2 Kōrinto 8:8 - Rapa Nui

⁸ Taꞌe a au e kī atu ena i te meꞌe nei pa he meꞌe mo haꞌatura mau ꞌā e kōrua. Mo riva o kōrua mo haꞌatura, ko tano ꞌā. Tōꞌoku haŋa mau mo uꞌi hoki he parautiꞌa mau ꞌana te kōrua haŋa mo te rua, pa he meꞌe i takeꞌa e au ꞌi te taina o Mātērōnia.

2 Kōrinto 8:8 ပူးပေါင်းရင်းမြစ်များ

Rōmano 12:9

E haŋa kōrua ki te rua hai māhatu. ꞌIna ko haŋa ki te meꞌe taꞌe tano; e haka noho te manaꞌu ꞌi ruŋa i te meꞌe tano ki te mata o te ꞌAtua.

1 Kōrinto 7:12

ꞌE ki te tētahi nuꞌu he kī atu a au, pa he meꞌe ꞌāꞌaku, taꞌe pa he vānaŋa o te tātou Pūꞌoko Haka Tere ko Ietū Kiritō: mo ai e tahi taina o roto i a kōrua tāꞌana viꞌe ꞌina he haka moe i tōꞌona manaꞌu ꞌi ruŋa i a Ietū, ꞌe ko te haŋa iŋa ꞌana rā viꞌe mo noho mo oho nō ararua, ꞌina rā taina ko haꞌataꞌa mai rā viꞌe.

1 Kōrinto 7:25

ꞌE, te nuꞌu taꞌe hāipo-ipo, ꞌina e tahi ꞌāꞌaku roŋo mo haka ꞌite ki a rāua vaꞌai mai e Ietū, Pūꞌoko Haka Tere o tātou. ꞌE, ka ai atu pē ira, a au pa he taŋata aŋa i tāꞌana meꞌe kī hai riva rahi o te ꞌAtua, he kī atu au i tōꞌoku manaꞌu.

1 Kōrinto 7:6

Taꞌe e kī atu ꞌā ka tapu kōrua. Tāꞌaku kī: mo haŋa o kōrua mo tapu e tano nō mo aŋa pē ira.

2 Kōrinto 6:6

E takeꞌa takoꞌa ena he tāvini mātou o te ꞌAtua hai noho iŋa taꞌe hara o mātou, hai ꞌite i te parautiꞌa o ruŋa i a ia, hai riva o mātou, hai haꞌaoromaꞌi o mātou i te rua, hai ai o te ⌊Vārua Maitai⌋ ꞌi roto i a mātou, hai haŋa parautiꞌa ki te rua,

2 Kōrinto 8:10

Mo te kōrua riva-riva he haka ꞌite atu a au i tōꞌoku manaꞌu o ruŋa i tū meꞌe haꞌamata aŋa era e kōrua hai koa ꞌi tū matahiti oti ena, he haka taka-taka i te moni mo te nuꞌu veve o Hērutarema.

2 Kōrinto 8:24

E kuā taina, e hāpaꞌo kōrua i a rāua hai haŋa, ki takeꞌa ai e tū ŋā nuꞌu uŋa atu ena i a rāua, he parautiꞌa mau ꞌā te mātou meꞌe kī o ruŋa i a kōrua.

2 Kōrinto 9:2

Ko ꞌite riva-riva ꞌana, paꞌi, e au e haŋa rō ꞌana a kōrua mo hāꞌūꞌū. ꞌE tāꞌaku aŋa he ꞌaꞌamu nō hai koa ki te nuꞌu o Mātērōnia pē nei ē: mai tū matahiti oti era ꞌā, a kōrua, te nuꞌu o Ākāia, e haŋa rō ꞌana mo hāꞌūꞌū. ꞌE te rahi raꞌa o te nuꞌu o ira ko haŋa takoꞌa ꞌā mo hāꞌūꞌū i te aŋa nei, he ꞌite i te rahi o te haŋa o kōrua mo hāꞌūꞌū.

2 Kōrinto 9:7

Taꞌatoꞌa o kōrua ana vaꞌai i te meꞌe manaꞌu ꞌi roto i te māhatu hai haŋa, ꞌe taꞌe ꞌō ꞌo te ai ko kī atu ꞌā e te rua. Te ꞌAtua, paꞌi, e haŋa rō ꞌā ki te kope vaꞌai i te meꞌe hai koa.

Ēfeto 4:15

E ai rō tātou pa he nuꞌu paꞌari maꞌu hio-hio ꞌe haka ꞌite hai haŋa ki te nuꞌu i te hāpī parautiꞌa o te ꞌAtua, ꞌe te tātou huru e hāhine e oho rō ki te huru riva o Ietū Kiritō, Pūꞌoko o tātou.

Ēfeto 6:24

Ka ai te riva rahi o te ꞌAtua ꞌi ruŋa i te nuꞌu taꞌatoꞌa haŋa hai māhatu ki a Ietū Kiritō, Pūꞌoko Haka Tere o tātou.

ꞌEvereo 10:24

E uꞌi tātou i te rāveꞌa mo hāꞌūꞌū ki a tātou ꞌā mo ꞌata pūai o te haŋa ꞌi roto i a tātou i te taina ꞌe mo aŋa i te meꞌe riva-riva.

1 Pētero 1:22

ꞌI te haꞌatura o kōrua ki te roŋo parautiꞌa i haka kore ai e te ꞌAtua i te kōrua hara, ki haŋa parautiꞌa ai kōrua ki te kōrua taina. ꞌO ira, e haŋa e oho ꞌi roto i a kōrua hai māhatu ꞌe hai pūai.