2 Kōrinto 7:7 - Rapa Nui

⁷ ꞌE taꞌe nō hai tuꞌu iŋa mai era ōꞌona, takoꞌa hai ꞌite mai e koa rō ꞌana ꞌi a kōrua. Ko ꞌaꞌamu mai ꞌana e ia i te rahi o te kōrua haŋa mo takeꞌa i a mātou, ꞌe ko ꞌaꞌamu takoꞌa mai ꞌana i te māui-ui e maꞌu ena ꞌi roto i te kōrua māhatu he manaꞌu rahi mai o kōrua ki a au. He ꞌata koa rō atu ꞌai a au ꞌi te ŋā meꞌe taꞌatoꞌa nei.

2 Kōrinto 7:7 ပူးပေါင်းရင်းမြစ်များ

Māteo 26:75

He topa te manaꞌu o Pētero ki tū meꞌe kī era e Ietū: «E ko ꞌoꞌoa hia te moa ka kī rō ena e koe e toru kī iŋa kai ꞌite koe ko ai a au». He eꞌa ia a Pētero he oho mai tū kona era, ꞌe he toꞌo rō atu ꞌai te taŋi.

Māteo 5:4

Ko te koa i te nuꞌu taŋi ꞌe ꞌamo i te ꞌati; e haka koa rō a rāua e te ꞌAtua.

Ruka 22:44

ꞌI te rahi o te māui-ui ꞌi roto i te māhatu, ko ꞌata hau ꞌā e pure era, ꞌe ꞌai te nu-nui o te paꞌahia e toto rō ꞌā e viri era.]

Aŋa o te ꞌĀpōtoro 11:23

I tuꞌu era he takeꞌa pē hē i haꞌamaitai ai e te ꞌAtua i rā nuꞌu. He toꞌo rō atu ꞌai te koa ꞌe he haka haŋu he oho i rā nuꞌu mo haka hio-hio mo oho nō i te manaꞌu ꞌi ruŋa i a Ietū.

Rōmano 1:12

Te kī: ki haka pūai tātou i a tātou ꞌā ꞌi te haka moe iŋa i te manaꞌu ꞌi ruŋa i a Ietū.

1 Kōrinto 5:2

Ka ai atu pē ira, ko te teꞌo-teꞌo iŋa ꞌā a kōrua pē nei ē: ko ꞌite riva-riva ꞌana a kōrua i te meꞌe o te ꞌAtua. Te tano mau: e māui-ui te kōrua māhatu ꞌi te meꞌe tuꞌu pē nā. Te taŋata aŋa i te meꞌe tuꞌu pē nei e haka eꞌa mai roto i a kōrua.

2 Kōrinto 1:14

i te mātou māhatu ꞌe i te mātou meꞌe aŋa, ki koa ai kōrua mo mātou, ꞌe pē ira takoꞌa ꞌana a mātou mo kōrua ꞌi te hora o te hoki iŋa mai o te tātou Pūꞌoko Haka Tere ko Ietū.

2 Kōrinto 1:4

ꞌI roto i te tātou ꞌati taꞌatoꞌa he haka koa ꞌe he haka pūai nō mai te aŋa e ia, mo ꞌite takoꞌa o tātou mo haka koa ꞌe mo haka pūai i te nuꞌu e ai rō ꞌana te rāua ꞌati hai hāꞌūꞌū vaꞌai mau mai era ꞌā e ia.

2 Kōrinto 2:9

ꞌI ruŋa i tāꞌaku parau raꞌe era i pāpaꞌi atu ai a au o ruŋa i rā kope ꞌe o ruŋa i te kōrua meꞌe mo aŋa ki a ia, mo uꞌi hoki e haꞌatura rō mai kōrua.

2 Kōrinto 5:2

E noho nei tātou hai hakari nei he ꞌu-ꞌū nō te aŋa ꞌi te ꞌati ꞌamo e tātou. Te meꞌe haŋa he tuꞌu hōrou mai te hora mo kamiare o te hakari nei ki te hakari ꞌāpī o te raŋi.

2 Kōrinto 7:6

ꞌE, o te ꞌAtua, haka pūai i te nuꞌu ꞌina he haŋu toe, i haka pūai mai i a mātou hai tuꞌu iŋa mai o Tito.

