2 Kōrinto 7:8 - Rapa Nui8 I ꞌite era e au i māui-ui rō te kōrua māhatu ꞌi te parau pāpaꞌi atu era e au, tē rā ia au ka manaꞌu: ko te ꞌaroha ꞌō i haka maꞌu atu ai. ꞌE hora nei, ka ai atu ꞌi rā parau i māui-ui ai te kōrua māhatu, ko kore ꞌana te haka ꞌaroha era ōꞌoku mo kōrua ꞌo te ai kai māuꞌa a au i pāpaꞌi atu ai. အခန်းကိုကြည့်ပါ။ |
2 Kōrinto 7:8
15 ပူးပေါင်းရင်းမြစ်များ
He ꞌui haka ꞌou ia e Ietū: —E Tīmona, e te poki ꞌa Iovani ē, ¿e haŋa rō mai ꞌana koe? He oꞌo te māui-ui ꞌi roto i te māhatu o Pētero ꞌo te ꞌui haka ꞌou o Ietū i tū vānaŋa era, ꞌe he pāhono: —E Ietū, e ꞌite tahi rō ꞌana a koe i te meꞌe, ꞌe ko ꞌite takoꞌa ꞌana koe e haŋa rō atu ꞌana a au. He kī haka ꞌou e Ietū: —E hāpaꞌo koe i tāꞌaku māmoe.
Ka uꞌi rā he aha he aha te meꞌe riva-riva poreko mai te meꞌe ŋaroꞌa era e kōrua: ko haŋa ꞌana kōrua mo haka tī-tika i te meꞌe hape o roto i te nūnaꞌa taŋata ⌊haka moe i te manaꞌu⌋ ꞌi ruŋa i a Ietū o Kōrinto, ko riri ꞌana kōrua mo te meꞌe taꞌe tano aŋa era e rā kope, ꞌe ko riꞌa-riꞌa ꞌana ꞌo haka ūtuꞌa atu i a kōrua e te ꞌAtua ananake ko rā kope. Ko haŋa takoꞌa ꞌana a kōrua mo oho atu ōꞌoku mo uꞌi i a kōrua, ko ꞌata haꞌatura ꞌana a kōrua i tāꞌaku meꞌe kī atu era ꞌe ko haka ūtuꞌa ꞌā i rā kope. Hai ŋā meꞌe nei e takeꞌa ena: ꞌina e tahi hape o kōrua o rā meꞌe topa era.
ꞌE taꞌe nō hai tuꞌu iŋa mai era ōꞌona, takoꞌa hai ꞌite mai e koa rō ꞌana ꞌi a kōrua. Ko ꞌaꞌamu mai ꞌana e ia i te rahi o te kōrua haŋa mo takeꞌa i a mātou, ꞌe ko ꞌaꞌamu takoꞌa mai ꞌana i te māui-ui e maꞌu ena ꞌi roto i te kōrua māhatu he manaꞌu rahi mai o kōrua ki a au. He ꞌata koa rō atu ꞌai a au ꞌi te ŋā meꞌe taꞌatoꞌa nei.
ꞌE, ko koa ꞌana a au, taꞌe ꞌō ꞌo te māui-ui o te kōrua māhatu, ꞌo te ai hai rā māui-ui i hārui haka ꞌou ai te kōrua manaꞌu ki te ꞌAtua. Te meꞌe ŋaroꞌa era e kōrua he meꞌe haŋa o te ꞌAtua mo tāꞌana nuꞌu. ꞌI te ai pē ira, ꞌina ia a mātou kai aŋa atu i te meꞌe taꞌe tano ki a kōrua hai rā meꞌe pāpaꞌi atu era e au.
ကြော်ငြာတွေ