2 Kōrinto 7:10 - Rapa Nui

¹⁰ Ko rā māui-ui te māui-ui māhatu haŋa o te ꞌAtua, he meꞌe haka hārui i te manaꞌu o te taŋata ki a ia, maꞌu i a rāua mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa. ꞌE te māui-ui māhatu pē ira taꞌe he ꞌati. Te māui-ui māhatu o te taŋata taꞌe haŋa ki te ꞌAtua, taꞌe haka hārui i te manaꞌu o te taŋata ki ruŋa i te ꞌAtua, he meꞌe maꞌu i te taŋata ki te mate, te auraꞌa, he haꞌataꞌa mau rō ꞌāvai mai muri i te ꞌAtua.

2 Kōrinto 7:10 ပူးပေါင်းရင်းမြစ်များ

Māteo 26:75

He topa te manaꞌu o Pētero ki tū meꞌe kī era e Ietū: «E ko ꞌoꞌoa hia te moa ka kī rō ena e koe e toru kī iŋa kai ꞌite koe ko ai a au». He eꞌa ia a Pētero he oho mai tū kona era, ꞌe he toꞌo rō atu ꞌai te taŋi.

Ruka 15:10

»ꞌĪ a au he kī atu: pē ira takoꞌa ꞌana ka koa ena te merahi o te ꞌAtua mo te kope hara huri o te manaꞌu ki te ꞌAtua».

Ruka 18:13

»ꞌE tū kope haka ꞌauhau moni era mo te rōmano, i haka ꞌava-ꞌava i māroa ai ꞌe a raro ꞌā te mata e uꞌi era, he tiŋi-tiŋi koroꞌiti i tōꞌona uma koia ko kī: “¡E te ꞌAtua ē! ¡Ka haka ꞌaroha mai koe; he taŋata hara a au!”.

Aŋa o te ꞌĀpōtoro 11:18

I ŋaroꞌa era e te taina taꞌatoꞌa o Hērutarema i te ŋā meꞌe nei, ꞌina kai ai haka ꞌou te vānaŋa mo kī ꞌe he haꞌamata he haka nui-nui i te ꞌAtua e kī era: «¡Ko te riva i te ꞌAtua i vaꞌai takoꞌa ai ki te nuꞌu taꞌe he hūrio i te rāveꞌa mo huri o te manaꞌu ki a ia ꞌe mo ravaꞌa e rāua i te ora ꞌāpī ꞌina he hopeꞌa raꞌa!».

Aŋa o te ꞌĀpōtoro 3:19

»ꞌO ira, ⌊ka huri te manaꞌu ki te ꞌAtua⌋ ꞌe ꞌai ka haka tapa rō mai roto i te hara, ki haka kore atu ai e ia i te kōrua hara.

2 Kōrinto 12:21

E riꞌa-riꞌa takoꞌa rō ꞌana a au ꞌo haꞌamā a au i a kōrua ꞌi muꞌa i te ꞌAtua ꞌi tōꞌoku ara oho uꞌi atu i a kōrua, ꞌe he taŋi a au ꞌi te rahi o kōrua mai muꞌa ꞌā e hara e oho mai ena ꞌina he haka rē i te meꞌe taꞌe tano pa he moe i te viꞌe ꞌe i te taŋata taꞌe he kenu ꞌe he viꞌe ꞌāꞌana, ꞌe he tētahi atu meꞌe taꞌe tano pohe e te hakari.

2 Kōrinto 7:9

ꞌE, ko koa ꞌana a au, taꞌe ꞌō ꞌo te māui-ui o te kōrua māhatu, ꞌo te ai hai rā māui-ui i hārui haka ꞌou ai te kōrua manaꞌu ki te ꞌAtua. Te meꞌe ŋaroꞌa era e kōrua he meꞌe haŋa o te ꞌAtua mo tāꞌana nuꞌu. ꞌI te ai pē ira, ꞌina ia a mātou kai aŋa atu i te meꞌe taꞌe tano ki a kōrua hai rā meꞌe pāpaꞌi atu era e au.

ꞌEvereo 12:17

Ko ꞌite ꞌana a kōrua pē hē i hopeꞌa ai rā meꞌe. I haŋa era a Etaū mo vaꞌai e tōꞌona matuꞌa tane i te haꞌamaitai o te ꞌatariki, ka ai atu i taŋi rahi rō, kai ravaꞌa i rā meꞌe haŋa era e ia; ꞌina, paꞌi, he rāveꞌa toe mo haka hoki i te meꞌe a tuꞌa.