2 Kōrinto 8:20 - Rapa Nui

²⁰ I uŋa atu ai mātou i te kope nei ꞌi muri i a Tito ꞌo ai tāꞌue te vānaŋa mo kī i te hape o te haka tere iŋa o mātou i te moni ena.

2 Kōrinto 8:20 ပူးပေါင်းရင်းမြစ်များ

Māteo 10:16

»He uŋa a au i a kōrua pa he māmoe ki vāeŋa o te paiheŋa taehae. E ai kōrua nuꞌu mārama-rama ꞌite mo hāpaꞌo ꞌo topa atu te ꞌati. E ai takoꞌa kōrua he nuꞌu māŋaro pa he pāroma, taꞌe aŋa i te meꞌe taꞌe tano ki te rua.

Rōmano 14:16

ꞌE, takoꞌa, mo kī o te nuꞌu i te vānaŋa taꞌe tano mo te nuꞌu haka moe i te manaꞌu ꞌi ruŋa i a Ietū hai aŋa ōꞌou e tahi meꞌe, ka ai atu rā meꞌe he meꞌe taꞌe ꞌati mo te ꞌAtua, ꞌina ia koe ko aŋa.

1 Kōrinto 16:3

ꞌE, ki tuꞌu atu a au, he haka maꞌu i rā moni ki Hērutarema hai nuꞌu nō era o kōrua i haŋa. Ki a rāua ka vaꞌai nei e au i te parau ꞌi ruŋa e hāꞌaki rō ꞌā ko ai a rāua ꞌe ki te aha ꞌi Hērutarema.

2 Kōrinto 11:12

ꞌE, e ko haka kore a au i tōꞌoku haka tere iŋa nei he taꞌe no-noꞌi atu hai moni, ꞌo teꞌo-teꞌo tū nuꞌu tuꞌu atu ena ki a kōrua pē nei ē: e aŋa rō ꞌana a rāua pa he aŋa iŋa nei ꞌā o mātou.

2 Kōrinto 8:19

Te kope nei o te ŋā taina mau nei ꞌā i haꞌataꞌa mo hokorua takoꞌa mai ꞌi te mātou ara ki Hērutarema maꞌu i te moni mo te taina veve o ira. Te meꞌe nei he rāveꞌa e tahi mo haꞌahana-hana o te taŋata ki te ꞌAtua ꞌe mo takeꞌa i te haŋa o mātou mo hāꞌūꞌū.

2 Kōrinto 8:21

Te meꞌe haŋa o mātou he aŋa riva-riva i te aŋa nei ki te mata o te ꞌAtua, ꞌe pē ira takoꞌa ꞌana ki te mata o te taŋata.

Ēfeto 5:15

ꞌO ira, e uꞌi te kōrua noho iŋa. ꞌIna ko ai pa he noho iŋa o te nuꞌu taꞌe ꞌite mo haka topa i te manaꞌu.

1 Tētārōnika 5:22

ꞌE e haka tapa kōrua mai te meꞌe taꞌe tano taꞌatoꞌa.