2 Kōrinto 6:5 - Rapa Nui

⁵ i te tiŋaꞌi, i te puru ꞌi roto i te hare maꞌuꞌaurī, i te haka tumu i te ture, i te aŋa paŋahaꞌa, i te taꞌe haꞌuru ꞌe i te maruaki.

2 Kōrinto 6:5 ပူးပေါင်းရင်းမြစ်များ

Māteo 14:10

He kī mo oho ki roto i te hare maꞌuꞌaurī ꞌe mo paꞌo i te pūꞌoko o Iovani.

Māteo 14:3

I kī ai pē ira e ꞌErore ꞌo te ai ꞌāꞌana i uŋa i haka puru i a Iovani hai ꞌEroria, viꞌe ⌊hāipo-ipo⌋ o tōꞌona taina ko Fīripo

Māteo 9:15

He pāhono e Ietū: —¿E taꞌe koa ꞌe e taꞌe kai mau rō te nuꞌu ꞌi te ŋoŋoro hāipo-ipo ꞌi te hora ꞌi muri i a rāua te kope ōꞌona te hāipo-ipo? Nā, paꞌi, e tano rō te hora he toꞌo i rā kope mai muri i a rāua; ꞌi rā hora ka tapu iho era.

Aŋa o te ꞌĀpōtoro 13:3

I oti era te pure ꞌe te tapu i te kai, he haka eke i te rima ki ruŋa i te pūꞌoko o Verenāvē ꞌe o Sauro ꞌe he haꞌamaitai. I oti era he haka oho.

Aŋa o te ꞌĀpōtoro 14:19

He tuꞌu ia te nuꞌu hūrio mai Antiokia o Pitiria ꞌe mai Īkōnio, ꞌe hai vānaŋa o rāua, i haka riri ai i te nuꞌu o ira mo kuā Pauro. ꞌO ira i tamaꞌi ai i a Pauro hai māꞌea ꞌe, ꞌi te manaꞌu ko mate ꞌā, he to-toi he oho ki haho o tū kona era ko Rītara.

Aŋa o te ꞌĀpōtoro 14:23

He haꞌataꞌa ia e kuā Pauro, ꞌi te ŋā kona nei a to-toru, i te ŋāŋata mo pūꞌoko haka tere o te nūnaꞌa haka moe i te manaꞌu ꞌi ruŋa i a Ietū. He pure ꞌe he tapu i te kai koia ko rā nuꞌu taꞌatoꞌa. I oti era he ani e kuā Pauro ki a Ietū, he kope ꞌi ruŋa e haka moe tahi era i te manaꞌu, mo hāpaꞌo i a rāua.

Aŋa o te ꞌĀpōtoro 17:5

Hai meꞌe nei i mākota ai te hūrio taꞌe haka moe i te manaꞌu ꞌi ruŋa i a Ietū. He haka taka-taka ia i te nuꞌu hupe-hupe o te ara aŋa i te meꞌe taꞌe tano, ꞌe hai rā nuꞌu i haka riri ai i te nuꞌu o Tētārōnika mo kuā Pauro. Te nuꞌu hupe-hupe nei i tuꞌu i uru nō ki roto i te hare o Hātō kimi i a Pauro ararua ko Tira mo ꞌa-ꞌaru mo vaꞌai ki tū nuꞌu riri era.

Aŋa o te ꞌĀpōtoro 20:31

»ꞌO ira, e uꞌi ꞌo haka tapa kōrua mai te hāpī parautiꞌa o te ꞌAtua. E manaꞌu pē hē a au e hāpī atu era e tahi e tahi o kōrua, te pō te ꞌōtea, ꞌi roto i te matahiti e toru. ꞌE i rahi rō te mahana i taŋi ai a au mo kōrua.

Aŋa o te ꞌĀpōtoro 23:10

I ꞌata pūai era te ture, he riꞌa-riꞌa te kōmana ꞌo tiŋaꞌi e te nuꞌu i a Pauro ki te piꞌi-piꞌi. ꞌO ira i kī ai ki te vaꞌehau mo toꞌo i a Pauro ꞌe mo maꞌu haka ꞌou ki tū kona hare era o rāua.

Aŋa o te ꞌĀpōtoro 23:35

he kī: «Ki tuꞌu mai te nuꞌu horo i a koe, ka haka roŋo ena a au i te rāua ture mōꞌou». He kī ia mo puru i a Pauro ꞌi roto i te hare aŋa e ⌊ꞌErore⌋ ꞌe mo ꞌauario.

