2 Kōrinto 8:23 - Rapa Nui

²³ ꞌE o ruŋa i a Tito he kī atu a au: a ia he hokorua ōꞌoku ꞌe e aŋa nei a māua mo te kōrua riva-riva. ꞌE te ŋā taina haka ꞌou ena e rua o muri he nuꞌu moꞌa ꞌe haꞌatura ki te ⌊Kiritō⌋ uŋa atu e te nuꞌu haka moe i te manaꞌu ꞌi ruŋa i a Ietū o te ŋā kona nei.

2 Kōrinto 8:23 ပူးပေါင်းရင်းမြစ်များ

Ruka 5:10

Pē ira ꞌana a ⌊Tanatiako⌋ ararua ko ⌊Iovani⌋, poki ꞌa Tevereo, he nuꞌu aŋa takoꞌa ananake ko kuā Tīmona. He kī ia e Ietū ki a Tīmona: —ꞌIna koe ko riꞌa-riꞌa; mai te hora nei pe muꞌa he hī taŋata mo te ꞌAtua taꞌa aŋa.

Ruka 5:7

He rapu ki te nuꞌu o ruŋa i te rua vaka mo oho mo hāꞌūꞌū. I puā era he haꞌaꞌī i rā ŋā vaka hai ika ki te ꞌī, ꞌātā ka oho rō mo emu.

Iovani 13:16

ꞌĪ a au he kī atu: ꞌina he tāvini ꞌata hau ki te kope haka aŋa i a ia, ꞌe ꞌina he kope maꞌuroŋo ꞌata hau ki te kope haka uŋa i a ia.

1 Kōrinto 11:7

Te taŋata ꞌina ko puꞌa i te rāua pūꞌoko. ꞌI ruŋa i a ia e takeꞌa ena te pūai ꞌe te nui-nui o te ꞌAtua. ꞌE te meꞌe takeꞌa mai te viꞌe he pūai ꞌe he hōnui o te taŋata.

2 Kōrinto 12:18

Ki a Tito a au i uŋa atu ai mo oho atu mo uꞌi i a kōrua, ꞌe ꞌi muri i a ia e tahi taina haka ꞌou. ¿Ka kī ꞌō i toꞌo rō a Tito i te kōrua moni hai reo-reo? ꞌIna. A māua, paꞌi, pē tū haka tere iŋa ꞌā ꞌe e tahi mau nō māua manaꞌu.

2 Kōrinto 7:6

ꞌE, o te ꞌAtua, haka pūai i te nuꞌu ꞌina he haŋu toe, i haka pūai mai i a mātou hai tuꞌu iŋa mai o Tito.

2 Kōrinto 8:16

Māuru-uru ki te ꞌAtua ꞌo te haka poreko ꞌi roto i te manaꞌu o Tito te haŋa mo hāꞌūꞌū atu ki a kōrua pē au.

2 Kōrinto 8:18

ꞌI muri i a Tito i uŋa atu ai a au i te taina e tahi. E vānaŋa riva-riva rō ꞌā o ruŋa i a ia te taina taꞌatoꞌa o Mātērōnia, he tano o tāꞌana aŋa he haka ꞌite i te ⌊roŋo riva-riva o te ꞌAtua⌋.

2 Kōrinto 8:19

Te kope nei o te ŋā taina mau nei ꞌā i haꞌataꞌa mo hokorua takoꞌa mai ꞌi te mātou ara ki Hērutarema maꞌu i te moni mo te taina veve o ira. Te meꞌe nei he rāveꞌa e tahi mo haꞌahana-hana o te taŋata ki te ꞌAtua ꞌe mo takeꞌa i te haŋa o mātou mo hāꞌūꞌū.

