞌai atu ki a kōrua».

1 Kōrinto 1:12

E ai rō ꞌā te nuꞌu o kōrua kī: «A au ꞌa Pauro»; ꞌe tētahi te kī: «A au ꞌa ꞌĀporo»; tētahi atu: «A au ꞌa Tefa»; ꞌe tētahi haka ꞌou atu te kī: «A au o te ⌊Kiritō⌋».

1 Kōrinto 15:20

ꞌE te parautiꞌa, te Kiritō ko ora ꞌā mai te mate. A ia he raꞌe o te meꞌe mo kato, te auraꞌa, he kope raꞌe mo ora mai te mate.

1 Kōrinto 7:29

E te taina, tāꞌaku meꞌe haŋa mo kī atu: hora taꞌe rahi te hora toe o tātou mo aŋa ki te ꞌAtua. ꞌO ira, te nuꞌu hāipo-ipo e haka topa te hora mo aŋa ki te ꞌAtua, ka ai atu he nuꞌu hāipo-ipo a rāua.

2 Kōrinto 9:10

O te ꞌAtua te vaꞌai i te karu ki te nuꞌu ꞌoka, ꞌe i te kai ki te taŋata. ꞌĀꞌana takoꞌa te vaꞌai ꞌe te haka rahi i te meꞌe ai o kōrua, mo ꞌata rahi o te kōrua hāꞌūꞌū ki te rua.

2 Kōrinto 9:5

ꞌO ira a au i manaꞌu ai mo vānaŋa ki te ŋā taina nei mo oho atu mo uꞌi i a kōrua ꞌi raꞌe ki a au, mo hāꞌūꞌū atu mo haka mao i rā meꞌe kī era e kōrua. Pē ira ka tuꞌu atu ena a mātou, he takeꞌa e te taina taꞌatoꞌa i vaꞌai ai a kōrua hai māhatu, taꞌe ꞌō ꞌo te ai ko kī atu ꞌā.

Karatia 3:17

Iā. Tāꞌaku kī: te hōrea kī era e te ꞌAtua ki a ꞌAparahama ꞌina e ko tano mo haka kore ꞌe mo taꞌe haka hauhaꞌa e te haka tere iŋa ꞌa Mōtē. Te hōrea aŋa era, paꞌi, e te ꞌAtua ki a ꞌAparahama, ko kī era ꞌana ka maha hānere ka toru ꞌahuru matahiti ki te haka tere iŋa era ꞌa Mōtē.

Karatia 5:16

ꞌO ira, ꞌī a au he kī atu: e haka rē mo haka tere atu i a kōrua e te Vārua Maitai, ꞌo aŋa i te meꞌe taꞌe tano pohe nō e te hakari.

Ēfeto 4:17

Te meꞌe haŋa ꞌa Ietū Kiritō mo kī atu e au ko te meꞌe nei: ꞌina kōrua ko noho haka ꞌou pa he nuꞌu taꞌe ꞌite ko ai te ꞌAtua parautiꞌa. Te noho iŋa, paꞌi, o rā nuꞌu e haka tano ena ki te manaꞌu taꞌe hauhaꞌa ꞌe taꞌe hāꞌūꞌū i a rāua.

Kōrosa 2:4

E kī atu ena a au i te meꞌe nei ꞌo reo-reo atu kōrua e te nuꞌu hai vānaŋa nehe-nehe.

ꞌEvereo 6:10

Te ꞌAtua, paꞌi, ꞌAtua aŋa i te meꞌe tano. ꞌIna he rehu i a ia te kōrua meꞌe riva-riva aŋa ꞌe te haŋa ena o kōrua mo tōꞌona taŋata. Te haŋa ena o kōrua e takeꞌa ena hai hāꞌūꞌū ki a rāua, he meꞌe o kōrua e aŋa mai ena.