2 Kōrinto 6:6 - Rapa Nui

⁶ E takeꞌa takoꞌa ena he tāvini mātou o te ꞌAtua hai noho iŋa taꞌe hara o mātou, hai ꞌite i te parautiꞌa o ruŋa i a ia, hai riva o mātou, hai haꞌaoromaꞌi o mātou i te rua, hai ai o te ⌊Vārua Maitai⌋ ꞌi roto i a mātou, hai haŋa parautiꞌa ki te rua,

2 Kōrinto 6:6 ပူးပေါင်းရင်းမြစ်များ

Rōmano 12:9

E haŋa kōrua ki te rua hai māhatu. ꞌIna ko haŋa ki te meꞌe taꞌe tano; e haka noho te manaꞌu ꞌi ruŋa i te meꞌe tano ki te mata o te ꞌAtua.

Rōmano 15:19

ꞌe, takoꞌa, hai mana aŋa e au hai pūai vaꞌai mai e te Vārua o te ꞌAtua. Pē ira i haka mao riva-riva ai a au i te aŋa vaꞌai mai he haka ꞌite he oho i te roŋo riva-riva o ruŋa i te Kiritō mai Hērutarema ki te kona taꞌatoꞌa, ꞌātā ka tuꞌu rō ki Iriria.

1 Kōrinto 12:8

O te Vārua Maitai te vaꞌai ki te tētahi taŋata i te pūai mo vānaŋa i te vānaŋa mārama-rama; ꞌe o te Vārua Maitai takoꞌa ꞌā te vaꞌai ki te rua i te pūai mo haka ꞌite i te meꞌe hōhonu o te ꞌAtua haka ꞌite e ia mau ꞌā ki rā taŋata.

1 Kōrinto 13:4

Te kope haka tere i a ia hai haŋa parautiꞌa e ꞌite rō ꞌā i te haꞌaoromaꞌi. A ia he taŋata riva, taꞌe fiꞌiꞌi, taꞌe teꞌo-teꞌo, taꞌe manaꞌu i hau rō atu a ia ki te rua,

1 Kōrinto 2:16

E kī rō ꞌana, paꞌi, ꞌi ruŋa i te Pāpaꞌi Moꞌa: «¿Ko ai te kope ꞌite i te manaꞌu o te ꞌAtua? ¿Ko ai te kope mo hāpī i a ia?». ꞌE, he manaꞌu o te ⌊Kiritō⌋ te meꞌe i a tātou.

1 Kōrinto 2:4

E vānaŋa atu era a au o ruŋa i te roŋo o te ꞌAtua, taꞌe hai vānaŋa mārama-rama e haka ꞌite atu era; o te ⌊Vārua Maitai⌋ te haka ꞌite atu he parautiꞌa rā vānaŋa era ꞌāꞌaku,

2 Kōrinto 1:23

He ꞌAtua te meꞌe i ꞌite, e te taina ē, pē nei ē: a au i taꞌe tuꞌu atu ai mo uꞌi i a kōrua ꞌo ture atu a au o ruŋa i te meꞌe taꞌe tano aŋa e kōrua ꞌo mamae te kōrua māhatu ꞌi tāꞌaku vānaŋa.

2 Kōrinto 11:11

Te taꞌe no-noꞌi atu ōꞌoku mo hāꞌūꞌū mai, ¿e taꞌe haŋa atu ꞌana a au ki a kōrua? ¡He ꞌAtua te meꞌe i ꞌite e haŋa rō atu ꞌana a au!

2 Kōrinto 11:4

ꞌE, nā kōrua e haka roŋo ꞌā hai koa ki te nuꞌu vānaŋa atu o ruŋa i te Ietū kē ki te Ietū haka ꞌite atu era e mātou. E haka roŋo takoꞌa ꞌana hai koa ki te roŋo kē taꞌe hāpī atu e mātou, ꞌe ki te vārua kē taꞌe ki te ⌊Vārua Maitai⌋ noho ꞌi roto i a kōrua.