2 Kōrinto 7:8

I ꞌite era e au i māui-ui rō te kōrua māhatu ꞌi te parau pāpaꞌi atu era e au, tē rā ia au ka manaꞌu: ko te ꞌaroha ꞌō i haka maꞌu atu ai. ꞌE hora nei, ka ai atu ꞌi rā parau i māui-ui ai te kōrua māhatu, ko kore ꞌana te haka ꞌaroha era ōꞌoku mo kōrua ꞌo te ai kai māuꞌa a au i pāpaꞌi atu ai.

2 Kōrinto 8:16

Māuru-uru ki te ꞌAtua ꞌo te haka poreko ꞌi roto i te manaꞌu o Tito te haŋa mo hāꞌūꞌū atu ki a kōrua pē au.

Fīripo 1:20

Tāꞌaku meꞌe hopeꞌa o te haŋa he taꞌe aŋa ōꞌoku e tahi meꞌe ꞌo haꞌamā a au ꞌi muꞌa i a Ietū, ꞌe he vānaŋa he oho ōꞌoku o ruŋa i a ia hai pūai, pa he meꞌe nei e aŋa atu ena ki ꞌaŋarīnā, ki takeꞌa ai e te nuꞌu i te nui-nui o Ietū hai meꞌe taꞌatoꞌa aŋa ꞌe kī e au, ꞌo, ana haŋa te ꞌAtua, hai mate iŋa ōꞌoku.

Kōrosa 2:5

ꞌE, ka taꞌe ai atu a au ꞌi muri i a kōrua, he manaꞌu nō atu tāꞌaku aŋa ꞌe e koa rō ꞌā a au ꞌo te ai o kōrua e tahi mau nō manaꞌu ꞌe ꞌo te haka hio-hio i te kōrua manaꞌu ꞌi ruŋa i a Ietū.

1 Tētārōnika 3:6

ꞌE hora nei, ꞌī ko hoki mai ꞌā a Timoteo mai Tētārōnika e maꞌu rō mai ꞌana i te parau ꞌāpī riva-riva o ruŋa i a kōrua pē nei ē: ko te haka moe iŋa ꞌana kōrua i te manaꞌu ꞌi ruŋa i a Ietū ꞌe ko te haŋa iŋa ꞌana kōrua ꞌi roto i a kōrua ꞌā. Ko kī mai ꞌā he manaꞌu nō te aŋa o kōrua hai māhatu ki a mātou, ꞌe e rahi rō ꞌana te haŋa mo takeꞌa haka ꞌou i a mātou, pa he haŋa iŋa nei ꞌā o mātou mo takeꞌa i a kōrua.

1 Tētārōnika 3:8

I ꞌite era, paꞌi, e mātou ko te haka noho iŋa ꞌana a kōrua i te manaꞌu ꞌi ruŋa i a Ietū, he ŋaroꞌa e mātou i te ora.

ꞌEvereo 2:1

ꞌI te ai he parautiꞌa te ŋā meꞌe taꞌatoꞌa nei, e uꞌi e maꞌu riva-riva te roŋo ŋaroꞌa e tātou, ꞌo haka tapa mai te ara parautiꞌa o te ꞌAtua.

Tanatiako 5:17

Te perofeta era ko ⌊ꞌĒria⌋ he taŋata pē tātou ꞌā. I pure era hai māhatu mo taꞌe hoa o te ꞌua, kai hoa te ꞌua e toru matahiti ꞌe te ꞌafa.

2 Iovani 1:4

Ko koa riva-riva ꞌana a au ꞌo te ꞌite pē nei ē: e ai rō ꞌana te tētahi nuꞌu o roto i a kōrua e tano rō ꞌana te noho iŋa ki te hāpī parautiꞌa o te ꞌAtua, pa he meꞌe kī mai e ia.

Hura 1:3

E te taina, ko haŋa ꞌana a au mo pāpaꞌi atu o ruŋa i te eꞌa iŋa mai roto i te ūtuꞌa o te hara ꞌe te ravaꞌa iŋa i te ora ꞌāpī ꞌina he hopeꞌa raꞌa, he meꞌe ai i a kōrua ꞌe i a au. ꞌE, ko uꞌi ꞌana e au ꞌi te hora nei, te meꞌe ꞌāꞌaku mo hōrou mo pāpaꞌi atu: e maꞌu hio-hio ꞌi roto i te kōrua māhatu te hāpī parautiꞌa vaꞌai mai e te ꞌAtua ki a tātou ki te nuꞌu haꞌataꞌa e ia māꞌana ꞌe e hāpaꞌo ꞌo huri hai manaꞌu taŋata.