2 Kōrinto 6:8 - Rapa Nui

⁸ E ai rō ꞌā te nuꞌu haka nui-nui i a mātou, ꞌe te nuꞌu parauꞌino mai. E ai rō ꞌā te nuꞌu vānaŋa riva-riva ꞌe te nuꞌu vānaŋa rake-rake o ruŋa i a mātou. A rāua he kī nō mai te aŋa i te mātou reo-reo, ka ai atu he parautiꞌa te mātou meꞌe kī.

2 Kōrinto 6:8 ပူးပေါင်းရင်းမြစ်များ

Māteo 10:25

Te meꞌe topa ki te maꞌori hāpī e ko taꞌe topa takoꞌa ki tāꞌana nuꞌu hāpī, ꞌe te meꞌe topa ki te taŋata ꞌāꞌana te haka aŋa e ko taꞌe topa takoꞌa ki tōꞌona tāvini. Mo kī mai e te nuꞌu ki a au ko ⌊Veresepupa⌋, pē ira takoꞌa ꞌā ka kī atu ena ki a kōrua ki tāꞌaku nuꞌu hāpī.

Māteo 22:16

He uŋa ki a Ietū i te rāua nuꞌu hāpī ananake ko te nuꞌu peꞌe ki a ⌊ꞌErore⌋ kī: —E te Maꞌori, ko ꞌite ꞌana a mātou: taꞌa meꞌe vānaŋa he parautiꞌa, e hāpī rō ꞌana koe i te ara parautiꞌa o te ꞌAtua, ꞌe ꞌina koe he haka tano i taꞌa vānaŋa ki te manaꞌu o te taŋata; taꞌe, paꞌi, mo haka koa i a rāua koe e vānaŋa ena.

Māteo 27:63

he kī: —E te suerekao, ko manaꞌu ꞌana a mātou ki te vānaŋa kī e tū reo-reo era ꞌi te hora e ora nō ꞌā pē nei ē: ꞌi te toru mahana he ora haka ꞌou a ia.

Marko 12:14

He kī e rā nuꞌu: —E te Maꞌori, ko ꞌite ꞌana a mātou: taꞌa meꞌe kī he parautiꞌa. ꞌIna koe he haka tano i a koe ki te vānaŋa kī e te nuꞌu, ꞌe ꞌina koe he vānaŋa mo haka koa i a rāua. Te meꞌe hāpī ꞌāꞌau he ara parautiꞌa o te ꞌAtua. Ki tuꞌu manaꞌu, ¿ko tano mau ꞌā a tātou e ꞌauhau nei i te moni kī mo ꞌauhau ki te ꞌariki o te rōmano? ¿E ꞌauhau ꞌo ꞌina?

Iovani 7:12

Te nuꞌu o ira e vānaŋa rahi rō ꞌana o ruŋa i a Ietū. Tētahi e kī era: «He taŋata riva»; e tētahi atu e kī era: «Taŋata taꞌe riva; e reo-reo ꞌana ki te taŋata».

Aŋa o te ꞌĀpōtoro 10:22

He pāhono e tū nuꞌu era: —A mātou o te kape vaꞌehau ko Koronerio i uŋa mai. A ia he taŋata aŋa i te meꞌe tī-tika, haꞌamuri ki te ꞌAtua ꞌe te hūrio e haŋa rahi rō ꞌā ki a ia. O te merahi e tahi i kī mo uŋa mai ki a koe, mo oho ōꞌou ki tōꞌona hare mo haka roŋo atu ōꞌona i taꞌa meꞌe ka kī ena.

Aŋa o te ꞌĀpōtoro 16:39

He oho he kī e rā nuꞌu ki a Pauro ararua ko Tira mo haka rehu i tū meꞌe aŋa era e rāua. He haka eꞌa ia mai roto i te hare maꞌuꞌaurī ꞌe he ani mo oho rō ꞌai mai Fīripo.