2 Kōrinto 11:6

He aŋi ꞌana, pēaha, kope taꞌe haka kē a au mo vānaŋa. Ka ai atu pē ira, e ꞌite rō ꞌana a au i te hāpī parautiꞌa o ruŋa i te ꞌAtua, ꞌe ko haka takeꞌa ko oho atu ꞌā hai meꞌe taꞌatoꞌa aŋa e mātou.

2 Kōrinto 12:15

ꞌE hai koa a au ka haka pau tahi atu ena i tāꞌaku meꞌe mo kōrua, ꞌe ꞌātā i a au mau nei ꞌā mo te kōrua riva-riva. Mo ꞌata haŋa atu ia ōꞌoku ki a kōrua, ¿he rehe he oho hō te kōrua haŋa iŋa mai?

2 Kōrinto 13:10

E pāpaꞌi atu ena a au i te parau nei ꞌi raꞌe ki tōꞌoku oho iŋa atu, ꞌo ai, hora ena ōꞌoku ka tuꞌu atu ena, he haka ūtuꞌa atu au i a kōrua hai parau vaꞌai mai e te tātou Pūꞌoko Haka Tere, parau vaꞌai mai mo haka pūai i te nuꞌu haka moe i te manaꞌu ꞌi ruŋa i a ia, taꞌe ꞌō mo haꞌataꞌa i a rāua mai muri i a ia.

2 Kōrinto 2:10

Te meꞌe haŋa ꞌi te hora nei he haka rehu e kōrua i te meꞌe taꞌe tano aŋa era e rā kope. Rā meꞌe ko haka rehu ꞌana e au, ꞌe ko ꞌite ꞌana e te ⌊Kiritō⌋: hai māhatu a au i haka rehu ai. I aŋa ai a au pē ira mo te kōrua riva-riva,

2 Kōrinto 2:4

ꞌE, hora pāpaꞌi atu era ōꞌoku i rā parau, i manaꞌu rahi rō atu a au ki a kōrua ꞌe i rahi rō te mamae o tōꞌoku māhatu, ꞌātā i taŋi rō a au. Ka ai atu pē ira, taꞌe i pāpaꞌi atu ai mo haka māui-ui i te kōrua māhatu; mo haka ꞌite atu i te rahi o tōꞌoku haŋa mo kōrua.

2 Kōrinto 3:3

A kōrua he parau pāpaꞌi e te ⌊Kiritō⌋ hai mātou, parau taꞌe hai ꞌārahu i pāpaꞌi ai, hai ⌊Vārua Maitai⌋ o te ꞌAtua, ꞌe taꞌe ꞌi ruŋa i te māꞌea pa he roŋo pāpaꞌi e ⌊Mōtē⌋; i pāpaꞌi ai ꞌi roto i te māhatu o te taŋata.

2 Kōrinto 4:6

O te ꞌAtua kī era pē nei ē: «Ka ai te mōrī ꞌi roto i te pōhāhā», te haka māꞌeha i te mātou manaꞌu mo haka māꞌeha takoꞌa e mātou i te manaꞌu o te tētahi nuꞌu hai haka ꞌite i te pūai ꞌe i te nui-nui o te ꞌAtua takeꞌa ꞌi ruŋa i a Ietū Kiritō.

2 Kōrinto 7:2

¡E mātaki mai te kōrua māhatu! ꞌIna, paꞌi, a mātou kai aŋa atu e tahi meꞌe taꞌe tano, kai aŋa atu e tahi meꞌe mo haka tapa e tahi o kōrua mai te ara parautiꞌa o te ꞌAtua, ꞌe kai reo-reo atu mātou mo ravaꞌa moni.

Karatia 3:2

Iā. ꞌĪ a au he ꞌui atu: ¿Te Vārua Maitai o roto i a kōrua hai haꞌatura ki te ⌊haka tere iŋa ꞌa Mōtē⌋ ꞌo hai haka moe i te manaꞌu ꞌi ruŋa i a Ietū? ¿Taꞌe ꞌō hai haka moe i te manaꞌu ꞌi ruŋa i a Ietū?

