2 Kōrinto 7:3 - Rapa Nui

³ Taꞌe he riri mo kōrua e kī atu ena i te ŋā meꞌe nei. ꞌI muꞌa ꞌā, paꞌi, i kī rō atu au e maꞌu rō ꞌana a au i a kōrua ꞌi roto i tōꞌoku māhatu; ka ora ꞌo ka mate a au, e ko kore kōrua mai roto.

2 Kōrinto 7:3 ပူးပေါင်းရင်းမြစ်များ

2 Kōrinto 11:11

Te taꞌe no-noꞌi atu ōꞌoku mo hāꞌūꞌū mai, ¿e taꞌe haŋa atu ꞌana a au ki a kōrua? ¡He ꞌAtua te meꞌe i ꞌite e haŋa rō atu ꞌana a au!

2 Kōrinto 12:15

ꞌE hai koa a au ka haka pau tahi atu ena i tāꞌaku meꞌe mo kōrua, ꞌe ꞌātā i a au mau nei ꞌā mo te kōrua riva-riva. Mo ꞌata haŋa atu ia ōꞌoku ki a kōrua, ¿he rehe he oho hō te kōrua haŋa iŋa mai?

2 Kōrinto 13:10

E pāpaꞌi atu ena a au i te parau nei ꞌi raꞌe ki tōꞌoku oho iŋa atu, ꞌo ai, hora ena ōꞌoku ka tuꞌu atu ena, he haka ūtuꞌa atu au i a kōrua hai parau vaꞌai mai e te tātou Pūꞌoko Haka Tere, parau vaꞌai mai mo haka pūai i te nuꞌu haka moe i te manaꞌu ꞌi ruŋa i a ia, taꞌe ꞌō mo haꞌataꞌa i a rāua mai muri i a ia.

2 Kōrinto 3:2

Ko kōrua, paꞌi, te mātou parau haka ꞌite ko ai a mātou pāpaꞌi ꞌi roto i te māhatu, te auraꞌa: hai uꞌi i te kōrua noho iŋa tano, e ꞌite ena e te taŋata taꞌatoꞌa: te meꞌe aŋa e mātou meꞌe riva-riva.

2 Kōrinto 7:12

Hora pāpaꞌi atu era ōꞌoku i rā parau, tōꞌoku manaꞌu taꞌe ꞌi ruŋa i te kope hara era, ꞌo ꞌi ruŋa i te kope māui-ui era o te māhatu ꞌi rā hara. Ko ꞌite ꞌana e te ꞌAtua: tōꞌoku manaꞌu i pāpaꞌi atu ai mo aŋi-aŋi e kōrua i te rahi o te haŋa o kōrua mo mātou.

Fīripo 1:7

Taꞌe he meꞌe mo māere te manaꞌu ōꞌoku i te ŋā meꞌe nei mo kōrua; e maꞌu rō ꞌana, paꞌi, au i a kōrua ꞌi roto i tōꞌoku māhatu. A kōrua, paꞌi, ka ai a au ꞌi roto i te hare maꞌuꞌaurī ꞌo ꞌi muꞌa o te nuꞌu ra-rahi e haka aŋi-aŋi ꞌā pē nei ē: he parautiꞌa mau ꞌā te ⌊roŋo riva-riva o te ꞌAtua⌋, ko te hokorua iŋa nō mai ꞌā kōrua ꞌi tāꞌaku aŋa vaꞌai mai e te ꞌAtua hai riva rahi ōꞌona.

1 Tētārōnika 2:8

Pē ira te haŋa o mātou ki a kōrua. ꞌO ira te meꞌe i aŋa o mātou ꞌi roto i a kōrua taꞌe nō he haka ꞌite atu i te ⌊roŋo riva-riva o te ꞌAtua⌋, i aŋa takoꞌa rō i te meꞌe nō era mo hāꞌūꞌū atu, ꞌi te rahi o te mātou haŋa mo kōrua.