2 Kōrinto 9:2 - Rapa Nui

² Ko ꞌite riva-riva ꞌana, paꞌi, e au e haŋa rō ꞌana a kōrua mo hāꞌūꞌū. ꞌE tāꞌaku aŋa he ꞌaꞌamu nō hai koa ki te nuꞌu o Mātērōnia pē nei ē: mai tū matahiti oti era ꞌā, a kōrua, te nuꞌu o Ākāia, e haŋa rō ꞌana mo hāꞌūꞌū. ꞌE te rahi raꞌa o te nuꞌu o ira ko haŋa takoꞌa ꞌā mo hāꞌūꞌū i te aŋa nei, he ꞌite i te rahi o te haŋa o kōrua mo hāꞌūꞌū.

2 Kōrinto 9:2 ပူးပေါင်းရင်းမြစ်များ

Aŋa o te ꞌĀpōtoro 18:12

ꞌI te hora ko Karione te suerekao o Ākāia, he ꞌa-ꞌaru i a Pauro e te nuꞌu hūrio taꞌe haka moe i te manaꞌu ꞌi ruŋa i a Ietū ꞌe he maꞌu ki te hare ture pa he meꞌe haꞌaꞌau e rāua.

Aŋa o te ꞌĀpōtoro 24:17

»Ko matahiti atu ꞌā o tōꞌoku oho a te tētahi henua i hoki haka ꞌou ai ki Hērutarema mo vaꞌai i te moni ki te nuꞌu veve o tōꞌoku hau ꞌe, takoꞌa, mo aŋa i te tūtia mo te ꞌAtua.

Rōmano 15:26

Ko haka taka-taka ꞌana, paꞌi, e te taina o Mātērōnia ꞌe o Ākāia i te moni mo haka maꞌu mo te taina veve o Hērutarema.

1 Kōrinto 16:15

E te taina, ko ꞌite ꞌana a kōrua: te huaꞌai o Etefana he nuꞌu raꞌe o te kona era o Ākāia i haka moe i te manaꞌu ꞌi ruŋa i a Ietū, ꞌe ꞌi te hora nei te meꞌe rava aŋa o rāua he hāꞌūꞌū ki te taina haka moe i te manaꞌu ꞌi ruŋa i a Ietū.

2 Kōrinto 1:1

A au a Pauro, ⌊ꞌāpōtoro⌋ ꞌa Ietū Kiritō hai haŋa o te ꞌAtua, ꞌe te tātou taina nei ko Timoteo he ꞌaroha atu ki a kōrua ki te nūnaꞌa taŋata ⌊haka moe i te manaꞌu⌋ ꞌi ruŋa i a Ietū o Kōrinto, ꞌe ki te tētahi atu taina o te ŋā kona taꞌatoꞌa ena o Ākāia.

2 Kōrinto 7:14

Ko haka paka era ꞌana e au ki a Tito: a kōrua nuꞌu haꞌatura, ꞌe ꞌina kai hape rā vānaŋa era ꞌāꞌaku. Ko takeꞌa ꞌā, paꞌi, e Tito, he parautiꞌa, pa he meꞌe taꞌatoꞌa kī atu e mātou ki a kōrua.

2 Kōrinto 7:4

E koa rō ꞌana a au mo kōrua, ꞌe e vānaŋa atu ena taꞌe hai riꞌa-riꞌa. Ka ai atu e ꞌamo rō ꞌana a mātou i te ꞌati, ko te pūai iŋa ꞌana tōꞌoku manaꞌu ꞌe ko te koa iŋa ꞌana a au.

2 Kōrinto 8:10

Mo te kōrua riva-riva he haka ꞌite atu a au i tōꞌoku manaꞌu o ruŋa i tū meꞌe haꞌamata aŋa era e kōrua hai koa ꞌi tū matahiti oti ena, he haka taka-taka i te moni mo te nuꞌu veve o Hērutarema.

2 Kōrinto 8:11

Te meꞌe haŋa: he haka mao i rā aŋa hai meꞌe tara o kōrua hai koa takeꞌa mau era ꞌā e au i a kōrua ꞌi muꞌa ꞌā hora manaꞌu era mo aŋa i rā meꞌe.

2 Kōrinto 8:19

Te kope nei o te ŋā taina mau nei ꞌā i haꞌataꞌa mo hokorua takoꞌa mai ꞌi te mātou ara ki Hērutarema maꞌu i te moni mo te taina veve o ira. Te meꞌe nei he rāveꞌa e tahi mo haꞌahana-hana o te taŋata ki te ꞌAtua ꞌe mo takeꞌa i te haŋa o mātou mo hāꞌūꞌū.

2 Kōrinto 8:24

E kuā taina, e hāpaꞌo kōrua i a rāua hai haŋa, ki takeꞌa ai e tū ŋā nuꞌu uŋa atu ena i a rāua, he parautiꞌa mau ꞌā te mātou meꞌe kī o ruŋa i a kōrua.

2 Kōrinto 8:8

Taꞌe a au e kī atu ena i te meꞌe nei pa he meꞌe mo haꞌatura mau ꞌā e kōrua. Mo riva o kōrua mo haꞌatura, ko tano ꞌā. Tōꞌoku haŋa mau mo uꞌi hoki he parautiꞌa mau ꞌana te kōrua haŋa mo te rua, pa he meꞌe i takeꞌa e au ꞌi te taina o Mātērōnia.

1 Tētārōnika 1:7

Pē ira te kōrua noho iŋa i ai ai he meꞌe mo aŋi-aŋi pē hē te noho iŋa tano ki te mata o te ꞌAtua mo te nuꞌu taꞌatoꞌa haka moe i te manaꞌu ꞌi ruŋa i a Ietū o te ŋā kona era o Mātērōnia ꞌe o Ākāia.

ꞌEvereo 10:24

E uꞌi tātou i te rāveꞌa mo hāꞌūꞌū ki a tātou ꞌā mo ꞌata pūai o te haŋa ꞌi roto i a tātou i te taina ꞌe mo aŋa i te meꞌe riva-riva.