Aŋa o te ꞌĀpōtoro 22:12

ꞌI ira e tahi taŋata te ꞌīŋoa ko ꞌĀnānia, taŋata moꞌa ꞌe haꞌatura ki te ⌊haka tere iŋa ꞌa Mōtē⌋. Te hūrio taꞌatoꞌa o rā kona e vānaŋa riva-riva rō ꞌā o ruŋa i a ia.

Aŋa o te ꞌĀpōtoro 24:5

Ki te mātou uꞌi te taŋata ena he ꞌati e tahi: he oho nō te aŋa a te kona taꞌatoꞌa haka tumu i te ture ꞌi roto i te ⌊hūrio⌋. A ia he pūꞌoko haka tere e tahi o te nuꞌu maꞌu i te hāpī reo-reo o tū kope era o Nātāreta.

Aŋa o te ꞌĀpōtoro 28:22

E haŋa rō ꞌā a mātou mo ꞌite i tuꞌu manaꞌu o ruŋa i te hāpī ⌊kiritiano⌋ ꞌo te ai ko ꞌite ꞌā e mātou: ꞌi te kona taꞌatoꞌa e vānaŋa taꞌe tano rō ꞌā o ruŋa.

Aŋa o te ꞌĀpōtoro 4:21

ꞌE, ꞌi te taꞌe ꞌite o tū nuꞌu ra-rahi era pē hē a rāua ana haka ūtuꞌa i a kuā Pētero ꞌo riri te nuꞌu, he haka riꞌa-riꞌa haka ꞌou ꞌe ꞌai ka haka eꞌa. Te taŋata taꞌatoꞌa, paꞌi, e haꞌahana-hana ꞌana ki te ꞌAtua o ruŋa o tū meꞌe topa era, ꞌo ira te nuꞌu ra-rahi e riꞌa-riꞌa era.

Aŋa o te ꞌĀpōtoro 6:3

ꞌO ira, e te ŋā taina ē, ka uꞌi a roto o kōrua e hitu taŋata riva-riva ꞌī e te pūai o te ⌊Vārua Maitai⌋ mo maꞌu i te aŋa ena.

Rōmano 3:8

ꞌE, mo ai pē ira, ¿he aha ia ana taꞌe aŋa i te meꞌe taꞌe tano ki ai ai te meꞌe riva-riva?». O ruŋa i te kī iŋa nei te tētahi nuꞌu e vānaŋa taꞌe tano ena mōꞌoku. Pē nei e kī ena: ꞌāꞌaku te hāpī pē ira. Te nuꞌu ena ko tano riva-riva ꞌā mo haka ūtuꞌa e te ꞌAtua.

2 Kōrinto 1:18

Te ꞌAtua he kope aŋa i tāꞌana meꞌe kī ꞌe he mataꞌite pē nei ē: a mātou takoꞌa. Mo kī atu o mātou «ꞌē-ē», ꞌē-ē mau ꞌā; ꞌe mo kī atu «ꞌina», ꞌina mau ꞌā.

2 Kōrinto 11:21

¡Ko te haꞌamā ꞌō ꞌi te pūai kore o mātou mo meꞌe takoꞌa atu pē rāua! ꞌE, ꞌi te meꞌe era ꞌina a rāua he riꞌa-riꞌa mo teꞌo-teꞌo, ꞌina takoꞌa ia a au e ko riꞌa-riꞌa, ka ai atu pa he kope maꞌa-maꞌa a au e vānaŋa atu ena.

2 Kōrinto 12:16

Ko ꞌite riva-riva ꞌana a kōrua pē nei ē: ꞌi te hora era ōꞌoku ꞌi muri i a kōrua ꞌina a au kai ai pa he meꞌe paŋahaꞌa e tahi mo kōrua mo ꞌamo. Ka ai atu pē ira, tētahi o kōrua nā e haꞌaꞌino rō ꞌā pē nei ē: hai mārama-rama ꞌe hai reo-reo a au i toke ai i a kōrua.

