2 Kōrinto 7:14 - Rapa Nui

¹⁴ Ko haka paka era ꞌana e au ki a Tito: a kōrua nuꞌu haꞌatura, ꞌe ꞌina kai hape rā vānaŋa era ꞌāꞌaku. Ko takeꞌa ꞌā, paꞌi, e Tito, he parautiꞌa, pa he meꞌe taꞌatoꞌa kī atu e mātou ki a kōrua.

2 Kōrinto 7:14 ပူးပေါင်းရင်းမြစ်များ

Iovani 17:19

Mo te riva-riva o rāua, he haꞌataꞌa a au i a au mo tāvini atu ki a koe, ki haꞌataꞌa parautiꞌa atu ai a rāua mo tāvini atu ki a koe.

2 Kōrinto 10:8

ꞌE mo ai tāꞌue i rahi rō tōꞌoku teꞌo-teꞌo iŋa atu: i a au te parau mo haka tere i a kōrua a te ara parautiꞌa o te ꞌAtua, e ko haꞌamā a au. O te tātou Pūꞌoko Haka Tere, paꞌi, i vaꞌai mai mo haka pūai atu i te kōrua haka moe iŋa i te manaꞌu ꞌi ruŋa i a ia, taꞌe ꞌō mo haka tapa i te kōrua manaꞌu mai ruŋa.

2 Kōrinto 12:6

ꞌE, ka haŋa atu a au mo haka paka atu o ruŋa i rā meꞌe, e ko riro he meꞌe maꞌa-maꞌa e tahi ꞌi te meꞌe era e kī atu ꞌana a au i te parautiꞌa. ꞌE ꞌina a au he aŋa pē ira, ꞌo manaꞌu tāꞌue rō e te nuꞌu: te meꞌe haka nui-nui i a au he toꞌo iŋa o te Kiritō i a au ki te raŋi, ꞌe taꞌe ꞌō he noho iŋa tano ꞌe he hāpī iŋa parautiꞌa ōꞌoku, he meꞌe takeꞌa ꞌe ŋaroꞌa e rāua.

2 Kōrinto 2:13

ꞌE, ꞌi te taꞌe takeꞌa e au i te tātou taina era ko Tito, kai riva-riva a au mo noho ꞌi ira. He haka rē ia a au i te nuꞌu taina o ira ꞌe he eꞌa he oho rō ꞌai a au ki Mātērōnia.

2 Kōrinto 7:13

He ꞌite o mātou ko haka tano tahi ꞌana e kōrua i te meꞌe pāpaꞌi atu era i ꞌata haŋu ai a mātou. Ka ai atu pē ira, ꞌata hau rō atu te mātou koa ꞌi te takeꞌa i a Tito e koa rō ꞌā mo kōrua. Hai meꞌe aŋa era e kōrua i ꞌata haka haŋu ai i a ia.

2 Kōrinto 7:4

E koa rō ꞌana a au mo kōrua, ꞌe e vānaŋa atu ena taꞌe hai riꞌa-riꞌa. Ka ai atu e ꞌamo rō ꞌana a mātou i te ꞌati, ko te pūai iŋa ꞌana tōꞌoku manaꞌu ꞌe ko te koa iŋa ꞌana a au.

2 Kōrinto 7:6

ꞌE, o te ꞌAtua, haka pūai i te nuꞌu ꞌina he haŋu toe, i haka pūai mai i a mātou hai tuꞌu iŋa mai o Tito.

2 Kōrinto 8:24

E kuā taina, e hāpaꞌo kōrua i a rāua hai haŋa, ki takeꞌa ai e tū ŋā nuꞌu uŋa atu ena i a rāua, he parautiꞌa mau ꞌā te mātou meꞌe kī o ruŋa i a kōrua.

Fīripo 1:26

Pē ira he tuꞌu haka ꞌou atu a au ki muri i a kōrua, ꞌe he ꞌata haꞌamuri kōrua ki a Ietū ꞌo te hāꞌūꞌū mai mo hoki haka ꞌou atu ki a kōrua ena.

2 Tētārōnika 1:4

ꞌO ira a mātou e vānaŋa nei hai koa o ruŋa i a kōrua ꞌi roto i te nuꞌu ⌊haka moe i te manaꞌu⌋ ꞌi ruŋa i a Ietū ꞌi te kona taꞌatoꞌa tuꞌu o mātou. E ꞌaꞌamu rō ꞌā e mātou pē hē kōrua e haka moe e oho nō ena i te manaꞌu ꞌi ruŋa i a Ietū, ꞌina he ꞌaka-ꞌaka te kōrua manaꞌu, ka ai atu e rahi rō ꞌana te ꞌati topa atu ꞌe e ai rō ꞌana te nuꞌu tute i a kōrua mo tōtōā.