2 Kōrinto 7:2 - Rapa Nui

² ¡E mātaki mai te kōrua māhatu! ꞌIna, paꞌi, a mātou kai aŋa atu e tahi meꞌe taꞌe tano, kai aŋa atu e tahi meꞌe mo haka tapa e tahi o kōrua mai te ara parautiꞌa o te ꞌAtua, ꞌe kai reo-reo atu mātou mo ravaꞌa moni.

2 Kōrinto 7:2 ပူးပေါင်းရင်းမြစ်များ

Māteo 10:14

»ꞌE mo taꞌe haŋa mo toꞌo i a kōrua ki te rāua hare ꞌe mo taꞌe haka roŋo atu i te kōrua vānaŋa, ka eꞌa mai rā hare ꞌo mai te kona era ꞌi ira a kōrua ꞌe ꞌai ka tū-tū rō te puŋaꞌehu mai ruŋa i te kōrua vaꞌe mo haka ꞌite ki te nuꞌu o rā kona: ka topa era ꞌi ruŋa i a rāua te ūtuꞌa o te ꞌAtua, he hape o rāua mau ꞌā.

Māteo 10:40

»Te kope toꞌo hāpaꞌo i a kōrua e toꞌo ꞌā i a au; ꞌe te kope toꞌo i a au e toꞌo ꞌana i te kope uŋa mai i a au.

Ruka 10:8

»Ka tuꞌu ena kōrua ki te kona e haŋa rō atu ꞌana te nuꞌu, e kai te meꞌe mo vaꞌai atu.

Aŋa o te ꞌĀpōtoro 20:33

»Ki te hora hopeꞌa kai fiꞌiꞌi a au ki te moni ꞌe ki te kahu o tētahi.

Rōmano 16:18

A rāua, paꞌi, taꞌe he tāvini o te tātou Pūꞌoko Haka Tere he Kiritō; he tāvini o te meꞌe pohe ꞌe haŋa nō o rāua. Hai vānaŋa koroꞌiti ꞌe reka e reo-reo ena ki te nuꞌu māhatu rehe-rehe taꞌe manaꞌu e aŋa rō ꞌō e te rua i te meꞌe taꞌe tano ki a rāua.

2 Kōrinto 1:12

E te taina, e koa nei a mātou ꞌi te meꞌe era e haka ꞌite rō mai ꞌana e te mātou māhatu pē nei ē: te noho iŋa o mātou ꞌi roto i a kōrua ꞌe ꞌi roto i te taŋata taꞌatoꞌa hai moꞌa ꞌe hai parautiꞌa o te ꞌAtua. A mātou e haka tere nei hai haka moe i te manaꞌu ꞌi ruŋa i te riva rahi o te ꞌAtua, ꞌe taꞌe ꞌō hai mārama-rama o te taŋata.

2 Kōrinto 11:16

ꞌĪ a au he kī haka ꞌou atu: ꞌina kōrua ko manaꞌu e maꞌa-maꞌa rō ꞌana a au. ꞌE mo ai pē ira e manaꞌu ena, ka haka rē mai ia mo vānaŋa atu ōꞌoku pa he maꞌa-maꞌa, ki tano takoꞌa ai au mo teꞌo-teꞌo ꞌiti-ꞌiti atu o ruŋa i a au mau ꞌā,

2 Kōrinto 11:9

ꞌE, ꞌi rā hora era ōꞌoku ꞌi muri i a kōrua, e hape era tāꞌaku meꞌe, ꞌina a au he no-noꞌi atu. O te taina tuꞌu mai mai Mātērōnia i hāꞌūꞌū mai. A au, paꞌi, e uꞌi rō ꞌana ꞌo riro a au he meꞌe paŋahaꞌa e tahi mo kōrua, ꞌe pē ira a au e aŋa e oho nei ꞌi te kona taꞌatoꞌa o Ākāia. ꞌO ira, ꞌina e tahi kope o rā ŋā kona mo kī i tōꞌoku reo-reo ana teꞌo-teꞌo a au o ruŋa i te taꞌe no-noꞌi i te moni mo haka ꞌite i te roŋo riva-riva o te ꞌAtua. ꞌE tāꞌaku vānaŋa nei e kī atu ena pa he parautiꞌa ena ꞌā o tāꞌaku vānaŋa taꞌatoꞌa kī atu o ruŋa i te Kiritō.

2 Kōrinto 4:2

A mātou e hārui rō ꞌana hai tuaꞌivi i te meꞌe taꞌe tano taꞌatoꞌa aŋa e te taŋata e naꞌa rō ꞌana ꞌo haꞌamā, ꞌe, takoꞌa, ꞌina a mātou he reo-reo ꞌe he huri i te vānaŋa o te ꞌAtua. Te ꞌAtua ko ꞌite ꞌana he parautiꞌa mau nō te meꞌe haka ꞌite e mātou o ruŋa i a ia, ꞌe taꞌatoꞌa taŋata manaꞌu riva-riva e ꞌite takoꞌa rō ꞌā: te mātou meꞌe kī he parautiꞌa.

Fīripo 2:29

Ka tuꞌu atu ena a ia, e toꞌo kōrua hai māhatu, pa he taina haka moe i te manaꞌu ꞌi ruŋa i a Ietū. Te nuꞌu pē ia e moꞌa e kōrua.

Kōrosa 4:10

ꞌĪ a Aritarako e ꞌaroha atu ena mo kōrua; a ia he hokorua ōꞌoku ꞌi roto i te hare maꞌuꞌaurī. ꞌE a Marko, poki o te taina poreko o te matuꞌa o Verenāvē, ꞌī e ꞌaroha takoꞌa atu ena mo kōrua. ꞌE nā a au ko pāpaꞌi atu ꞌā o ruŋa i a ia; ana tuꞌu atu, e hāpaꞌo riva-riva.

1 Tētārōnika 2:10

ꞌE a kōrua he mataꞌite, ꞌe pē ira ꞌana te ꞌAtua: te mātou noho iŋa ꞌi muri i a kōrua i te nuꞌu ⌊haka moe i te manaꞌu⌋ ꞌi ruŋa i a Ietū, noho iŋa tī-tika, tano ki te mata o te ꞌAtua, ꞌe ꞌina e tahi hape mo tuhi e te taŋata.

Firemono 1:12

Nā ko haka hoki haka ꞌou atu ꞌana e au: a ia he māhatu ōꞌoku.

Firemono 1:17

ꞌO ira, mo ai he hokorua haŋa rahi mau ꞌā tāua ꞌi te aŋa o te ꞌAtua, ka toꞌo haka ꞌou atu koe i a ia ki tuꞌu hare, pa he toꞌo iŋa ōꞌou i a au mo ai ko au nā meꞌe.

2 Iovani 1:10

ꞌE mo tuꞌu atu o te taŋata ki te kōrua hare e hāpī ꞌā o ruŋa i te ꞌAtua, ꞌe tāꞌana meꞌe hāpī taꞌe he hāpī parautiꞌa ꞌa Ietū, ꞌina ko toꞌo ki roto i tuꞌu hare ꞌe ꞌina ko ꞌaroha.