Aŋa o te ꞌĀpōtoro 24:27

Pē ira i aŋa ai e Fēriki e rua matahiti. I oho era he eꞌa mai te suerekao, ꞌe he oꞌo te taŋata e tahi te ꞌīŋoa ko Porotio Feto. ꞌE, ꞌi te haŋa o Fēriki mo riva-riva nō ōꞌona ki te mata o te hūrio, ꞌina kai haka eꞌa i a Pauro.

Aŋa o te ꞌĀpōtoro 26:10

ꞌe pē ira i aŋa ai e au ꞌi Hērutarema. Meꞌe rahi nuꞌu haka moe i te manaꞌu ꞌi ruŋa i a Ietū i haka puru e au ꞌi roto i te hare maꞌuꞌaurī, o te nuꞌu ⌊oromatuꞌa ra-rahi⌋ i haꞌatiꞌa mai. ꞌE, hora tiŋaꞌi haka mate era i rā nuꞌu, i tano rō ki a au.

Aŋa o te ꞌĀpōtoro 26:29

He kī e Pauro: —Ka roa ꞌo ka taꞌe roa, ꞌī a au e ani rō ꞌā ki te ꞌAtua mo riro ōꞌou ꞌe o te nuꞌu taꞌatoꞌa haka roŋo mai ꞌi ꞌaŋarīnā he nuꞌu haka moe i te manaꞌu ꞌi ruŋa i a Ietū pē au ꞌā. Te meꞌe haŋa nō ꞌāꞌaku he taꞌe puru ꞌe he taꞌe here-here i a kōrua hai vivi pē au.

Aŋa o te ꞌĀpōtoro 28:30

E rua matahiti o Pauro i noho ai ꞌi te hare e ꞌauhau e ia. Ki ira te nuꞌu taꞌatoꞌa e oho era mo uꞌi.

Aŋa o te ꞌĀpōtoro 5:18

he haka ꞌa-ꞌaru i te ꞌāpōtoro ꞌe he haka maꞌu he puru ꞌi roto i te hare maꞌuꞌaurī.

1 Kōrinto 15:10

ꞌE, hai riva rahi o te ꞌAtua e tuꞌu nei a au pē nei, ꞌe ꞌina kai taꞌe hauhaꞌa rā riva rahi era ōꞌona. Te parautiꞌa, ꞌata hau tōꞌoku aŋa ki te tētahi ꞌāpōtoro, ka ai atu, taꞌe ko au mau ꞌā rā meꞌe, he ꞌAtua, ꞌi tōꞌona riva rahi, e hāꞌūꞌū mai era.

1 Kōrinto 4:11

ꞌĀtā ki ꞌaŋarīnā e ŋaroꞌa rō ꞌana e mātou te maruaki ꞌe te pohe ki te vai. E kore rō ꞌana te mātou kahu mo uru, e tōtōā rō mai ꞌana e te nuꞌu, e kore rō ꞌā te mātou kona mo noho

1 Kōrinto 7:5

ꞌO ira, ꞌina e tahi o rāua mo kī ki te rua ꞌina he haŋa mo piri tane, mo taꞌe ai ꞌi raꞌe i haꞌaꞌau ai ararua mo taꞌe piri ꞌi te tētahi mahana mo pure ki te ꞌAtua. Ki oti rā ŋā mahana he piri haka ꞌou, ꞌo taꞌe ravaꞌa rō mo haka noho i te hakari ꞌe he haka hara e Rukifero.

2 Kōrinto 11:27

ꞌI rā ŋā ara takoꞌa i rahi rō tāꞌaku aŋa ꞌe i rohi-rohi rō a au; i rahi rō te mahana ꞌina a au kai haꞌuru; ꞌi tōꞌona mahana i maruaki rō ꞌe i pohe rō ki te vai. I ai rō te mahana ꞌina a au kai kai, ꞌe kē mahana i takeꞌo rō ꞌi te kahu kore mo puꞌa.

Ēfeto 3:1

A au, a Pauro, i puru nei ꞌi roto i te hare maꞌuꞌaurī ꞌo te aŋa ki a Ietū Kiritō mo te riva-riva o kōrua o te nuꞌu taꞌe he hūrio.

Fīripo 1:13

Te nuꞌu ꞌauario o te hare o te ꞌariki ꞌe te taꞌatoꞌa haka ꞌou atu nuꞌu o nei ko ꞌite ꞌana e puru atu ena a au ꞌi roto i te hare maꞌuꞌaurī ꞌo te haka ꞌite ōꞌoku o ruŋa i a Ietū.

