2 Kōrinto 6:4 - Rapa Nui

⁴ Hai meꞌe taꞌatoꞌa aŋa e mātou e takeꞌa ena he tāvini parautiꞌa mātou o te ꞌAtua. E haꞌaoromaꞌi rō ꞌana, paꞌi, mātou hai haumārū i te ꞌati, i te meꞌe kore,

2 Kōrinto 6:4 ပူးပေါင်းရင်းမြစ်များ

Ruka 21:19

ꞌO ira, e haka noho nō te kōrua manaꞌu ꞌi ruŋa i a au ki ravaꞌa ai e kōrua i te ora ꞌāpī ꞌina he hopeꞌa raꞌa vaꞌai e te ꞌAtua.

Iovani 16:33

E kī atu ena au i te meꞌe taꞌatoꞌa nei mo noho kōrua ꞌi roto i te haumārū ꞌo te ai o kōrua ꞌāꞌaku. ꞌI te ao nei e ꞌamo rō kōrua i te ꞌati. Kiahio kōrua; ko rē ꞌana, paꞌi, a au ki te kope ꞌāꞌana te haka tere i te ao.

Aŋa o te ꞌĀpōtoro 2:22

»E te itaraera ē, ka haka roŋo mai te meꞌe nei ka kī atu ena: A kōrua ko ꞌite riva-riva ꞌana: hai meꞌe nu-nui aŋa e Ietū ꞌe hai mana aŋa e ia i haka takeꞌa atu ai e te ꞌAtua: a Ietū o Nātāreta he taŋata uŋa mai e ia.

Aŋa o te ꞌĀpōtoro 20:34

A kōrua e ꞌite riva-riva rō ꞌana: hai rima mau nei ꞌā ōꞌoku e aŋa era mo ravaꞌa i te meꞌe mo mātou ko te nuꞌu o muri i a au.

Aŋa o te ꞌĀpōtoro 9:16

E haka takeꞌa rō e au i te rahi o te ꞌati ka topa ena ꞌi ruŋa i a ia ꞌo te haka ꞌite ꞌo te oho o ruŋa i a au.

Rōmano 14:18

Te nuꞌu tāvini pē nei ki te ⌊Kiritō⌋ he koa te ꞌAtua, ꞌe ki te mata o te taŋata e tano rō ꞌā.

Rōmano 16:10

E ꞌaroha ki a Āpere, he kope ko haka takeꞌa mai ꞌana i te pūai o tōꞌona haka moe iŋa i te manaꞌu ꞌi ruŋa i a Ietū, ꞌe, takoꞌa, ki te huaꞌai o Aritovuro.

Rōmano 3:5

Nā pēaha te nuꞌu hai manaꞌu taŋata mau nō ka kī ena pē nei ē: «Mo ai hai meꞌe taꞌe tano aŋa e tātou e takeꞌa ena: te meꞌe taꞌatoꞌa aŋa e te ꞌAtua he meꞌe tī-tika, e ko tano ia te ꞌAtua mo haka ūtuꞌa i a tātou».

Rōmano 5:8

Oho iŋa kē ia to te ꞌAtua; hora era ꞌi roto i te hara ꞌana a tātou, i uŋa nō mai i te Kiritō mo mate mo ꞌauhau o te tātou hara. Pē ira i haka takeꞌa mai ai ki a tātou i tōꞌona haŋa.

1 Kōrinto 3:5

Ka haka topa rā te kōrua manaꞌu. ¿Ko ai a Pauro ꞌe ko ai a ꞌĀporo? He tāvini nō o te ꞌAtua, ꞌe mai i a rāua a kōrua e haka moe ena i te manaꞌu ꞌi ruŋa i a Ietū. Te meꞌe aŋa nō o māua he meꞌe kī mai e te ꞌAtua.

1 Kōrinto 4:1

E manaꞌu kōrua i a mātou i te nuꞌu haka ꞌite i te ⌊roŋo riva-riva o te ꞌAtua⌋ pa he tāvini nō o te ⌊Kiritō⌋ uŋa mo haka ꞌite i te meꞌe manaꞌu e te ꞌAtua mo aŋa taꞌe haka ꞌite mai ꞌi muꞌa ꞌā.

1 Kōrinto 9:11

A mātou ko ꞌoka ꞌana i te meꞌe o te ⌊Vārua Maitai⌋ ꞌi roto i te kōrua māhatu. ꞌE ki te kōrua kī, ¿e ko tano a mātou mo no-noꞌi atu e tahi meꞌe ki a kōrua?