Karatia 3:5

Ka haka topa rā te kōrua manaꞌu he aha te ꞌAtua e vaꞌai atu ena i te Vārua Maitai ꞌe e aŋa ena i te mana ꞌi roto i a kōrua. ꞌO te haka moe o kōrua i te manaꞌu ꞌi ruŋa i a Ietū ꞌe ꞌi ruŋa i tāꞌana roŋo, taꞌe ꞌō ꞌo te haꞌatura ki te haka tere iŋa ꞌa Mōtē.

Karatia 5:22

ꞌE te meꞌe poreko ꞌi roto i te nuꞌu haka tere e te Vārua Maitai ko te ŋā meꞌe nei: he haŋa, he koa, he haumārū, he ꞌite mo haꞌaoromaꞌi, he huru riva, he māhatu ꞌaroha, he haka tano iŋa i te meꞌe kī,

Ēfeto 3:4

Ki taiꞌo, he aŋi-aŋi e kōrua e ꞌite rō ꞌana a au i rā parautiꞌa era o ruŋa i a Ietū,

Ēfeto 4:2

ꞌIna ko manaꞌu i hau rō atu kōrua ki te rua, ꞌina ko ꞌōhumu, ꞌina ko riri tahaŋa, ꞌe e ꞌite kōrua mo haꞌaoromaꞌi hai haŋa i te rua.

Ēfeto 4:32

E ai kōrua he nuꞌu riva, māhatu ꞌaroha, ꞌite i te haka rehu i te meꞌe taꞌe tano aŋa atu e te rua, pa he haka rehu iŋa era e te ꞌAtua i te kōrua hara hai Ietū Kiritō.

Kōrosa 1:27

nuꞌu ki a rāua te ꞌAtua i haŋa ai mo haka ꞌite pē nei ē: te hauhaꞌa taꞌatoꞌa o rā parautiꞌa mo te nuꞌu taꞌe hūrio takoꞌa. ꞌE rā parautiꞌa ko te meꞌe nei: a Ietū Kiritō e noho takoꞌa rō ꞌana, hai Vārua Maitai, ꞌi roto i a kōrua i te nuꞌu taꞌe hūrio. ꞌE hai noho atu ōꞌona ꞌi roto i a kōrua he ꞌite kōrua pē nei ē: pe muꞌa ka oho ena a kōrua takoꞌa ꞌi roto i tōꞌona nui-nui, te auraꞌa: i a kōrua takoꞌa tōꞌona huru riva.

Kōrosa 2:3

Māꞌana mau nō e hāꞌūꞌū mai mo aŋi-aŋi riva-riva i te roŋo nui-nui nei.

Kōrosa 3:12

Te ꞌAtua e haŋa rō ꞌana ki a kōrua ꞌe ko haꞌataꞌa ꞌana i a kōrua māꞌana. ꞌO ira, e riro kōrua nuꞌu māhatu ꞌaroha, nuꞌu riva, nuꞌu taꞌe manaꞌu i hau rō atu ki te rua, nuꞌu haumārū, ꞌe nuꞌu ꞌite i te haꞌaoromaꞌi.

1 Tētārōnika 2:10

ꞌE a kōrua he mataꞌite, ꞌe pē ira ꞌana te ꞌAtua: te mātou noho iŋa ꞌi muri i a kōrua i te nuꞌu ⌊haka moe i te manaꞌu⌋ ꞌi ruŋa i a Ietū, noho iŋa tī-tika, tano ki te mata o te ꞌAtua, ꞌe ꞌina e tahi hape mo tuhi e te taŋata.