1 Tētārōnika 2:9

E te taina, ko ꞌite ꞌana a kōrua pē hē mātou e aŋa era, ka pō ka ꞌōtea, mo ravaꞌa moni mo te mātou meꞌe hape hora era o mātou ꞌi muri i a kōrua, ꞌo ai mātou he meꞌe paŋahaꞌa e tahi mo ꞌamo e kōrua.

1 Timoteo 4:10

Mo ira, e Timoteo ē, e aŋa ꞌe e haka ꞌuhu e oho nei a tātou ꞌi te aŋa o te ꞌAtua ora, ꞌo te ꞌite e tātou e haka tano tahi rō i tāꞌana meꞌe kī. ꞌĀꞌana, paꞌi, te haka eꞌa i te taŋata taꞌatoꞌa mai roto i te ūtuꞌa o te hara ꞌe te vaꞌai i te ora ꞌāpī ꞌina he hopeꞌa raꞌa ana haka moe i te manaꞌu ꞌi ruŋa i a Ietū.

2 Timoteo 1:8

ꞌIna koe ko riꞌa-riꞌa mo vānaŋa o ruŋa i te tātou Pūꞌoko Haka Tere ko Ietū Kiritō, ꞌe ꞌina koe ko haꞌamā ꞌo tōꞌoku puru ꞌi roto i te hare maꞌuꞌaurī. Hai pūai o te ꞌAtua, mai ki haꞌaoromaꞌi ki oho i te ꞌati mo topa mai ꞌo te haka ꞌite i te roŋo riva-riva o ruŋa i a Ietū.

2 Timoteo 2:9

ꞌO te haka ꞌite ꞌo te oho ōꞌoku i te roŋo ena i topa mai ai te ꞌati, ꞌātā ki te roa ko here-here ꞌana i a au hai vivi pa he taparahi-taꞌata. ꞌE, ka ai atu ko here-here ꞌana i a au, te vānaŋa o te ꞌAtua e ko ravaꞌa mo haka noho.

2 Timoteo 4:5

ꞌE a koe, e ꞌite i te hāito i taꞌa meꞌe kī ꞌe i taꞌa meꞌe aŋa, e haꞌaoromaꞌi hai pūai i te ꞌati, e haka ꞌite e oho i te ⌊roŋo riva-riva o ruŋa i a Ietū Kiritō⌋, ꞌe e aŋa riva-riva taꞌa aŋa.

ꞌEvereo 11:36

Tētahi atu i haka meꞌe-meꞌe ꞌe i tiŋaꞌi hai ꞌuaka, ꞌe ꞌātā i here-here hai vivi ꞌe i puru ꞌi roto i te hare maꞌuꞌaurī.

ꞌEvereo 13:17

E haꞌatura ki te pūꞌoko haka tere o kōrua o te nuꞌu haka moe i te manaꞌu ꞌi ruŋa i a Ietū. E haka rē mo rāua e haka tere atu. O rāua, paꞌi, te hāpaꞌo i a kōrua pa he nuꞌu ꞌite: pe muꞌa ka oho ena he haka ꞌite e rāua ki te ꞌAtua pē hē i aŋa ai i te rāua aŋa. Mo haka rē o kōrua i a rāua mo haka tere atu, he koa ꞌi te rāua aŋa ꞌe e ko ai he meꞌe paŋahaꞌa e tahi mo ꞌamo. ꞌE mo taꞌe aŋa o kōrua pē ira, e ko ai ia mo te kōrua riva-riva.

ꞌEvereo 13:23

Mo ꞌite o kōrua: te tātou taina ko Timoteo ko eꞌa ꞌana mai roto i te hare maꞌuꞌaurī. Mo hōrou ōꞌona mo tuꞌu mai, he maꞌu atu e au ꞌi te hora ōꞌoku ka oho atu ena uꞌi i a kōrua.

Meꞌe Haka Takeꞌa 2:10

’ꞌIna koe ko riꞌa-riꞌa ꞌi te ꞌati ka topa ena. Tētahi o kōrua e puru rō ꞌi roto i te hare maꞌuꞌaurī hai Rukifero, he rāveꞌa e tahi mo haka ꞌatu atu i a kōrua taꞌatoꞌa. E hoꞌe ꞌahuru mahana ka ꞌamo ena kōrua i rā ꞌati. E haka noho e oho nō koe i tuꞌu manaꞌu ꞌi ruŋa i a au ka ai atu he mate koe ꞌo te aŋa pē ira, ꞌe he vaꞌai atu e au i te ora ꞌāpī ꞌina he hopeꞌa raꞌa mo haka koa i a koe.