2 Kōrinto 11:23

¿He tāvini a rāua o te Kiritō? ꞌAta hau rō atu tōꞌoku tāvini iŋa ki te Kiritō ki a rāua, ka ai atu ꞌi tōꞌoku kī i te meꞌe nei, e vānaŋa ꞌana a au pa he maꞌa-maꞌa. ꞌAta rahi rō atu tōꞌoku aŋa mōꞌona ki a rāua, ꞌata rahi rō atu tōꞌoku puru iŋa ꞌi roto i te hare maꞌuꞌaurī ꞌo te aŋa ki te Kiritō ki a rāua, ꞌata rahi rō atu te tiŋaꞌi iŋa mai i a au, ꞌe i rahi rō te mahana i oho rō a au mo mate.

2 Kōrinto 11:27

ꞌI rā ŋā ara takoꞌa i rahi rō tāꞌaku aŋa ꞌe i rohi-rohi rō a au; i rahi rō te mahana ꞌina a au kai haꞌuru; ꞌi tōꞌona mahana i maruaki rō ꞌe i pohe rō ki te vai. I ai rō te mahana ꞌina a au kai kai, ꞌe kē mahana i takeꞌo rō ꞌi te kahu kore mo puꞌa.

2 Kōrinto 11:9

ꞌE, ꞌi rā hora era ōꞌoku ꞌi muri i a kōrua, e hape era tāꞌaku meꞌe, ꞌina a au he no-noꞌi atu. O te taina tuꞌu mai mai Mātērōnia i hāꞌūꞌū mai. A au, paꞌi, e uꞌi rō ꞌana ꞌo riro a au he meꞌe paŋahaꞌa e tahi mo kōrua, ꞌe pē ira a au e aŋa e oho nei ꞌi te kona taꞌatoꞌa o Ākāia. ꞌO ira, ꞌina e tahi kope o rā ŋā kona mo kī i tōꞌoku reo-reo ana teꞌo-teꞌo a au o ruŋa i te taꞌe no-noꞌi i te moni mo haka ꞌite i te roŋo riva-riva o te ꞌAtua. ꞌE tāꞌaku vānaŋa nei e kī atu ena pa he parautiꞌa ena ꞌā o tāꞌaku vānaŋa taꞌatoꞌa kī atu o ruŋa i te Kiritō.

2 Kōrinto 12:10

ꞌĒ-ē, e koa rō ꞌana a au ꞌo tōꞌoku taꞌe pūai, ꞌo te vā-vā mai, ꞌo te kore o tāꞌaku meꞌe, ꞌo te tute mai mo tōtōā ꞌe ꞌo te ꞌati taꞌatoꞌa topa mai ꞌi ruŋa i a au ꞌi te ai ōꞌoku ꞌa Ietū Kiritō; ꞌi te hora taꞌe pūai ōꞌoku, paꞌi, ꞌi rā hora mau ꞌā e ꞌata pūai ena a au hai pūai ōꞌona.

2 Kōrinto 12:12

Te meꞌe tāpaꞌo i te taŋata pa he ꞌāpōtoro parautiꞌa, pa he aŋa i te mana ꞌe he tētahi atu meꞌe mo māere e te taŋata aŋa hai pūai o te ꞌAtua, i aŋa tahi rō a au ꞌi roto i a kōrua hai haꞌaoromaꞌi.

2 Kōrinto 2:17

ꞌIna a mātou he haka ꞌite i te ⌊roŋo riva-riva o te ꞌAtua⌋ mo ravaꞌa moni, pa he meꞌe aŋa e te tētahi. Te mātou meꞌe aŋa he vānaŋa hai parautiꞌa, pa he tāvini o te ꞌAtua ꞌo te ai o mātou o te Kiritō, ꞌe he ꞌAtua te mātou mataꞌite.

2 Kōrinto 3:6

Hai hāꞌūꞌū mau nō ōꞌona e tano nei mātou mo haka ꞌite o ruŋa i te haka tere iŋa ꞌāpī ōꞌona ananake ko te taŋata, ꞌe te oho iŋa nei taꞌe hai haꞌatura ki te ⌊haka tere iŋa ꞌa Mōtē⌋ ana tano ki tōꞌona mata, hai ai o te Vārua Maitai ꞌi roto i te māhatu. Te meꞌe mo ravaꞌa hai haꞌatura ki te haka tere iŋa ꞌa Mōtē he mate, ꞌe te meꞌe vaꞌai e te Vārua Maitai he ora ꞌāpī ꞌina he hopeꞌa raꞌa.