2 Kōrinto 8:22

ꞌI muri i a kuā Tito i uŋa takoꞌa atu ai a au i te taina haka ꞌou e tahi. Te kope nei hai rauhuru atu meꞌe aŋa e takeꞌa ena i te rahi o tōꞌona haŋa mo hāꞌūꞌū ꞌi te aŋa o te ꞌAtua. ꞌE hora nei, ko ꞌata haŋa ꞌana a ia mo hāꞌūꞌū ꞌo te ꞌite e ko taꞌe vaꞌai kōrua hai māhatu mo te taina veve o Hērutarema.

2 Kōrinto 8:6

ꞌI te nehe-nehe o rā meꞌe aŋa era e te taina o Mātērōnia, ꞌī mātou ko ani ꞌā ki a Tito mo oho atu ōꞌona mo haka mao i te aŋa haꞌamata era e ia ꞌi muꞌa ꞌā he haka taka-taka, mai i a kōrua, i te moni mo te taina o Hērutarema.

Fīripo 2:25

ꞌĪ a au e manaꞌu takoꞌa ꞌā mo uŋa atu i te tātou taina ko Epafororito, kope uŋa mai era e kōrua mo hāꞌūꞌū mai ki a au. A ia he hokorua aŋa ōꞌoku ꞌe pa he vaꞌehau haka ꞌou e tahi o te ⌊Kiritō⌋.

Fīripo 4:3

ꞌE a koe, e te hokorua aŋa ōꞌoku ē: e hāꞌūꞌū ki te ŋā taina ena. A rāua ananake ko kuā Keremente ꞌe tētahi atu nuꞌu i aŋa takoꞌa rō ꞌi muri i a au ꞌi te aŋa he haka ꞌite he oho i te ⌊roŋo riva-riva o ruŋa i a Ietū⌋. Te rāua ꞌīŋoa nā ꞌi ruŋa i te puka o te ꞌAtua, puka ꞌi ruŋa e pāpaꞌi ena te ꞌīŋoa o te nuꞌu ravaꞌa i te ora ꞌāpī ꞌina he hopeꞌa raꞌa.

Kōrosa 1:7

Te meꞌe ena ꞌa Epafara, kope haŋa rahi o mātou aŋa takoꞌa ki te ꞌAtua, i hāpī atu. A ia he tāvini parautiꞌa ꞌa Ietū Kiritō.

1 Tētārōnika 2:2

Ko ꞌite ꞌana e kōrua: ꞌi raꞌe ki te tuꞌu atu o mātou ki a kōrua ena i vā-vā ꞌe i tōtōā rō mai i a mātou ꞌi te kona era ko Fīripo. Ka ai atu pē ira, i hāꞌūꞌū nō mai te ꞌAtua mo haka ꞌite atu ki a kōrua i te ⌊roŋo riva-riva o ruŋa i a Ietū⌋ taꞌe e riꞌa-riꞌa ꞌe taꞌe e tapa atu i te nuꞌu riri mo mātou.

2 Timoteo 4:10

A Rema, ꞌi te haŋa rahi ki te meꞌe o te ao nei, ko hoa ꞌana i a au ꞌe ko oho ꞌana ki Tētārōnika. A Keretene ꞌai Karatia, ꞌe a Tito ꞌi Raramatia.

Firemono 1:17

ꞌO ira, mo ai he hokorua haŋa rahi mau ꞌā tāua ꞌi te aŋa o te ꞌAtua, ka toꞌo haka ꞌou atu koe i a ia ki tuꞌu hare, pa he toꞌo iŋa ōꞌou i a au mo ai ko au nā meꞌe.

Firemono 1:24

ꞌE, ꞌī e ꞌaroha takoꞌa atu ena a Marko, a Aritarako, a Rema, ꞌe a Ruka, nuꞌu hāꞌūꞌū mai ꞌi tāꞌaku aŋa.

3 Iovani 1:8

ꞌO ira, e hāꞌūꞌū e tātou, ki ai ai a tātou ananake ꞌi te haka ꞌite iŋa o rāua i te hāpī parautiꞌa o te ꞌAtua.