2 Kōrinto 4:2

A mātou e hārui rō ꞌana hai tuaꞌivi i te meꞌe taꞌe tano taꞌatoꞌa aŋa e te taŋata e naꞌa rō ꞌana ꞌo haꞌamā, ꞌe, takoꞌa, ꞌina a mātou he reo-reo ꞌe he huri i te vānaŋa o te ꞌAtua. Te ꞌAtua ko ꞌite ꞌana he parautiꞌa mau nō te meꞌe haka ꞌite e mātou o ruŋa i a ia, ꞌe taꞌatoꞌa taŋata manaꞌu riva-riva e ꞌite takoꞌa rō ꞌā: te mātou meꞌe kī he parautiꞌa.

1 Tētārōnika 2:3

Te meꞌe haka ꞌite atu era, paꞌi, e mātou, he parautiꞌa, ꞌe taꞌe hai manaꞌu taꞌe tano ꞌo hai manaꞌu mo reo-reo i haka ꞌite atu ai.

1 Timoteo 3:7

E ai takoꞌa he taŋata e moꞌa rō ꞌana e te nuꞌu taꞌe haka moe i te manaꞌu ꞌi ruŋa i a Ietū. Pē ira e ko vānaŋa taꞌe tano o ruŋa i rā kope ꞌe e ko ravaꞌa e Rukifero.

1 Timoteo 4:10

Mo ira, e Timoteo ē, e aŋa ꞌe e haka ꞌuhu e oho nei a tātou ꞌi te aŋa o te ꞌAtua ora, ꞌo te ꞌite e tātou e haka tano tahi rō i tāꞌana meꞌe kī. ꞌĀꞌana, paꞌi, te haka eꞌa i te taŋata taꞌatoꞌa mai roto i te ūtuꞌa o te hara ꞌe te vaꞌai i te ora ꞌāpī ꞌina he hopeꞌa raꞌa ana haka moe i te manaꞌu ꞌi ruŋa i a Ietū.

ꞌEvereo 13:13

ꞌO ira, e te taina ē, ki eꞌa tātou ki haho ki a Ietū ki ꞌamo takoꞌa i te haꞌamā ꞌamo e ia, te auraꞌa: ꞌina tātou ko maꞌu haka ꞌou i te meꞌe o te haka tere iŋa raꞌe era o te ꞌAtua ananake ko te taŋata. Ki haka moe ki oho nō tātou i te manaꞌu ꞌi ruŋa i a Ietū, nōatu te nuꞌu taꞌe haka au mai i a tātou ꞌo te peꞌe ki a ia.

1 Pētero 4:14

E koa kōrua mo vā-vā atu e te nuꞌu ꞌo te ai o kōrua ꞌa Ietū Kiritō; hai meꞌe nei e ꞌite ena: te ⌊Vārua Maitai⌋ pūai o te ꞌAtua nā ꞌi ruŋa i a kōrua ꞌi te hora taꞌatoꞌa.

3 Iovani 1:12

Te taina taꞌatoꞌa e vānaŋa riva-riva rō ꞌā o ruŋa i a Remeterio, ꞌe hai noho iŋa tano ōꞌona e takeꞌa ena he taŋata riva-riva. A mātou takoꞌa e vānaŋa riva-riva rō ꞌā o ruŋa i a ia, ꞌe ko ꞌite ꞌana e koe he parautiꞌa te mātou meꞌe kī.

Meꞌe Haka Takeꞌa 3:9

ꞌE, te nuꞌu ꞌa Rukifero kī atu: he ⌊hūrio⌋ a rāua ꞌe taꞌe mau pē ira, he haka tū-turi atu e au ꞌi muꞌa i a koe, ki ꞌite ai pē nei ē: e haŋa rō atu ꞌana a au ki a koe.