1 Timoteo 4:12

E uꞌi ꞌo taꞌe haka au rō atu ꞌo te ai ōꞌou he taŋata ꞌāpī. Hai huru o tuꞌu vānaŋa ꞌe o tuꞌu noho iŋa, hai haŋa ōꞌou ki te rua, hai huru o tuꞌu haka moe iŋa i te manaꞌu ꞌi ruŋa i te ꞌAtua ꞌe hai noho iŋa hara kore ana haka takeꞌa ki te tētahi nuꞌu haka moe i te manaꞌu ꞌi ruŋa i a Ietū pē hē takoꞌa a rāua ana ai.

1 Timoteo 5:2

Ki te ŋā viꞌe paꞌari e moꞌa koe pa he matuꞌa vahine ōꞌou; ꞌe ki te ŋā viꞌe ꞌāpī e moꞌa ꞌe e haŋa pa he taina vahine ōꞌou.

2 Timoteo 3:10

ꞌE a koe, e Timoteo ē, ko ꞌite riva-riva ꞌana i tāꞌaku meꞌe hāpī, i te huru o tōꞌoku noho iŋa, i tāꞌaku meꞌe haŋa mo aŋa, i tōꞌoku haka moe iŋa i te manaꞌu ꞌi ruŋa i a Ietū, i tōꞌoku haumārū, i tōꞌoku haŋa ki te rua ꞌe i tōꞌoku haꞌaoromaꞌi iŋa i te ꞌati hai pūai

2 Timoteo 4:2

e haka ꞌite e oho koe, e Timoteo ē, i te roŋo o te ꞌAtua, ka haŋa ꞌe ka taꞌe haŋa e te nuꞌu mo haka roŋo atu. Hai haumārū ana hāpī ꞌe ana haka ꞌite i te rāua hape, ana ture, ꞌe ana haka haŋu i te rāua manaꞌu.

Tito 2:7

ꞌE a koe, e Tito ē, e haka tere koe ꞌi te hora taꞌatoꞌa hai meꞌe tano, ki takeꞌa ai e te nuꞌu pē hē a rāua ana haka tere. E hāpī koe ki te taina hai parautiꞌa, hai pūai o tuꞌu māhatu,

Tanatiako 3:17

ꞌE te nuꞌu mai te ꞌAtua te rāua ꞌite, te meꞌe raꞌe he noho iŋa taꞌe hara, ꞌe te rāua huru: haumārū, riva ꞌe ꞌite i te moꞌa. A rāua takoꞌa nuꞌu māhatu ꞌaroha, uꞌi i te taꞌatoꞌa pē tū huru tahi ꞌā, kī i te parautiꞌa, ꞌe aŋa i te meꞌe riva-riva.

1 Pētero 1:12

ꞌE te ꞌAtua i haka ꞌite rō ki rā ŋā perofeta pē nei ē: te roŋo haka ꞌite oho era e rāua he meꞌe mo topa pe muꞌa ka oho era, te auraꞌa, ꞌi te noho iŋa nei o tātou, ꞌe taꞌe ꞌō ꞌi te rāua noho iŋa era. ꞌE ko rā roŋo te meꞌe i haka ꞌite atu ki a kōrua e te nuꞌu haka ꞌite oho i te roŋo riva-riva nei o ruŋa i a Ietū hai pūai o te ⌊Vārua Maitai⌋ uŋa mai mai te raŋi. ꞌE ꞌātā te merahi e haŋa rō ꞌana mo aŋi-aŋi o ruŋa i te roŋo nei o te haka eꞌa iŋa o te taŋata mai roto i te ūtuꞌa o te hara.

1 Pētero 1:22

ꞌI te haꞌatura o kōrua ki te roŋo parautiꞌa i haka kore ai e te ꞌAtua i te kōrua hara, ki haŋa parautiꞌa ai kōrua ki te kōrua taina. ꞌO ira, e haŋa e oho ꞌi roto i a kōrua hai māhatu ꞌe hai pūai.

1 Iovani 3:18

E te ŋā poki ꞌāꞌaku ē, ꞌina ko ai te tātou haŋa ki te rua hai haha nō; te tātou haŋa e haka takeꞌa hai meꞌe riva-riva aŋa e tātou.