2 Kōrinto 8:4 - Rapa Nui

⁴ i haka koni mai ai mo haꞌatiꞌa o mātou i a rāua mo hāꞌūꞌū takoꞌa hai tara mo te nuꞌu haka moe i te manaꞌu ꞌi ruŋa i a Ietū o Hērutarema.

2 Kōrinto 8:4 ပူးပေါင်းရင်းမြစ်များ

Māteo 10:42

»ꞌĪ a au he ki atu: te taŋata vaꞌai ka ai atu he hapaina vai mau nō ki te kope e tahi o roto o tāꞌaku nuꞌu hāpī ꞌo te ai o rā kope ꞌāꞌaku, pe muꞌa ka oho ena e ko taꞌe vaꞌai e te ꞌAtua ki rā taŋata hai meꞌe mo haka koa».

Māteo 12:50

Te nuꞌu aŋa, paꞌi, i te meꞌe haŋa o tōꞌoku Matuꞌa o te raŋi he huaꞌai takoꞌa ōꞌoku.

Māteo 25:40

»E pāhono rō e te ꞌAriki: “Te parautiꞌa, te meꞌe taꞌatoꞌa aŋa e kōrua mo te tētahi o tōꞌoku taina hopeꞌa o te taꞌe hōnui e aŋa ꞌā e kōrua mōꞌoku”.

Marko 14:7

Te nuꞌu veve e ko ŋaro mai muri i a kōrua ki te hora hopeꞌa. Hora nō era o kōrua i haŋa e tano nō mo hāꞌūꞌū ki a rāua. ꞌE, a au e ko noho e ko oho nō atu ꞌi muri i a kōrua.

Aŋa o te ꞌĀpōtoro 11:29

Te nuꞌu haka moe i te manaꞌu ꞌi ruŋa i a Ietū o Antiokia he haŋa mo hāꞌūꞌū ki te taina o Hūrea hai tara ai nō o rāua.

Aŋa o te ꞌĀpōtoro 16:15

I haka ⌊papatito⌋ rō i a ia ananake ko te nuꞌu taꞌatoꞌa o tōꞌona hare. I oti era he kī mai: «Mo ai a au he viꞌe haka moe parautiꞌa i te manaꞌu ꞌi ruŋa i a Ietū mo kōrua, ka oho mai ia kōrua ka noho ꞌi tōꞌoku hare». He haka koni he oho mai ꞌātā ka oho rō a mātou ꞌi muri.

Aŋa o te ꞌĀpōtoro 24:17

»Ko matahiti atu ꞌā o tōꞌoku oho a te tētahi henua i hoki haka ꞌou ai ki Hērutarema mo vaꞌai i te moni ki te nuꞌu veve o tōꞌoku hau ꞌe, takoꞌa, mo aŋa i te tūtia mo te ꞌAtua.

Rōmano 15:31

E ani kōrua ki a ia mo hāpaꞌo i a au ꞌo tōtōā mai e te nuꞌu taꞌe haka moe i te manaꞌu ꞌi ruŋa i a Ietū o Hūrea, ꞌe e ani takoꞌa mo koa o te ŋā taina era o Hērutarema ꞌo tū meꞌe era mo maꞌu e au.

1 Kōrinto 16:1

Te haka taka-taka i te moni mo te nuꞌu haꞌataꞌa e te ꞌAtua māꞌana o Hērutarema, e aŋa pa he meꞌe haka ꞌite e au ki te nūnaꞌa taꞌatoꞌa ⌊haka moe i te manaꞌu⌋ ꞌi ruŋa i a Ietū o te ŋā kona taꞌatoꞌa era o Karatia.

1 Kōrinto 16:15

E te taina, ko ꞌite ꞌana a kōrua: te huaꞌai o Etefana he nuꞌu raꞌe o te kona era o Ākāia i haka moe i te manaꞌu ꞌi ruŋa i a Ietū, ꞌe ꞌi te hora nei te meꞌe rava aŋa o rāua he hāꞌūꞌū ki te taina haka moe i te manaꞌu ꞌi ruŋa i a Ietū.

2 Kōrinto 9:1

ꞌE o ruŋa i te meꞌe he haꞌaputu i te moni mo te taina veve o Hērutarema, ¡¿mo aha atu ꞌā a au ana pāpaꞌi haka ꞌou atu?!

Karatia 2:10

Te meꞌe mo taꞌe rehu nō i a māua i kī mai ai: mo hāꞌūꞌū ki te nuꞌu veve o Hērutarema, he meꞌe ko manaꞌu era ꞌana e au mo aŋa.

Karatia 6:10

Mo ai i a tātou te rāveꞌa mo hāꞌūꞌū, he hāꞌūꞌū tātou, ꞌe he nuꞌu taina haka moe i te manaꞌu ꞌi ruŋa i a Ietū te meꞌe raꞌe o tātou mo hāꞌūꞌū.

1 Timoteo 5:10

Te viꞌe nei he viꞌe ko ꞌite tahi ꞌana e te taŋata i tōꞌona huru riva, hāpaꞌo riva-riva i tāꞌana ŋā poki, hāpaꞌo i te nuꞌu tuꞌu ki tōꞌona hare, haka hopu i te vaꞌe o te nuꞌu haka moe i te manaꞌu ꞌi ruŋa i a Ietū, ꞌe hāꞌūꞌū ki te nuꞌu taꞌatoꞌa ai o te ꞌati. He viꞌe aŋa mau ꞌā a ia i te meꞌe haŋa o te ꞌAtua.

ꞌEvereo 6:10

Te ꞌAtua, paꞌi, ꞌAtua aŋa i te meꞌe tano. ꞌIna he rehu i a ia te kōrua meꞌe riva-riva aŋa ꞌe te haŋa ena o kōrua mo tōꞌona taŋata. Te haŋa ena o kōrua e takeꞌa ena hai hāꞌūꞌū ki a rāua, he meꞌe o kōrua e aŋa mai ena.