2 Kōrinto 8:11 - Rapa Nui

¹¹ Te meꞌe haŋa: he haka mao i rā aŋa hai meꞌe tara o kōrua hai koa takeꞌa mau era ꞌā e au i a kōrua ꞌi muꞌa ꞌā hora manaꞌu era mo aŋa i rā meꞌe.

2 Kōrinto 8:11 ပူးပေါင်းရင်းမြစ်များ

2 Kōrinto 8:12

Mo ai ꞌi roto i te kōrua māhatu te haŋa parautiꞌa mo vaꞌai, ꞌe te meꞌe vaꞌai e kōrua e tano rō ꞌā ki te meꞌe ai o kōrua, he koa te ꞌAtua. ꞌIna, paꞌi, a ia he no-noꞌi mai ꞌata rahi te meꞌe ki te meꞌe ai o tātou mo vaꞌai.

2 Kōrinto 8:19

Te kope nei o te ŋā taina mau nei ꞌā i haꞌataꞌa mo hokorua takoꞌa mai ꞌi te mātou ara ki Hērutarema maꞌu i te moni mo te taina veve o ira. Te meꞌe nei he rāveꞌa e tahi mo haꞌahana-hana o te taŋata ki te ꞌAtua ꞌe mo takeꞌa i te haŋa o mātou mo hāꞌūꞌū.

2 Kōrinto 8:3

He mataꞌite a au e vaꞌai era hai māhatu e haka tano ki te meꞌe ai o rāua, ꞌe ꞌātā ꞌata rahi rō atu. Te nuꞌu nei, hai manaꞌu mau ꞌā o rāua,

2 Kōrinto 9:2

Ko ꞌite riva-riva ꞌana, paꞌi, e au e haŋa rō ꞌana a kōrua mo hāꞌūꞌū. ꞌE tāꞌaku aŋa he ꞌaꞌamu nō hai koa ki te nuꞌu o Mātērōnia pē nei ē: mai tū matahiti oti era ꞌā, a kōrua, te nuꞌu o Ākāia, e haŋa rō ꞌana mo hāꞌūꞌū. ꞌE te rahi raꞌa o te nuꞌu o ira ko haŋa takoꞌa ꞌā mo hāꞌūꞌū i te aŋa nei, he ꞌite i te rahi o te haŋa o kōrua mo hāꞌūꞌū.