2 Kōrinto 8:3 - Rapa Nui

³ He mataꞌite a au e vaꞌai era hai māhatu e haka tano ki te meꞌe ai o rāua, ꞌe ꞌātā ꞌata rahi rō atu. Te nuꞌu nei, hai manaꞌu mau ꞌā o rāua,

2 Kōrinto 8:3 ပူးပေါင်းရင်းမြစ်များ

Marko 14:8

ꞌE te viꞌe nei ko aŋa ꞌā i tāꞌana meꞌe i tano mo aŋa: ꞌī ko haka ꞌeo era ꞌā i tōꞌoku hakari mo tōꞌoku hora tanu.

Aŋa o te ꞌĀpōtoro 11:29

Te nuꞌu haka moe i te manaꞌu ꞌi ruŋa i a Ietū o Antiokia he haŋa mo hāꞌūꞌū ki te taina o Hūrea hai tara ai nō o rāua.

Rōmano 10:2

Te parautiꞌa, e kimi rō ꞌana mo tano o rāua ki te mata o te ꞌAtua; te ꞌati nō, taꞌe a roto i te ara parautiꞌa o te ꞌAtua.

1 Kōrinto 16:2

ꞌI te mahana tāpati taꞌatoꞌa, e haꞌataꞌa ꞌi te kōrua hare e tahi ꞌapa o te tara ai o kōrua ꞌe ꞌai ka hāpaꞌo rō, ki tuꞌu atu a au, ko haꞌataꞌa era ꞌā, ꞌo haka taka-taka iho kōrua ꞌi rā hora.

1 Kōrinto 9:17

ꞌĀhani hai manaꞌu mau ꞌā ōꞌoku e aŋa nei, he tano ia mo ꞌauhau mai. ꞌE, mo ai he meꞌe mau ꞌā ꞌāꞌaku mo aŋa, e haꞌatura ꞌana ia a au ki te meꞌe kī mai e te ꞌAtua.

Karatia 4:15

¿Ka kī ꞌō ko ŋaro ꞌana tū koa era o tātou o muꞌa ꞌā? E riva nō a au mo kī: a kōrua, ꞌi muꞌa ꞌā, ꞌāhani he meꞌe e ravaꞌa rō mo aŋa, ꞌātā e kume nō mai i te kōrua mata mo vaꞌai mai mōꞌoku.

Fīripo 2:13

O te ꞌAtua, paꞌi, te haka poreko ꞌi roto i a kōrua i te haŋa mo haꞌatura ki a ia ꞌe te vaꞌai atu i te pūai mo aŋa o kōrua i te meꞌe mo koa ōꞌona.

Kōrosa 4:13

E manaꞌu rahi rō atu ꞌana a Epafara ki a kōrua ki te nuꞌu o Kōrosa, ki te nuꞌu o Rāōrītea, ꞌe ki te nuꞌu o Īērāpori takoꞌa, ꞌe ko au te mataꞌite.

1 Tētārōnika 2:8

Pē ira te haŋa o mātou ki a kōrua. ꞌO ira te meꞌe i aŋa o mātou ꞌi roto i a kōrua taꞌe nō he haka ꞌite atu i te ⌊roŋo riva-riva o te ꞌAtua⌋, i aŋa takoꞌa rō i te meꞌe nō era mo hāꞌūꞌū atu, ꞌi te rahi o te mātou haŋa mo kōrua.

Firemono 1:14

ꞌE kai haŋa a au mo aŋa e tahi meꞌe ꞌina he tano ki tuꞌu manaꞌu, ꞌo tuꞌu pa he meꞌe ena ē: i kī atu ꞌō e au. Tōꞌoku haŋa: māꞌau ꞌā e manaꞌu.

1 Pētero 4:11

Te auraꞌa: te kope ki a ia i vaꞌai ai e te ꞌAtua i te meꞌe he haka ꞌite i tāꞌana vānaŋa, e haka ꞌite i te vānaŋa mau ꞌā o te ꞌAtua. ꞌE te kope ki a ia i vaꞌai ai i te meꞌe he hāꞌūꞌū ki te rua, e aŋa hai pūai vaꞌai e te ꞌAtua, ki haꞌahana-hana tahi ai ki te ꞌAtua hai Ietū Kiritō, i a ia te nui-nui ꞌe te pūai ki te hora hopeꞌa. Ka ai pē ira.

1 Pētero 5:2

E te pūꞌoko haka tere, e hāpaꞌo riva-riva kōrua i te māmoe o te ꞌAtua haka hāpaꞌo atu ki a kōrua. ꞌE ana hāpaꞌo, hai māhatu, pa he meꞌe haŋa o te ꞌAtua, taꞌe ꞌō ꞌo te ai nō ꞌāꞌana i kī atu. E hāpaꞌo hai haŋa, taꞌe ꞌō hai pohe ki te moni.