2 Kōrinto 4:17

E haka topa nei i te manaꞌu o ruŋa i te meꞌe ka ai ena mo tātou pe muꞌa ka oho ena: he noho iŋa riva-riva ꞌina he hopeꞌa raꞌa ꞌi te raŋi, te ꞌati ꞌamo e mātou ꞌi te ao nei ꞌina e mātou he tapa atu; e tuꞌu rō ꞌana, paꞌi, pa he meꞌe taꞌe paŋahaꞌa ꞌe e ko roa he ŋaro.

2 Kōrinto 4:2

A mātou e hārui rō ꞌana hai tuaꞌivi i te meꞌe taꞌe tano taꞌatoꞌa aŋa e te taŋata e naꞌa rō ꞌana ꞌo haꞌamā, ꞌe, takoꞌa, ꞌina a mātou he reo-reo ꞌe he huri i te vānaŋa o te ꞌAtua. Te ꞌAtua ko ꞌite ꞌana he parautiꞌa mau nō te meꞌe haka ꞌite e mātou o ruŋa i a ia, ꞌe taꞌatoꞌa taŋata manaꞌu riva-riva e ꞌite takoꞌa rō ꞌā: te mātou meꞌe kī he parautiꞌa.

2 Kōrinto 4:8

He topa nō mai te ꞌati, ꞌe ꞌina a mātou he haka tapa i te mātou manaꞌu mai ruŋa i te ꞌAtua; e ai rō ꞌā te mahana e tuꞌu rō ꞌā pa he meꞌe ena ē: ꞌina he rāveꞌa toe mo eꞌa mai roto i te ꞌati, ꞌe ko te haka moe iŋa ꞌana te mātou manaꞌu ꞌi ruŋa i te ꞌAtua mo hāꞌūꞌū mai.

2 Kōrinto 7:11

Ka uꞌi rā he aha he aha te meꞌe riva-riva poreko mai te meꞌe ŋaroꞌa era e kōrua: ko haŋa ꞌana kōrua mo haka tī-tika i te meꞌe hape o roto i te nūnaꞌa taŋata ⌊haka moe i te manaꞌu⌋ ꞌi ruŋa i a Ietū o Kōrinto, ko riri ꞌana kōrua mo te meꞌe taꞌe tano aŋa era e rā kope, ꞌe ko riꞌa-riꞌa ꞌana ꞌo haka ūtuꞌa atu i a kōrua e te ꞌAtua ananake ko rā kope. Ko haŋa takoꞌa ꞌana a kōrua mo oho atu ōꞌoku mo uꞌi i a kōrua, ko ꞌata haꞌatura ꞌana a kōrua i tāꞌaku meꞌe kī atu era ꞌe ko haka ūtuꞌa ꞌā i rā kope. Hai ŋā meꞌe nei e takeꞌa ena: ꞌina e tahi hape o kōrua o rā meꞌe topa era.

Kōrosa 1:11

ꞌI roto i te mātou pure e no-noꞌi rō ꞌana a mātou ki te ꞌAtua mo haka haŋu atu i a kōrua hai pūai nui-nui ōꞌona. Pē ira he ꞌite kōrua mo ꞌamo hai pūai, hai haumārū ꞌe hai koa i te ꞌati taꞌatoꞌa nō era mo topa atu ꞌi ruŋa i a kōrua

Kōrosa 1:24

E koa rō ꞌana a au ꞌi te meꞌe era ko ꞌite ꞌana e au: te ꞌati nei e ꞌamo atu ena mo te kōrua riva-riva. Ko vaꞌai tahi ꞌana, paꞌi, a au i a au mo ꞌamo i te ꞌati taꞌatoꞌa haŋa e te Kiritō mo ꞌamo e au, mo te riva-riva o te nuꞌu taꞌatoꞌa haka moe i te manaꞌu ꞌi ruŋa i a ia.

1 Tētārōnika 3:7

ꞌI roto i te ꞌati taꞌatoꞌa ꞌamo e mātou, e te taina ē, te parau ꞌāpī tuꞌu mai nei o ruŋa i a kōrua ko haka pūai ꞌe ko haka koa mai ꞌana i a mātou.

1 Tētārōnika 5:14

He ani takoꞌa atu mātou, e te taina ē: e haka pūai te manaꞌu o te nuꞌu e riꞌa-riꞌa rō ꞌā, e hāꞌūꞌū ki te nuꞌu ꞌina he pūai te rāua haka moe iŋa i te manaꞌu ꞌi ruŋa i a Ietū, e kī ki te nuꞌu hupe-hupe: «e aŋa», ꞌe e ꞌite kōrua mo haꞌaoromaꞌi i te taꞌatoꞌa.

1 Timoteo 2:15

Te tano mau: e haka tere te ŋā viꞌe hai manaꞌu o te ꞌAtua ki moꞌa ai e te taŋata. E noho e hāpaꞌo i te rāua ŋā poki, e haka moe e oho i te rāua manaꞌu ꞌi ruŋa i a Ietū, e haŋa e oho ki te rua, ꞌe e haꞌatura e oho ki te ꞌAtua. Pē ira he haka eꞌa e te ꞌAtua mai roto i te ūtuꞌa o te hara.

1 Timoteo 4:6

E Timoteo, mo hāpī ōꞌou ki te taina i te ŋā meꞌe nei, he tāvini riva-riva ia koe o Ietū Kiritō. ꞌE te roŋo parautiꞌa o te ꞌAtua ꞌe te maꞌu ōꞌou i te hāpī riva-riva haka ꞌite atu he haka haŋu he oho i a koe.

1 Timoteo 6:11

ꞌE a koe, e te taŋata o te ꞌAtua ē, e tere mai te ŋā meꞌe taꞌatoꞌa nei. Tuꞌu noho iŋa e ai noho iŋa tī-tika, moꞌa ꞌe haꞌatura ki te ꞌAtua. E haka moe e oho koe i te manaꞌu ꞌi ruŋa i a Ietū, e haŋa ki te rua, e ꞌite i te haꞌaoromaꞌi i te ꞌati hai pūai, ꞌe te meꞌe taꞌatoꞌa kī ꞌe aŋa e koe e aŋa hai haumārū.

2 Timoteo 1:8

ꞌIna koe ko riꞌa-riꞌa mo vānaŋa o ruŋa i te tātou Pūꞌoko Haka Tere ko Ietū Kiritō, ꞌe ꞌina koe ko haꞌamā ꞌo tōꞌoku puru ꞌi roto i te hare maꞌuꞌaurī. Hai pūai o te ꞌAtua, mai ki haꞌaoromaꞌi ki oho i te ꞌati mo topa mai ꞌo te haka ꞌite i te roŋo riva-riva o ruŋa i a Ietū.

2 Timoteo 2:24

Te tāvini o te ꞌAtua ꞌina ko tātake; e riva ki te taꞌatoꞌa, e ꞌite mo hāpī i te rua ꞌe mo haꞌaoromaꞌi i te meꞌe hai haumārū.

2 Timoteo 4:5

ꞌE a koe, e ꞌite i te hāito i taꞌa meꞌe kī ꞌe i taꞌa meꞌe aŋa, e haꞌaoromaꞌi hai pūai i te ꞌati, e haka ꞌite e oho i te ⌊roŋo riva-riva o ruŋa i a Ietū Kiritō⌋, ꞌe e aŋa riva-riva taꞌa aŋa.

ꞌEvereo 12:1

ꞌI te ꞌite o tātou e ai rō ꞌā meꞌe rahi nō atu nuꞌu ꞌi raꞌe ki a tātou ⌊haka moe i te manaꞌu⌋ ꞌi ruŋa i te ꞌAtua ꞌātā ki te hopeꞌa, ꞌe a rāua pa he nuꞌu haka haŋu mai, e toꞌo mai ruŋa i a tātou te meꞌe paŋahaꞌa taꞌatoꞌa haka tu-tuki mai, ꞌe i te hara haka hihi-hihi mai mo tuꞌu o tātou ki te hopeꞌa o te ꞌāꞌati haka rē mai e te ꞌAtua, te auraꞌa, mo tuꞌu o tātou ki te roa haŋa e ia mo tātou.

Meꞌe Haka Takeꞌa 1:9

A au, a Iovani, he taina o kōrua, ꞌe, ꞌi te ai ōꞌoku ꞌa Ietū, a au takoꞌa ꞌi roto i te nūnaꞌa taŋata haka tere e te ꞌAtua, ꞌamo ꞌe haꞌaoromaꞌi i te ꞌati ananake ko kuā kōrua. ꞌE, ꞌi te haka ꞌite ōꞌoku i te roŋo o te ꞌAtua ꞌe ꞌi te vānaŋa o ruŋa i a Ietū, i maꞌu i puru ai i a au ꞌi te motu era ko Patamo.

Meꞌe Haka Takeꞌa 3:10

’ꞌE ꞌi te haꞌatura ōꞌou i tāꞌaku roŋo nei: he haꞌaoromaꞌi hai haumārū i te ꞌati, he hāpaꞌo a au i a koe, ꞌo topa atu ꞌi ruŋa i a koe te ꞌati taparahi-taꞌata ka topa ena ꞌi te ao mo haka ꞌatu i te taŋata taꞌatoꞌa.